هەڵبژاردنی سەرۆکایەتیی کۆماری ئێران چووە خولی دووەمەوە

زووم..

لە هەڵبژاردنی سەرۆککۆماری ئێران هیچ یەکێک لە کاندیدەکان نەیانتوانی دەنگی پێویست بەدەستبهێنن و هەڵبژاردنەکە کەوتە خولی دووەمەوە لەنێوان مەسعود پزشکیان و سەعید جەلیلی.

بەگوێرەی ئاماری فەرمیی دەزگای هەڵبژاردنی ئێران، زیاتر لە 34 ملیۆن و 353 هەزار کەس دەنگیان داوە و بەوەش رێژەی بەشداری دەنگدەران گەیشتووەتە لەسەدا 40.

مەسعود پزشکیان، کاندیدی ریفۆرمخوازەکان، 10 ملیۆن و 415 هەزار دەنگی بەدەستهێناوە و لە پلەی یەکەمدا هاتووە، سەعید جەلیلیش کە کاندیدی بناژۆخوازەکانە نۆ ملیۆن و 473 هەزار دەنگی بەدەستهێناوە و لە پلەی دووەمدایە.

دەزگای هەڵبژاردنی ئێران دەشڵێت، بەهۆی ئەوەی هیچ یەکێک لە کاندیدەکان نەیانتوانیوە زیاتر لەسەدا 50ـی دەنگەکان بەدەستبهێنێت، بۆیە خولی دووەمی هەڵبژاردنەکە هەینی داهاتوو لەنێوان مەسعود پزشکیان و سەعید جەلیلیدا بەڕێوەدەچێت.