هەڵبژاردنی ئەنجومەنی پارێزگاکان ناکۆکی سەرکردە سوننەکانی قوڵترکردووەتەوە

رۆژنامە عەرەبییەکان

سەباح

• پلاندانان هەنگاوێکی دیکە بۆ ئەنجامدانی سەرژمێری گشتی چووەپێشەوە و رەنگە لە تشرینی دووەمی ساڵی داهاتوودا بکرێت
• وەزارەتی سەرچاوە ئاوییەکانی عێراق: ئاوی پاشەکەوتکراو لە هاوینی داهاتوودا زۆر باشتر دەبێت
• کەرتی تایبەتی عێراقی بە 70 ملیار دۆلار بەشداری لە وەبەرهێناندا دەکات

ئەلعەرەب

• نزیکبوونەوەی وادەی هەڵبژاردنی ئەنجومەنی پارێزگاکانی عێراق ناکۆکییەکانی نێوان سەرکردە سوننەکانی قوڵترکردووەتەوە
• ژینگە و گۆڕانی ئاوهەوا هۆکارێکی دیکەن بۆ کۆچکردنی هاوڵاتیانی عێراق
• حکومەتی ئیسرائیل بودجەی هەشت ملیار دۆلاری بۆ وەزارەتی بەرگریی پەسەندکرد کە بێپێشینەیە لە زۆریدا

شەرقئەوسەت

• لوتکەی باڵای نێوان تورکیا و ئێران لە کۆتا ساتەکاندا هەڵوەشایەوە و باس لەوەدەکرێت بەهۆی ناکۆکییەکان بووە لەسەر غەزە
• لەناو ئیسرائیلدا “دەنگی عەقڵ و ژیری” هاوار دەکات بۆ کۆتاییهێنان بە شەڕ و پێیان وایە ناتوانرێت حەماس لەناوببرێت
• داڕووخانی کەرتی تەندروستی لە غەزە هەڕەشە لە ژیانی هەزاران بریندار و نەخۆش دەکات

عەرەبی ئەلجەدید

• دەوحە بووەتە بارەگای کۆبوونەوەکانی درێژکردنەوەی ئاگربەستی غەزە
• ئامانجی شەڕی ئیسرائیل لە کەرتی رۆژئاوا؛ لەناوبردنی بەرخۆدان و لاوازکردنی دەسەڵاتی فەلەستینی
• دوو ملیۆن کەس بەهۆی لافاو و زریانەوە زەرەرمەندبوون

رۆژنامە ئینگلیزییەکان

گاردیەن

• نەتەوە یەکگرتووەکان هۆشداریی دەدات رەنگە نەخۆشی لە غەزە لە شەڕ زیاتر خەڵک بکوژێت
• دوای زیاتر لە دوو هەفتە گیرخواردنیان لە تونێڵێکی داڕماودا، 41 کرێکار لە هیندستان بە سەلامەتی دەرهێنران
• ژنی سەرۆکی دەزگای هەواڵگریی ئۆکراین ژەهرخواردکراوە و لە ئێستادا لەژێر چاودێریی پزیشکیدایە

واشنتن پۆست

• وەک بەشێک لە هەوڵە چڕەکانی بۆ بردنەوەی هەڵبژاردنی ساڵی داهاتوو، ترەمپ خەریکی دەستکەوتنی زانیاریی شاراوەیە لەبارەی دادگاییکردنەکانی
• سەرۆکی ئاژانسی هەواڵگریی سی ئای ئەی ئەمریکا بەسەردانێک گەیشتە قەتەر و لەگەڵ سەرۆکی مۆساد کۆدەبێتەوە بۆ قسەکردن لەباری ئاگربەستی درێژخایەن
• هەزاران ئیسرائیلی ئەمریکایان جێهێشتووە بۆ ئەوەی بچنە بەرەکانی جەنگەوە و لە دژی حەماس شەڕبکەن

