میترۆ

• راوێژکاری خەزێنەی بەریتانیا دەڵێت بەهۆی پلانەکانی لیز ترەس، دەبێت هەموومان باجی زیاتر بدەین و خەرجی گشتی وڵات لەم هەفتەیەوە کەمتر بکەینەوە
• شا چارڵزی سێهەم، ئاهەنگی 74ــەمین ساڵیادی لەدایکبوونی خۆی و یەکەمین ساڵیادی بێ شاژنی کۆچکردووی دایکی دەگێڕێت
• جیاواز لە کچانی دیکەی جیهان، کە خۆیان ئامادە دەکەن بۆ رۆژێکی دیکەی کار یان خوێندن، کچانى ئێران خۆیان بۆ خۆپیشاندانەکان ئامادە دەکەن

ئای

• رێژەی پێدانى باج بۆ هەموو هاوڵاتییەکی بەریتانیا بەرزدەبێتەوە و پێدانی هاوکاریی سوتەمەنی تەنها خێزانە زۆر هەژارەکان دەگرێتەوە
• وەزارەتی بازرگانی ئەمریکا رایگەیاند، ئێران لە رێگەی فڕۆکەی بارهەڵگری جۆری بۆینگ 747ی وڵاتەکەیەوە درۆنی سەربازی بۆ روسیا دەنێرێت
• مەترسی پیسبوونی سەرچاوەی ئاوی خواردنەوەی ماریوپۆلی ئۆکراینا هەیە، بەهۆى زۆرى پاشماوەى تەرم، شارەوانی دەڵێت “پوتین لە هیتلەر زیاتر خەڵکی کوشتووە”

میرەر

• کەرتی تەندروستی بەریتانیا بەرەو دەڕامان دەچێت و رێخکراوی یونایت هۆشداری دەدات، کە ئەم هەفتەیە دوا چانسە بۆ دابینکردنى بودجە بۆ کەرتەکە
• هەژاری هەندێک خێزانی بەریتانیا لەوپەڕی خراپیدایە، خەڵک هەیە ئەڵقەی هاوسەرگیرییەکەى فرۆشتووە بۆ کڕینی کارەبا و هەیە تەختەی ئەرزیی ماڵەکەی بۆ کوڵاندنی کتری ئاو فرۆشتووە
• سوپای پاسدارانی ئێران سزای لەسێدارەدانی بەسەر خۆپیشاندەرێکی وڵاتەکەیدا بەناوی میزان سەپاند و پێنج کەسی دیکەش سزای زیندانی پێنج بۆ 10 ساڵیان بەسەردا سەپێنرا

دەیلی تەلەگراف

• ریشی سوناک لە رۆژنامەی دەیلی تەلەگرافدا نوسیویەتی بەنیازە لە لوتکەی G20دا روسیا بە “دەوڵەتێکی ناپاک” ناوزەد بکات بەهۆی لەشکرکێشی ئۆکرانیا و بەشدارینەکردنی لە لوتکەی G20دا
• ژمارەی ئەو کۆچبەرانە لە رێگەی دورگەی ئینگلیزەوە گەیشتوونەتە بەریتانیا لەمساڵدا 40 هەزار کەسی تێپەڕاند، ئەمڕۆش فەرەنساو بەریتانیا رێکەوتنێکی 63 ملیار پاوەندی رادەگەیەنن
• کۆمارییەکان دواى لەدەستدانى ئەنجومەنی پیران، سەرزەنشتی ترەمپ دەکەن بۆ ئەو شکستە و خەریکی ئامادەکردنی رۆن دیسانتسن بۆ سەرۆکایەتی ئەمریکا لە هەڵبژاردنەکانی سەرۆکایەتی لەساڵی 2024دا