داوا دەکرێت یاسای دەستەبەری کۆمەڵایەتی بکرێتە ناچاری بۆ کرێکارانی کەرتی تایبەت

رۆژنامە عەرەبییەکان

سەباح

• تەنها 20%ـی بوجەى ئەمساڵی عێراق خەرجکراوە
• وەزارەتى ئاوەدانکردنەوە و نیشتەجێبوونی عێراق ساڵی داهاتوو پێشینەى خانووبەرە بۆ 100 ملیۆن دینار بەرزدەکاتەوە
• پسپۆڕانى ئابوری داوا دەکەن یاسای دەستەبەری کۆمەڵایەتی بۆ کرێکارانی کەرتی تایبەتیش بکرێتە ناچار کە ژمارەیان شەش ملیۆن کەسە

قودسی عەرەبی

• 160 پێشێلکاری و تاوان بەرامبەر رۆژنامەنوسانى فەلەستین کراوە و بەهۆیەوە 16 رۆژنامەنوس کوژراون
• ژمارەى کوژراوانى کەرتى غەزە گەیشتە 18 هەزار و 250 کەس
• واشنتۆن گومان دەکات ئیسرائیل چەکی فسفۆڕی قەدەغەکراوی لە جەنگی غەزە بەکارهێنابێت

عەرەبی جەدید

•  ئیسرائیل بارمتە فەلەستینییەکان وەک قەڵغانى مرۆیی بەکاردەهێنیت تا پشتیوانى و پێشڕەوى هێزەکانى بۆ خانیونس دەستەبەر بکات
• دادگای باڵای هیندستان خۆبەڕێوەبەریی کشمیر رەتدەکاتەوە و بڕیارەکەشی چەسپاند

جەریدە

• لوبنان و فەلەستین وەک پشتیوانی و ناڕەزایی دۆخی غەزە، باڵیۆزخانەکانیان داخست
• کوەیت 10 تۆن هاوکاری زستانەی گەیاندە باشوری کەرتى غەزە
• کێشەى فەلەستین پێشەنگی کاری ئەنجومەنى مافەکانى مرۆڤە لە کوەیت

رۆژنامە ئینگلیزییەکان

گاردیەن

• رەشنوسی رێککەوتننامەی لوتکەی کەشوهەوای COP28 بە لاواز و بەشنەکردوو دادەنرێت بۆ چارەسەری پرسی گەرمبوونی جیهان
  ریشی سوناک، سەرۆکوەزیرانی بەریتانیا، خواستێکی نا ئومێدکەری هەیە بۆ رێگریی لە شكستهێنانی پرۆژەیاسای ناردنی کۆچبەران بۆ رواندا
  ئوسترالیا، ئەمریکا و بەریتانیا رێکەوتننامەی کەشوهەوا واژۆ ناکەن، چونکە بڕگەی کەمکردنەوەی بەکارهێنانی نەوت لە پرۆژەیاکە دەرهێنراوە

واشنتن پۆست

• دادگەی باڵای ئەمریکا دەڵێت بە خێرایی پێداچوونەوە بە داوایەکی دۆناڵد ترەمپ، سەرۆکی پێشووی وڵاتەکەدا دەکات کە بۆ لێپێچینەوە لێی داوای پارێزبەندیی کردبوو
• میسرییەکان لە ئێستادا خەریکی هەڵبژاردنی سەرۆکی وڵاتەکەیانن و رەنگە بۆ سێیەم جار ماوەی سەرۆکایەتییەکەی بۆ درێژبکەنەوە
• لەگەڵ خراپتربوونی رەوشی مرۆیی غەزە، ئیسرائیل لە هێرشەکانی بۆسەر حەماس بەردەوامە

ئۆرشەلیم پۆست

• لە سەردانێکیاندا، بەرپرسانی باڵای ئەمنیی سوپای ئیسرائیل لە ناوچەی خان یونسی باشوری غەزە کۆبوونەوە
• ئیسرائیل گەیاندنی هاوکارییە مرۆییەکانی بۆ غەزە خێراترکردووە و نەتەوە یەکگرتووەکان داوای راگەیاندنی ئاگربەست دەکات
• تاران هۆشداریی ‘تەقینەوەی’ دۆخەکە دەدات ئەگەر شەڕ بەردەوامبێت

