زووم…
دادگای فیدڕاڵیی عێراق ئەمڕۆ لەسەر سکاڵایەکی پەیوەست بە داخستنی کەمپی ئاوارەکان و گەڕانەوەیان لە هەرێمی کوردستان کۆدەبێتەوە.
بە گوێرەی خشتەی کاری دانیشتنەکانی دادگا، دادبینی بۆ سکاڵایەکی ئیڤان فایەق جابرۆ، وەزیری کۆچ و کۆچبەرانی عێراق دەکرێت، کە لەسەر هەریەک لە سەرۆکی هەرێمی کوردستان، سەرۆکوەزیران و وەزیری ناوخۆ تۆماریکردووە.
وەزیری کۆچ و کۆچبەران داوای کردووە هەرێمی کوردستان پابەند بکرێت بە بڕیاری بەغداد بۆ داخستنی کەمپی ئاوارەکان و گەڕانەوەیان بۆ زێدی خۆیان.
بەگوێرەی بڕیارێکی ئەنجومەنی وەزیرانی عێراق، رۆژی 30ـی حوزەیران دوا وادە دەبێت بۆ داخستنی کەمپی ئاوارەکان لە هەرێمی کوردستان.
وەزیری كۆچ و كۆچبەرانی عێراق، چەندینجار هەرێمی كوردستانی تۆمەتباركردووە بە رێگەگرتن لە گەڕانەوەی ئاوارەكان بۆ زێدی خۆیان و بەكارهێنانی ئەو دۆسیەیە وەک كارتێکی سیاسی.
