39
زووم:
تۆڕی ئێن بی سی ئەمریکی دەڵێت، ئیسرائیل و ئەمریکا چەند وڵاتێکی عەرەبی گرێبەستێکی تازەیان لەبارەی راگرتنی جەنگی غەزە و ئازادکردنی بارمتەکان گەڵاڵەکردووە.
لەوبارەیەوە تۆڕی ئێن بی سی ئەمریکی ئاشکرایکردووە، هەریەکە لە ئیسرائیل، ئەمریکا، میسر و قەتەر، لە پاریسی پایتەحتی فەڕەنسا لەسەر رەشنووسی چوارچێوەیەکی تازە رێککەوتوون لەبارەی راگرتنی جەنگ و گۆڕینەوەی بارمتە و زیندانیکراوانی نێوان حەماس و ئیسرائیل.
تۆڕەکە بڵاویشیکردەوە، کە بڕیارە ئەمڕۆ رەشنووسی رێککەوتنەکە بدرێتە بزووتنەوەی حەماس.
سەبارەت بە وردەکاریی ریککەوتنەکە، ئێن بی سی ئاشکرایکردووە، قۆناغ بەقۆناغ جەنگی غەزە رادەگیرێت و هاوکارییەکان دەگەیەندرێنە هاووڵاتیانی غەزە، هاوکات بارمتە ئەمریکی و ئیسرائیلییەکان ئازاد دەکرێن، سەرەتاش بە ئازادکردنی ژن و منداڵ دەستپێدەکات.
