وەزارەتی کارەبا: دۆخی كارەبا ئاسایی دەبێتەوە

زووم..

وەزارەتی کارەبای هەرێمی کوردستان رایگەیاند، لە کێڵگەی کۆرمۆرەوە دەست بە گواستنەوەی غاز بۆ وێستگەکانی کارەبا کراوە و لە دوو كاتژمێری داهاتوودا، قۆناغ بە قۆناغ دۆخی کارەبا ئاسایی دەبێتەوە.

وەزارەتی کارەبای هەرێم لە دووەم راگەیەندراوی ئەمڕۆیدا لەبارەی راگرتنی هەناردەی غاز و ئاسایی بوونەوەی دۆخی کارەبا، رایگەیاند، لە بەیانی ئەمڕۆوە گواستنەوەی غاز بۆ وێستگەکانی کارەبا راوەستا، بەهۆیەوە دوو هەزار مێگاوات بەرهەمهێنانی کارەبا کەم بووەوە.

دەشڵێت، هەردوو وەزارەتی کارەبا و سامانە سروشتییەکان بە هەماهەنگی لەگەڵ کۆمپانیای دانەغاز کێشەکەیان چارسەر کرد و دەست بەگواستنەوەی غاز بۆ وێستگەکانی کارەبا کرا تا دۆخی کارەبا ئاسایی ببێتەوە.