عەرەب نیوز

• نێردەکانی ئەنجومەنی ئاسایشی نەتەوە یەکگرتووەکان لە سەردانێکیاندا بۆ سنوری رەفەح لە غەزە داوای وەستانی شەڕ دەکەن و دەڵێن ئیتر بەسە
• لایەنە شەڕکەرەکانی سودان ئاوی سارد بە هەوڵەکانی نێوەندگیریی نێوانیاندا دەکەن و لەباریان دەبەن
• لەگەڵ نزیکبوونەوەیدا، لوتکەی کەشوهەوای COP28 زیاتر لە 83 ملیار دۆلار بۆ روبەڕووبوونەوەی گۆڕانکارییەکانی کەشوهەوا تەرخاندەکات

رۆژنامە تورکییەکان

حوڕییه‌ت

• دوای گوته‌كانی تونجه‌ر باكرهان، هاوسه‌رۆكی پارتی ده‌م له‌ په‌رله‌مان به‌ زمانی كوردی، باخچه‌لی وه‌ك ئاماژه‌ بۆ دۆسیه‌ی داخستنی پارته‌كه‌، داوا ده‌كات دادگای ده‌ستووریی خاوه‌نداریی له‌ توركیا بكات
• ئه‌ردۆغان كه‌مپینێك بۆ ده‌ستگرتن به‌ ئاوه‌وه‌ له‌ وڵاته‌كه‌ی له‌ ژێر ناونیشانی “تۆش ببه‌ به‌ دڵۆپێك” راده‌گه‌یه‌نێت
• به‌پێی ئاماره‌كانی دامه‌زراوه‌ی ئاماری توركیا رێژه‌ی بێكاری له‌ مانگی تشرینی یه‌كه‌مدا 8.5% بووه‌ كه‌ له‌ ساڵی 2012ـەوە تائێستا نزمترین رێژه‌یه‌

سۆزجو

• ئۆزگور ئۆزه‌ل، سه‌رۆكی جه‌هه‌په‌ له‌باره‌ی پڕۆژه‌یاسای بودجه‌ی 2024ـی وڵاته‌كه‌ی كه‌ دوێنێ ده‌ست به‌ تاوتوێكردنی كرا له‌ په‌رله‌مان ده‌ڵێت، ئه‌م پڕۆژه‌یاسایه‌ هاووڵاتی هه‌ژارتر ده‌كات
• له‌نێو ئه‌و لیژنه‌یه‌دا كه‌ دوێنێ ده‌ستیكرد به‌ كاره‌كانی و ئاستی كه‌مترین مووچه‌ دیاری ده‌كات ته‌نها چوار كرێكار هه‌ن، لیژنه‌كه‌ مووچه‌ی هه‌شت ملیۆن كه‌س كه‌ به‌ كه‌مترین مووچه‌ كارده‌كه‌ن بۆ ساڵی 2024 دیاری ده‌كات
• قه‌لێكی چوار بۆ پێنج كیلۆیی بۆ سه‌ری ساڵ كه‌ پارساڵ به‌ 800 بۆ 900 لیره‌ بوو ئێستا به‌ 1.800 لیره‌یه‌، به‌و نرخه‌ هه‌ر دوو خێزانێك ده‌توانن یه‌ك قەل بكڕن

جمهورییه‌ت

• له‌ هاتای حكومه‌ت ده‌ستیگرت به‌سه‌ر 207 هێكتار له‌ موڵكی هاووڵاتییاندا له‌چوارچێوه‌ی یاسادا بۆ به‌ره‌نگاربوونه‌وه‌ی كاره‌ساتی بوومه‌له‌رزه‌ و موڵكه‌كان وه‌ك ناوچه‌ی یه‌ده‌گ راگه‌یه‌ندراون
• تاڵیبان داوای له‌ توركیا كردووه‌ مۆڵه‌تی كاركردن بداته‌ ئه‌و ئه‌فغانییانه‌ی له‌ وڵاته‌كه‌ن
• له‌ رامه‌ڵا وه‌ك هاوسۆزیی و پشتیوانیی بۆ غه‌ززه‌ مانگرتنی گشتیی راگه‌یه‌ندرا

