157
زووم..
وەزارەتی دەرەوەی تونس رایگەیاند، ڤیزای چوونە ناوەوەی بۆ هەڵگرانی پاسپۆرتی عێراقی هەڵگرت و لەمڕۆوە هاووڵاتیانی عێراقی دەتوانن بەبێ ڤیزا سەردانی وڵاتەکە بکەن.
وەزارەتی دەرەوە و کاروباری کۆچبەرانی تونس لە راگەیەندراوێکدا هەڵوەشانەوەی ڤیزای چوونە ژوورەوەی لەسەر هاوڵاتیانی عێراقی هەڵگرت بە مەرجێک لەچوارچێوەی گەشتوگوزار و بۆ 15 رۆژ زیاتر نەبێت.
دەشڵێت، بڕیارەکە لە 15ـی حوزەیرانەوە جێبەجێدەکرێت.
لەلای خۆیەوە وەزارەتی دەرەوەی عێراق لە راگەیەندراوێکدا بڵاویکردەوە، پێشوازی لە بڕیارەکەی وەزارەتی دەرەوەی تونس دەکەن بۆ هەڵوەشاندنەوەی مەرجەکە و پێشبینی دەکەن ئەم بڕیارە ببێتە هۆی زیادبوونی ژمارەی گەشتیارانی عێراقی بۆ تونس و هاوکاری ئابووری و بازرگانی نێوان هەردوو وڵات.
