هەشت خاڵ دەستپێکردنەوەی هەناردەی نەوتی هەرێمیان لە بەندەری جەیهانەوە دواخستووە

رۆژنامە عەرەبییەکان

سەباح

• هەشت خاڵ دەستپێکردنەوەی هەناردەی نەوتی هەرێمیان لە بەندەری جەیهانەوە دواخستووە
• شارەزایانی یاسایی: بڕیارەکانی دادگای فیدڕاڵی پابەندکەرن تەنانەت ئەگەر یاساکەشی هەموواربکرێتەوە
• دوو کۆمپانیای میسری و فەرەنسی مانگی دەستکردیی عێراقی دروست دەکەن

شەرقئەوسەت

• عێراق کەوتە حاڵەتی ئامادەباشی و سەدریش داوای پاراستنی هەڵبژاردنەکان دەکات
• ژێرئاوخستنی تونێلەکان هەڕەشەی کارەسات لە غەزە دەکات
• ماڵەکانی باشووری لوبنان لەژێر هەڕەشەی بۆردومانی ئیسرائیلدان

عەرەبی جەدید

• ئیسرائیل چیتر ناتوانێت زیانەکانی بشارێتەوە
• حەماس ئازادکردنی بارمتەکان پێش راگەیاندنی ئاگربەست رەتدەکاتەوە
• هەڵمەتە جەماوەرییەکان کۆمپانیاکانی پشتگیریکاری ئیسرائیلی ناچار بە کشانەوە کردووە

ئەلعەرەب

• دەنگدەرانی ناوچە سونییەکان لە عێراق لەژێر هەڕەشەی چەکی میلیشیا شیعەکاندا دەنگ دەدەن
• پەیماننامەی کۆمەڵایەتیی نوێ بوار بۆ دووبارە دامەزراندنەوەی هەیکەلی خۆبەڕێوەبەری کورد لە رۆژئاوا دەکاتەوە
• رێککەوتنی کۆپ 28 بەبێ دانانی رێکار و بەربەست وا دەکات هەمووان خوێندنەوەی خۆیان بکەن و بە ئارەزووی خۆیان مامەڵەی لەگەڵ بکەن

رۆژنامە ئینگلیزییەکان

فاینەنشیەڵ تایمز

• لەگەڵ هاتنی وەزی زستاندا ڤۆلۆدیمیر زێلێنسکی، سەرۆکی ئۆکراین بەدوای دابینکردنی بودجەدا دەگەڕێت بۆ وڵاتەکەی
• رێککەوتننامە مێژووییەکەی لوتکەی COP28 بۆ یەکەمجار باس لە وازهێنان لە سوتەمەنیی بەردین (ژێرزەوی) دەکات
• پرسی ناردنی کۆچبەرانی بەریتانیا بۆ رواندا شەڕێکە بۆ ریشی سوناکی سەرۆکوەزیران بۆ کۆنترۆڵکردنی ئەندامانی پارتەکەی

واشنتن پۆست

• بە زۆرینەی دەنگی پارتی کۆمارییەکان، ئەنجومەنی نوێنەران بڕیاری دا لێکۆڵینەوە لە دارایی بنەماڵەی جۆ بایدنی سەرۆکی وڵات بکرێت
• وێنە زەلیلکەرەکانی فەلەستینییەکان ئیدانە دەکرێت و لێکۆڵینەوە لە بانگەشەی ئسیرائیل دەکرێت کە دەڵێت ئەوانە چەکداریی حەماس بوون
• روسیا بە چەند موشەکێکی بالیستی کییەڤی پایتەختی ئۆکراینی کردە ئامانج و بەهۆیەوە چەند کەسێک برینداربوون و چەند باڵەخایەکیش زیانیان پێگەیشت

ئۆرشەلیم پۆست

• لەو 10 سەربازەی ئیسرائیل لە رۆژێکدا کوژران چەند فەرماندەیەکیان تێدایە
• کۆشکی سپی بانگەشەی جۆ بایدنی سەرۆکی ئەمریکا سەبارەت بەوەی کە ئیسرائیل بەبێ جیاوازی غەزە بۆردوومان دەکات، بێنرخ دەکات
• رێکخراوێکی خێرخوازیی ئیتاڵی نزیک لە حەماس کۆکردنەوەی داهات و هاوکاریی بۆ غەزەی لێ قەدەغەکرا

