76
زووم…
شی جین بینگ، سەرۆکی چین ئەمڕۆ بە سەردانێکی دوو رۆژە دەگاتە فەڕەنسا و ئەوەش یەکەم سەردانی ناوبراو بۆ کیشوەری ئەوروپا لە ساڵی 2019ـەوە.
بەگوێرەی هەوڵێکی ئاژانسی رۆیتەرز، لە سەردانەکەدا پەیوەندیە بازرگانییەکانی نێوان هەردوو وڵات و قەیرانی ئۆکراین بابەتی سەرەکی کۆبوونەوەکان دەبن.
رۆیتەرز دەڵێت، ماکرۆن هەوڵدەدات سەرۆکی چین قایل بکات بۆ چارەسەرکردنی گرفتە بازرگانییەکانی نێوان پاریس و پەکین، هەروەها داوای لێدەکات چین هەژموونی خۆی بەکاربهێنێت بۆ دروستکردنی کاریگەری لەسەر روسیا لە جەنگی دژ بە ئۆکراین.
سەردانەکەی سەرۆکی چین بۆ فەرەنسا، یەکەمین سەردانی ناوبراوە بۆ ئەوروپا لە پێنج ساڵی رابردوودا، بڕیارە هەر لەو سەردانەدا لەگەڵ ئۆرسولا ڤۆن دێر لاین، سەرۆکی کۆمسیۆنی ئەوروپا کۆببێتەوە.
