27
زووم
ڕۆژی چوارشەممە سوپای ئیسرائیل کوژرانی ١٦ سەربازی لە شەڕە بەردەوامەکانی کەرتی غەزە ڕاگەیاند، ئەمەش دوای فراوانکردنی مەودای ئۆپەراسیۆنە زەمینیەکان.
ئاژانس فرانس پرێس لە زاری وتەبێژی سوپای ئیسرائیلەوە بڵاویکردەوە، لە ڕۆژی سێشەممەوە لە ئۆپەراسیۆنی سەربازیی کەرتی غەزەدا ١٥ سەرباز کوژراون، دواتر ڕاگەیەندرا، کە سەربازێکی دیکە لە شەڕەکانی غەزەدا کوژراوە، کە لە فەوجی ٧٤٩دا خزمەت دەکات و سەربازێکیش بە سەختی بریندار بووە.
سوپای ئیسرائیل پێشتر ڕایگەیاندبوو، کە ١٢ سەربازی سوپای ئیسرائیل لە کاتی هێرشە زەمینییەکانی بۆ سەر کەرتی غەزە کوژراون، کە لە رۆژی شەممەی رابردووەوە دەستیپێکراوە.
بەمەش ژمارەی سەربازە ئیسرائیلییەکان، کە لە دوای هێرشی حەماس بۆ سەر باشووری ئیسرائیل لە ٧ی ئۆکتۆبەردا کوژراون، گەیشتە ٣٢٩ سەرباز، بەپێی ئامارەکانی سوپای ئیسرائیل.