عەرەب نیوز

• سوپای ئیسرائیل تەقە لە قاوشی نەخۆشخانەکان دەکات لەکاتێکدا باران نەهامەتییەکانی غەزە زیاتردەکات
• وەزیری وزەی سعودیە دەڵێت لوتکەی COP28 ناوەڕۆکیی رێککەوتننامەی پاریس زیندوو دەکاتەوە
• ناتانیاهۆی سەرۆکوەزیرانی ئیسرائیل دەڵێت بە پشتیوانی یان بێپشتیوانیی نێودەوڵەتیی بەردەوامیی بە شەڕی غەزە دەدەین

رۆژنامە تورکییەکان

سۆزجو

• دیمه‌نه‌كانی فڕۆكه‌خانه‌ی ئه‌تاتورك له‌ ئاسمانه‌وه‌ ده‌ریده‌خات ئه‌و فڕۆكه‌خانه‌یه‌ی ئاك پارتی ده‌یگوت ده‌كه‌مه‌ پاركی نیشتمانیی، بووه‌ته‌ وێرانه‌
• له‌كاتێكدا گه‌ل به‌ده‌ست هەڵئاوسان و نه‌بوونییه‌وه‌ ده‌ناڵێنێت، په‌رله‌مانتارێكی ئاك پارتی مقه‌ڵییه‌كی 15 مه‌تریی له‌ باخچه‌ی په‌رله‌ماندا دامه‌زراند و گۆشتی برژاند و دابه‌شی كرد
• سه‌مونێكی 200 گرامی له‌ بازاڕ به‌ حەوت لیره‌یه‌ به‌ڵام له‌و ناوه‌نده‌ی شاره‌وانی دابه‌شی ده‌كات به‌ سێ لیره‌یه‌، نۆره‌ی كڕینی سه‌مونی هه‌رزان هه‌میشه‌ درێژه‌

حوڕییه‌ت

• وه‌زیری گه‌نجینه‌ و دارایی ده‌ڵێت پێویستیان به‌ كاتی زیاتره‌ به‌ڵام له‌سه‌ر رێگایه‌كی دروستن و قه‌دبڕی ناكه‌ن
• ناتانیاهۆ ته‌نانه‌ت دۆسته‌كانیشی بێزاركرد؛ به‌هۆی كۆمه‌ڵكوژییه‌ به‌رده‌وامه‌كانه‌وه‌ تا دێت كاردانه‌وه‌ی كۆمه‌ڵگه‌ی نێوده‌وڵه‌تیی زیاتر ده‌بێت و نزیكترین پشتیوانانی له‌سه‌روویانه‌وه‌ ئه‌مریكا ده‌ستیان به‌ ره‌خنه‌گرتنی توند لێی كردووه‌
• ئۆزگور ئۆزه‌ل، سه‌رۆكی جه‌هه‌په‌ دوای سه‌ردانكردنی پارتی ده‌م رایگه‌یاند: كۆبوونه‌وه‌كانمان به‌رده‌وام ده‌بن

جمهورییه‌ت

• جارێكی دیكه‌ تاڵانكردنی دارستانه‌كان؛ ده‌سه‌ڵات له‌ 11 پارێزگا به‌ ئیستەنبوڵ و موغڵاوه‌، ناوچه‌ سه‌وزاییه‌كان ده‌كاته‌ ناوچه‌ی نیشته‌جێبوون
• جه‌هه‌په‌ و پارتی ده‌م له‌ ژماره‌یه‌ك پارێزگا له‌نێویاندا له‌ ئه‌نقه‌ره‌ و ئیستەنبوڵ پێكه‌وه‌ بۆ هه‌ڵبژاردن كارده‌كه‌ن
• گرژییه‌كانی نێوان ئه‌مریكا و ئیسرائیل روو له‌ هه‌ڵكشانه‌، واشنتن بانگه‌وازی له‌ ناتانیاهۆ كرد كابینه‌كه‌ی بگۆڕێت و نه‌ته‌وه‌یه‌كگرتووه‌كان داوای ئاگربه‌ستی كرد