ئۆرشەلیم پۆست

• لەسەروبەندی دانوستانەکان بۆ راگەیاندنی ئاگربەستێکی درێژخایەن، شەوی رابردوو 10 هاوڵاتیی ئیسرائیلی ئازادکران
• سەرەڕای هەوڵەکان بۆ درێژکردنەوەی ئاگربەست، حەماس هێرشدەکاتە سەر هێزەکانی ئیسرائیل
• دوای زیاتر لە 50 رۆژ لە بارمتەکردنی، هێشتا منداڵێکی ئیسرائیلی 10 مانگیی ئازادنەکراوە

عەرەب نیوز

• تورکیا لەژێر لێکۆڵینەوەی توندیی ئەمریکادایە بەهۆی ئەوەی گوماندەکرێت ئەو کەلوپەلانە بۆ روسیا هەناردەبکات کە سزایان بەسەردا سەپێنراوە
• ریازی پایتەختی سعودیە لە دەنگدانێکی پاریسدا بۆ میوانداریکردنی پێشانگای جیهانی ئێکسپۆ بۆ ساڵی 2030 سەرکەوت و لەو ساڵەدا پێشوازیی لە جیهان دەکات
• لولادا سیلڤا، سەرۆکی بەرازیل لە سعودیەیە و لەگەڵ ئەو وڵاتە لە هەوڵدایە بۆ بەهێزکردنی پەیوەندییە ئابوورییەکان و خەریکی رێککەوتنە لەبواری کەرتی وزەدا

رۆژنامە تورکییەکان

بیرگون

• تا دێت جیاوازیی نێوان كه‌مترین مووچه‌ و سنووری برسێتی زیاد ده‌كات، سنووری برسێتی بۆ خێزانێكی چوار كه‌سی 14 هه‌زار و 25 لیره‌یه‌ و سنووری هه‌ژاریش 45 هه‌زار و 686 لیره‌یه‌
• ئاك پارتی و مه‌هه‌په‌ بۆ ئه‌وه‌ی ئۆپۆزسیۆن په‌رت بكه‌ن له‌رێگه‌ی میدیای لایه‌نگریانه‌وه‌ هه‌وڵی نانه‌وه‌ی ئاژاوه‌ له‌نێو جه‌هه‌په‌ و ئیی پارتیدا ده‌ده‌ن
• دانیشتنی دادگای خاوه‌نی یه‌كێك له‌و باڵه‌خانانه‌ی له‌ بوومه‌له‌رزه‌كه‌ی مه‌ڕه‌شدا 43 كه‌س تیایدا گیانیان له‌ده‌ستدا، كۆتایی ئه‌م هه‌فه‌ته‌یه‌ به‌ڕێوه‌ده‌چێت و باڵه‌خانه‌كه‌ به‌ بیانووی ئه‌وه‌ی كۆن بووه‌ سه‌رله‌نوێ درووستكراوه‌ته‌وه‌ به‌ڵام له‌ 8 چركه‌دا داڕماوه‌

جمهورییه‌ت

• گورزێكی دیكه‌ له‌ عه‌لمانیه‌ت درا؛ له‌ كاتێكدا مشتومڕه‌كانی درووستكردنی مزگه‌وت له‌ خوێندنگه‌كان كۆتایی نه‌هاتووه‌، رێگه‌ به‌ خوێندكاران ده‌درێت به‌ كۆمه‌ڵ نوێژی هه‌ینی بكه‌ن له‌نێو خوێندنگه‌كاندا
• پاكێجی پێشنیازه‌یاسا له‌ كۆی 80 مادده‌ نیوه‌ی بۆ ئه‌ردۆغان جیاكراوه‌ته‌وه‌ و تا 2033 ده‌سه‌ڵات ده‌داته‌ ئه‌ردۆغان
• ده‌زگا هه‌واڵگرییه‌كانی ئه‌مریكا، میسر و ئیسرائیل بۆ تاوتوێكردنی ئاگربه‌ست له‌ غه‌زه‌ به‌ نهێنی كۆبوونه‌ته‌وه‌

