63
زووم…
بزووتنەوەی تاڵیبان بە نیازە بەکارهێنانی فەیسبووک لە ئەفغانستان سنووردار بکات یاخود بە تەواوی قەدەغەی بکات.
تۆڕی هەواڵی ئەفغانستان ئینتەرناشناڵ دەڵێت، نەیجبوڵا حەقانی وەزیری زانیاری و پەیوەندییەکانی تاڵیبان رایگەیاندووە وەزارەتەکە پلانێکی بۆ سنووردارکردن یان قەدەغەکردنی تەواوەتی فەیسبووک لە ئەفغانستان ئامادەکردووە.
وەزیرەکەی تاڵیبان پاساوی بە فیڕۆدانی کاتی گەنجانی بۆ ئامادەکردنی ئەو پلانە گەڕاندووەتەوە و گوتوویەتی زۆرینەی گەنجانی ئەفغانستان لە رووی زانستییەوە لاوازن و نەخوێندەوارن.
بەگوێرەی هەواڵەکەی ئەفغانستان ئینتەرناشناڵ، بزووتنەوەی تاڵیبان هێزێکی پۆلیسی تایبەتی دروستکردووە بۆ چاودێریکردنی بەکارهێنانی فەیسبووک تا بتوانرێت بەکارهێنانی سنووردار بکرێت یاخود بە تەواوی قەدەغەبکرێت.
