گوتەبێژى حکومەت لەبارەى چارەنووسى سێ مووچەى ساڵى رابردوو قسەى بۆ زووم کرد

زووم..

پێشەوا هەورامى گوتەبێژى حکومەتى هەرێمى کوردستان لە بارەى مووچەى خانەنشینى سەربازى و چارەنووسى سێ مووچەى ساڵى رابردووى فەرمانبەرانی هەرێمى کوردستان قسەى بۆ زووم کرد و گوتى: قسەکانى وەزیرى عێراق لەبارەى سێ مووچەى ساڵى رابردوو پێچەوانەى یەکترە.

دیار عادل زوومى هەولێر ئەمڕۆ چوارشەممە لە کۆنگرەیەکى رۆژنامەنووسیدا پرسیارى لە گوتەبێژى حکومەت لەبارەى دابەشنەکردنى مووچەى خانەنیشنى سەربازى و سێ مووچەى ساڵى رابردوو کرد و لە وەڵامدا گوتەبێژى حکومەت گوتى: پارەى مووچەى خانەنشینى سەربازى و مووچەى هێزە ئەمنییەکانیش نەنێردراوە و قەرزە لاى عێراق دەبێت بینێرێت.

هەروەها گوتیشى: سێ مووچەى ساڵى رابردووش لاى حکومەتى عێراقە و نەیناردووە، وەزیرى دارایش لەو بارەوە قسەى پێچەوانەى کردووە، ئەرکە لەسەر حکومەتى عێراق بینێرێت.