فەرماندەیی ناوەندی هێزەکانی ئەمریکا رایگەیاند، بە هاوبەشی لەگەڵ هێزەکانی بەریتانیا و بە پشتیوانی ئوسترالیا، کەنەدا، هۆڵەندا و بەحرەین، 8 ئامانجی حوسییەکانمان لە یەمەن بۆردومان کرد.
فەرماندەیی ناوەندی هێزەکانی ئەمریکا (سێنتکۆم) لە راگەیاندراوێکدا لەبارەی هێرشەکە رایگەیاندووە، کاتژمێر 11:59 خولەکی شەوی رابردوو بەکاتی سەنعای پەیتەختی یەمەن هێرشەکەیان کردووەتە سەر حوسییەکان، بۆردومانەکە ئەو شوێنانەی حوسییەکانی کردە ئامانج کە بۆ هێرشکردنە سەر کەشتییە بازرگانییەکان و کەشتییەکانی هێزی دەریایی ئەمریکا لە دەریای سوور بەکاردەهێنران.
فەرماندەیی ناوەندی هێزەکانی ئەمریکا دەڵێت، “ئامانجمان لاوازکردنی توانای حوسییەکانە” بۆ هێرشکردنە سەر کەشتییەکانمان و بە ئامانجگرتنی کەشتییە بازرگانییەکانە لە دەریای سوور.
فەرماندەی ناوەندی هێزەکانی ئەمریکا ڤیدیۆیەی هێرشەکەشی بڵاوکردووە.
U.S. Forces, Allies Conduct Joint Strikes in Yemen
As part of ongoing international efforts to respond to increased Houthi destabilizing and illegal activities in the region, on Jan. 22 at approximately 11:59 p.m. (Sanaa / Yemen time), U.S. Central Command forces alongside UK… pic.twitter.com/BQwEKZqMAo
— U.S. Central Command (@CENTCOM) January 22, 2024
بەگوێرەی راگەیەندراوەکە ئەو ناوچانەی هێرشیانکراوەتە سەر، لەژێر دەسەڵاتی حوسییەکاندا بوون و بەردەوام لێیانەوە هێرشکراوەتە سەر کەشتییە جەنگیی و بازرگانییەکانی دەریای سوور. پێگەکانیش سیستم و سەکۆی هەڵدانی موشەک، سیستمی بەرگریی ئاسمانیی، رادار و جبەخانەی نێژراوی چەک و تەقەمەنیی لەخۆگرتووە.