ئه‌ڤره‌نسه‌ل

• وه‌زیری كار ده‌ڵێت نه‌مانهێشتووه‌ كرێكاره‌كانمان بكه‌ونه‌ ژێر فشاری هەڵئاوسان به‌ڵام ئاماره‌كان پێچه‌وانه‌ن، له‌ ماوه‌ی ده‌سه‌ڵاتی ئاك پارتیدا رێژه‌ی ئه‌وانه‌ی به‌ كه‌مترین مووچه‌ كارده‌كه‌ن له 20%ـه‌وه‌ بۆ 40% زیادیكردووه‌
•  به‌پێی پڕۆژه‌یاسای بودجه‌ كه‌ دوێنێ جێگری سه‌رۆکكۆمار له‌ په‌رله‌مان پێشكه‌شی كرد، 657 ملیار لیره‌ی باجی دامه‌زراوه‌كان له‌ خاوه‌نكاران وه‌رناگیرێت
• ده‌سه‌ڵات ئه‌و ناوچانه‌شی كه‌ مه‌ترسییان له‌سه‌ر نییه‌ وه‌ك ناوچه‌ی یه‌ده‌گ راده‌گه‌یه‌نێت و دانیشتوانه‌كه‌ی ناچار ده‌كات به‌ جێهێشتنی

رۆژنامە فارسییەکان

ئاسیا

• رەشنووسی بودجەی ساڵی داهاتووی حکومەتەکەی رەئیسی ناڕوونترین رەشنووسە لە 100 ساڵی ڕابردووی بودجە لە ئێراندا
• پەرلەمان بە هۆکاری “ناڕوون”ی لە هەندێک لە بڕگەکانی رەشنووسی بودجەی دەوڵەت بۆ ساڵی داهاتوو، بە گومانەوە لێی دەڕوانێت و ئەگەری پەسەندنەکردنی هەیە
• سفرەی بنەماڵەکانی ئێران بە هۆی گرانییەوە تا دێت بچووکتر دەبێتەوە

شەرق

• رێککەوتنی ناوەکیی ئێران وەک لاشەیەکی بێگیان وایە و ساڵی 2024یش زیندوو نابێتەوە
• ئێران پارەیەکی بۆ چارەسەرکردنی نەخۆشەکانی داون سیندرم نییە و نەخۆشەکان سکاڵایان بردووەتە لای کۆشکی سەرۆککۆماری
• شوێنپێی منداڵانی بەرپرسە باڵاکانی حکومەت لە دۆسییەی گەندەڵییە چوارد میلیار دۆلارییەکەدا دەردەکەوێت

جمهوریی ئیسلامی

• گەمارۆکان زۆرترین قورساییان خستووەتەسەر نەخۆشەکان و دەرمانی زۆرێک لە نەخۆشییەکان لە ئێران دەستناکەوێت
• نوێنەرێکی پەرلەمانی ئێران دەڵێت، کەس ناتوانێت وەها گەندەڵییەکی گەورەی نزیک بە چوار ملیار دۆلاری ئەنجام بدات و دەستی لە حکومەتدا نەبێت
• باڵوێزی پێشووی ئێران لە مۆسکۆ دەڵێت؛ قسەکانی پۆتین بەرامبەر بە رەئیسی ئامانجدارانە و نزیک بە بێڕیزیکردن بوون

ئەبرار

• سەرچاوەی گەندەڵی لە ئێران لەنێو بەرپرسە دەوڵەمەندەکاندایە کە لە دەوڵەت و حکومەتیش گەورەترن و کەس لێپرسینەوەیان لەگەڵدا ناکات
• گوتەبێژی وەزارەتی دەرەوە دەڵێت، ئێران رێککەوتنی ناوەکی ژمارە دوو بە پێویست نازانێت و ئەو رێککەوتنەی واژۆیان کردووە کۆمەڵێک ئەرکی بۆ لایەنەکان دیاریکردوە کە پێویستە جێبەجێ بکرێن
• دیموکراتەکانی ئەمریکا بۆ هەڵبژاردنەکان دەستەوداوێنی هیلاری کلینتۆن، وەزیری پێشووتری دەرەوەی وڵات و هاوسەری سەرۆکۆماری پێشووتری ئەمریکا، بیل کلینتۆن دەبن