سه‌باح

• دیمه‌نی كۆكردنه‌وه‌ی فه‌ڵه‌ستینییه‌كان له‌ چاڵێكدا كه‌ له‌ پشته‌وه‌ ده‌ستیان به‌ستراوه‌ ئه‌و كه‌مپانه‌ بیرده‌هێنێته‌وه‌ كه‌ نازییه‌كان بۆ كۆكردنه‌وه‌ی خه‌ڵك درووستیان ده‌كردن
• ده‌نگه‌كان له‌ به‌رژه‌وه‌ندی فه‌ڵه‌ستین تا دێت زیاد ده‌كات و ئه‌مریكا تا دێت ته‌نهاتر ده‌بێت، له‌ ده‌نگدانه‌كه‌ی 26ی مانگی رابردوودا 121 ده‌نگی به‌ڵێ و له‌ ده‌نگدانه‌كه‌ی 12ی مانگدا 153 ده‌نگی به‌ڵێ به‌ ئاگربه‌ست دران
• سه‌رۆكی جه‌هه‌په‌ سه‌ره‌تا به‌شداریی له‌ رێوڕه‌سمی به‌خاكسپاردنی ته‌رمی سه‌ربازێكدا كرد و دواتر سه‌ردانی پارتی ده‌می كرد كه‌ درێژكراوه‌ی په‌كه‌كه‌یه‌

رۆژنامە فارسییەکان

ئەبرار

• لە ڕەشنووسی بودجەدا دەوڵەت هیچ حیسابێکی بۆ خەڵک نەکردوە
• سەرۆکی زانکۆی تاران دەڵێت، ئەوەی ئێمە دەیکەین نوخبەپەروەری نییە، نوخبەکوژی و بێهیواکردنی بژاردەکانی کۆمەڵگەیە
• دەوڵەت هیچ پلانێکی بۆ پاراستنی ژینگە نییە و لە ڕەشنوسی بودجەدا کەمترین سەرنجی خراوەتەسەر

هەمشەهری

• موحسن ڕەزایی فەرماندەی پێشووی سوپای پاسداران دەڵێت، ئێمە نامانەوێت ماسی بۆ حەماس بگرین، بەڵکو دەمانەوێت فێری ماسیگرتنیان بکەین
• بەڕێوەبەری میدیایی کابینەی سیانزەیەم: ئێمە گەندەڵی هاوردەکردنی چاییمان ئاشکراکرد و دەوڵەتی پێشوو هەوڵی شاردنەوەی داوە
• لە شەڕی ئیسرائیل و حەماسدا 444 کەس لە هێزەکانی سوپای ئیسرائیل کوژراون کە 103 کەسیان ئەفسەرانی پلەبەرز بوون

ئێعتماد

• میدیاکانی سەر بە حکومەت بە گەورەکردنەوەی هەندێک بابەتی وەک؛ دەستبەسەرکردنی تەتەلوو و سادق بۆقی، سەرنجی خەڵک لەسەر گەندەڵکارییەکان دووردەخەنەوە
• پەرەسەندنی گەندەڵی پەیوەندی راستەوخۆی بە پڕۆژەی یەکدەستکردنی دامەزراوەکانی وڵاتەوە هەیە
• شەڕی حەماس و ئیسرائیل کەڵێنی خستووەتە نێوان وڵاتانی عەرەبی و ئیسلامی و جیاوازییەکانیان زیاتر دەرکەوتووە

شەرق

• روسیا لە پەراوێزکەوتنی ئێران لە کۆمەڵگەی نێودەوڵەتی قازانج دەکات
• کۆڕی دیاریکردنی بەرژەوەندییەکان، ڕەشنووسی باڵاپۆشی پەسەند کرد و ڕەوانەی ئەنجومەنی شورای چاودێری کرا
• قەیرانی پیسبوونی هەوا قەیرانێکی 20 ساڵەیە و مەترسییەکانی رۆنی رەش زۆر لەوە گەورەترە کە بیری لێ دەکرێتەوە