زووم..

پێشنیوەڕۆی ئەمڕۆ بۆردومانی ناوچەیەکی چیای مەتین لە سنووری قەزای ئامێدیی سەر بە پارێزگای دهۆک کرا و بەهۆیەوە ئاگر لە ناوچەکە کەوتەوە.

سەرچاوەیەکی ئیداری لە قەزای ئامێدی تایبەت بە زوومی رایگەیاند، تائێستا ئاگرەکە بەردەوامە و دووکەڵ لەو ناوچانە بەرزبووەتەوە.

گوتیشی، بەهۆی شەڕ و ئاڵۆزییەکانی نێوان تورکیا و پەکەکە ئەو ناوچانە قەدەغەکراون ناتوانرێت تیمی ئاگرکوژێنەوەی بۆ بنێردرێت.

ئەو سەرچاوەیە ئاماژەی بۆ ئەوەشکرد، هەرچەندە ئاگرەکە زیانی گیانی نەبووە، بەڵام زیانێکی زۆری مادی و سروشتی بە ناوچەکە گەیاندووە.