82
زووم..
ئاسایشی سلێمانی 11 کەسی بە تۆمەتی قۆپیکردن دەستگیرکرد کە لە رێگەی ئامێری بیستۆکەوە بە نیازی قۆپیکردن بوون.
بەڕێوەبەرایەتی ئاسایشی سلێمانی لە راگەیەندراوێکدا بڵاویکردەوە لە سنووری قەزای چەمچەماڵ 11 کەسیان دەستگیرکرد، کە بە نیازی قۆپیکردن بوون لە رێگەی ئامێری بیستۆکەوە.
بە گوێرەی راگەیەندراوەکەی بەڕێوەبەرایەتی ئاسایشی سلێمانی تۆمەتبارەکان ئامێرەکانیان لە رێگەی ئۆنلاینەوە کڕیوە و ویستویانە بۆ تاقیکردنەوەکانی پۆلی 12ـی ئامادەیی بەکاریبهێنن.
ئاسایشی سلێمانی ئەوەشی خستووەتەڕوو، کە تۆمەتبارەکان بەپێی مادەی 240 لە یاسای سزادانی عێراقی ڕاگیراون و لێکۆڵینەوە لە دۆسیەکانیان بەردەوامە.
