مانگرتن و خۆپێشاندانی شۆفێرانی بارهەڵگر لە ئێران بەردەوامە

زووم…

لە دوای چەندین رۆژ بەردەوامی، ئەمڕۆش شۆفێرانی بارهەڵگر لە شاری شیرازی ئێران بەهۆی کەمکردنەوەی رێژەی سووتەمەنی گردبوونەوەیەکی ناڕەزایەتییان ئەنجامدا و مانیان گرت لە کارکردن.

کۆمپانیای نەوتی ئێران رێژەی سووتەمەنی بارهەڵگرانی لە سێ هەزار لیترەوە بۆ پێنج سەد لیتر لە مانگێکدا کەمکردووەتەوە و ئەمەش بووەتە هۆی تێکچوونی ئەو بەشەی سیستەمی گواستنەوە لە ئێران و شۆفێران دەستیان بە ناڕەزایەتی کردوە.

کەمبوونەوەی رێژەی سووتەمەنی و زیادبوونی نرخی تایە و پارچەی یەدەگی بووەتە هۆی زیادبوونی تێچووی گواستنەوە و لە ئەنجامدا بووەتە هۆی بەرزبوونەوەی نرخی کاڵا و خزمەتگوزاری بۆ خەڵک.

هەفتەی رابردووش شۆفێرانی بارهەڵگر لە شارەکانی تاران، کرمان، بوشەهر و بەلووچستان بەرامبەر کەمکردنەوەی رێژەی سووتەمەنی مانگرتن و خۆپێشاندانیان ئەنجامدا.