34
زووم:
ئەمڕۆ نوێنەرانی مامۆستایان و فەرمانبەرانی ناڕازی سەردانی بەغدادیان کرد و لەگەڵ محەمەد شیاع سودانی، سەرۆکوەزیری عێراق کۆبوونەوە.
بەگوێرەی زانیارییەکانی زووم، ئاری عیزەدین، دڵشاد میرانی و سامان عەلی بە نوێنەرایەتیی مامۆستایان و فەرمانبەرانی ناڕازی لەگەڵ سودانی کۆبوونەوە.
کۆبوونەوەکە کاتژمێرێکی خایاندووە و یاداشتێکیان پێشکەش بە سودانی کردووە، کە داوای گواستنەوەی مووچەی فەرمانبەرانی هەرێم بۆ سەر عێراق کراوە، لەگەڵ کردنەوەی لقی بانكی رەشید و رافدین لە هەرێم و دەستپێكردنی پلەبەرزكردنەوە و دامەزراندنی وانەبێژەكان.
زووم قسەی لەگەڵ کردن و دەڵێن، “سودانی بەڵێنی چارەسەرکردنی کێشەی مووچەی پێداوین” و سبەی لە کۆنفرانسێکی رۆژنامەنووسیدا ناوەڕۆکی کۆبوونەوەکە دەخەینەڕوو.
