لە ئامەد کچە مۆدێلێک خۆى بۆ موختار کاندید دەکات

زووم..

سیموور سەرسڵماز، کچە مۆدێلێکى باکوورى کوردستانە، لە ئامەد خۆى بۆ موختار لە هەڵبژاردنى شارەوانییەکانى ئەمساڵ کاندید کردووە.

بەگوێرەى هەواڵێکى ماڵپەرى ئامیدا خەبەر، ئەو کچە مۆدێلە لەسەر هیچ حزب و لایەنێک خۆى کاندید نەکردووە، بەڵکو بەشێوەى سەربەخۆ دەچێتە کێبڕکێى بردنەوەى موختارى گەڕەکى باغڵەرەوە.

لە دیارترین پڕۆژەکانى ئەو کچە مۆدێلە رایگەیاندووە، کارکردنە بۆ رێگری لە هاوسەرگیریی بە زۆر و نەهێشتنى دیاردەى مادەى هۆشبەر.

ئەو کچە مۆدێلە لە ئامەد دەژى و ئەو گەڕەکەى خۆى تێدا کاندید کردووە، گەڕەکێکى هەژارنشین و شەعبییە، بۆ موختارى گەڕەکەکە ناچارە رکابەرى لە بەرامبەر چوار کاندیدى پیاو دەکات.

سیموور ساڵانێکى زۆرە کارى مۆدێلى دەکات و لایەنگریی یانەى تۆپى پێى شارەکەیەتى کە ئامەد سپۆڕە.