دەیلی تەلەگراف

• لەدوای رێکەوتنکی نێوان بەریتانیا و ئەمریکا لە لوتکەی کەشوهەوای COP27دا لە میسر لەبارەی گازی سروشتییەوە، رەنگە قەیرانی گاز لە بەریتانیا کۆتایی پێبێت
• ئیلۆن مەسک، خاوەنی تۆڕی کۆمەڵایەتی تویتەر داوا لە هاوڵاتیانی وڵاتەکەی دەکات دەنگ بدەن بە کۆمارییەکان لەهەڵبژاردنی نێوان خولی ئەمریکادا
• بەهۆی مانگرتنی پەرستارانی بەریتانیاوە ئەنجامدانی پشکنینی خوێن لە وڵاتەکە روبەڕوی مەترسی بووەتەوە

دەیلی ئێکسپرێس

• لە لوتکەی کەشوهەوای COP27دا لە میسر هەریەک لە سەرۆکوەزیرانی بەریتانیا و سەرۆکی فەرەنسا لەبارەی کۆتاییهێنان بە کۆچی نایاسایی لە رێگەی دورگەی ئینگلیزییەوە قسەیان کرد
• کەشتی ژێردەریایی شاهانەی بەریتانیا بەهۆی ئاگرێکەوە لە زەریای باکوری ئەتڵەنتیک لە ئەرکەکەی وەستا
• دیموکراتەکانی ئەمریکا لە سەردەمی جۆ بایدن ترسیان لە لەدەستدانی کۆنترۆڵی ئەنجومەنی نوێنەران هەیە

مێترۆ

• سەرۆکوەزیرانی بەریتانیا، لە لوتکەی کەشوهەوای COP27دا چارەسەری قەیرانی کەشوهەوای جیهان دەکات و پەیوەندی بەهێز لەگەڵ وڵاتانی جیهاندا دروستدەکان
• کۆریای باکور دەیان موشەکی دیکە ‘وەک مەشقێک بۆ هێرشکردنە سەر ئەمریکا و کۆریای باشور’ هەڵدەدات
• بەهۆی هێرشە پێچەوانەکانی ئۆکرایناوە، روسیا خەریکە شاری خێرسۆن لەدەستدەدات

ئای

• بەهۆی بەرزبوونەوەی پلەی گەرمی جیهان، لە لوتکەی کەشوهەوای میسردا، زەنگی سور (مەترسیدار) بۆ هەسارەی زەوی لێدەدرێت
• بەهۆی ناچارکردنی خەڵکی مەدەنی بۆ کۆچکردن بۆ سنورەکانی ئۆکراینا، روسیا بە تاوانی جەنگی تۆمەتباردەکرێت
• دۆناڵد ترەمپ، روبەڕوی ساتەوەختێکی مێژویی دەبێتەوە لە هەڵبژاردنەکانی نێوان خولی سەرۆکایەتی وڵاتەکەیدا