سۆزجو

• سه‌رۆكی جه‌هه‌په‌ بۆ ئه‌ردۆغان: حكومه‌ت كرێی نۆ هێنده‌ له‌سه‌ر كرێچییه‌كانی به‌رزكردووه‌ته‌وه‌، تۆ ویژدانت هه‌یه‌؟
• كارمه‌ندێكی بانك زیاتر له‌ 55 ملیۆن دۆلاری كه‌سایه‌تی جیهانی تۆپی پێی بردووه‌ و له‌نێویاندا ئاردا توران، له‌ ئێستادا 11 ملیۆن دۆلاری دیار نییه‌
• یۆنان دوورگه‌ی ژماره‌ 21مان داگیر ده‌كات و وه‌زیری ده‌ره‌وه‌ی وڵاته‌كه‌ رایگه‌یاند دوورگه‌ی زه‌ڕافه‌ش خاكی ئه‌وانه‌

سه‌باح

• یاساناسه‌ توركه‌كان دۆسیه‌كانی ئه‌و كۆمه‌ڵكوژییانه‌ ئیسرائیل له‌ غه‌زه‌ ئه‌نجامیداون، گه‌یانده‌ لاهای
• ئه‌ردۆغان ده‌ڵێت ده‌بێت ئیسرائیل باجی تاوانه‌كانی بدات
• باخچه‌لی كاردانه‌وه‌ی به‌رامبه‌ر قسه‌كانی سه‌رۆكی جه‌هه‌په‌ نیشاندا كه‌ گوتبووی كورد كه‌متر یه‌كسانن و رایگه‌یاند؛ هه‌ده‌پ واته‌ جه‌هه‌په‌ و جه‌هه‌په‌ تا دێت زیاتر له‌ په‌كه‌كه‌ ده‌چێت

رۆژنامە فارسییەکان

ئەبرار

• بەهۆی هەڵسوکەوتی خراپی بەرپرسانی کۆماری ئیسلامی ئێرانەوە، زۆرێک لە مزگەوتەکان چۆڵن و خەڵک ڕوویان تێناکەن
• پەیوەندییەکانی ئەمریکا و ئازەربایجان ناکۆکی تێدەکەوێت و وەزیری دەرەوەی ئازەربایجان ڕەخنە لە لێدوانەکانی کۆشکی سپی دەگرێت
• کەشتییەکی فڕۆکەهەڵگری ئەمریکایی دوای وڵامدانەوە بە هەندێک پرسیاری سوپای پاسدارانی ئێران لە سنووری دەریایی ئێران لە کەنداو نزیکبوویەوە

شەهروەند

• بۆ هەڵبژاردنی نوێنەرانی پەرلەمانی ئێران لە 140ی حیزبی مۆڵەتپێدراو، تەنیا 91 حیزب دەتوانن لیستیان هەبێت
• سەردانی سەرۆککۆماری ئێران بۆ تورکیا و دیداری لەگەڵ ڕەجەب تەیب ئەردۆغان هەڵوەشایەوە
• ئاژانسی نێونەتەوەیی وزەی ئەتۆمی: ئێران چەکی ناوکی نییە بەڵام تواناییەکانی جێگەی نیگەرانین

ئێعتماد

• بە گوێرە ڕاپرسییەکان، ئاستی بەشداریی خەڵک لە هەڵبژاردنەکان لە ئێران، بەتایبەت هەڵبژاردنی پەرلەمان بە ڕێژەیەکی بەرچاو دادەبەزێت
• حەسەن رۆحانی، سەرۆککۆماری پێشووی ئێران بەربژێری هەڵبژاردنەکانی ئەنجومەنی شارەزایانی رێبەرییە و سوپای پاسداران پێشوازی لە هاتنی دەکات
• هەڵوێستی حکومەتی ئێران بەرانبەر بە موزیک بانێک و دوو هەوایە؛ کۆنسێرتەکان ئازادن و بڵاوبوونەوەیان لە میدیاکان قەدەغەیە

قودس

• ناڕەزایەتیی موچەخۆران حکومەتی ناچار بە وڵامدانەوە کرد و بەشێک لە باجەکانیان لەسەر هەڵدەگیردرێت
• ئێران فڕۆکەی شەڕکەری می 28 و سۆخۆی 35ی لە روسیا کڕی و تا کۆتایی 2023 دەگەنە ئەو وڵاتە
• بە بەردەوامی مامۆستایانی قوتابخانەکان لێپرسینەوە لە بیروبۆچون و باوەڕەکانیان دەکرێت!