زووم، ئاژانسەکان
شەوی رابردوو سەدان کەس لە پشتیوانانی فەلەستین لە ناوچەی داغستان لە روسیا، کە ناوچەیەکی زۆرینە موسڵمانە، رژانە نێو فڕۆکەخانەی ماخاچکالا بەهۆی ئەوەی فڕۆکەیەکی ئیسرائیل لەو فڕۆکەخانەیە نیشتەوە، لە ئەنجامی روبەڕووبوونەوەی هێزە ئەمنییەکان لانیکەم 20 کەس برینداربوون.
In #Dagestan, a crowd stormed the building of Makhachkala airport in search of Jews from a flight from Tel Aviv. pic.twitter.com/TaBvakBKIE
— NEXTA (@nexta_tv) October 29, 2023
بەهۆی زۆری ژمارەی خۆپیشاندەران و مەترسیی لەسەر سەرنشینانی فڕۆکەکە، هێزە ئەمنییەکان فرۆکەخانەکەیان بەزەبری داخست و رێگەیان نەدا خۆپیشاندەران زیان بە سەرنشینانی فڕۆکەکە بگەیەنن. بەڵام 20 کەس لە خۆپیشاندەرەکان برینداربوون و 60 کەسی دیکەش دەستگیرکران.
ئاڵۆزییەکانی شەوی رابردوو دوای چەندین رووداوی دیکە دێت، کە لە باکوری ناوچەی قەوقاس لەدوای دەستپێکردنی شەڕی ئیسرائیل و حەماس روویانداوە. لەوبارەیەوە حکومەتی هەرێمی داغستان، کە دانیشتووانەکەی نزیکەی سێ ملیۆن کەسە، رایگەیاند، رێکارە ئەمنییەکان توندتردەکات لە سەرانسەری ناوچەکەدا.
An extremist in Dagestan is looking for Jews inside the plane’s engine. He literally stuck his head in the engine. pic.twitter.com/ttYU4xhr31
— Imam of Peace (@Imamofpeace) October 29, 2023
ئەم ئاڵۆزییانەش لەکاتێکدایە کە حکومەتی ئەو ناوچەیە بەردەوام لە هەوڵدایە یاخیبوونی موسڵمانەکان لەو ناوچەیەدا سەرهەڵنەدات، ئەمەش ئاڵەنگارییەکی دیکەیە بۆ ڤلادیمیر پوتینی سەرۆکی روسیا لەکاتێکدا لەگەڵ ئۆکراین لە شەڕدایە و ئەمساڵیش روبەڕووی یاخیبوونێکی دیکەی گروپی ڤاگنەر بووەوە.
Mobs in Dagestan, a Russian republic whose 3.2 million population is 83% Muslim, have stormed the airport after news spread that a plane has landed from Tel Aviv. They have spilled on to the tarmac and are moving from plane to plane in search of Jews to lynch.
Pray for Israel. pic.twitter.com/wfksaacndJ
— Anand Ranganathan (@ARanganathan72) October 29, 2023
لە چەند گرتەیەکی ڤیدیۆیی کە لە تۆڕە کۆمەڵایەتییەکاندا بڵاوبووەتوە، دەردەکەوێت خۆپیشاندەران ئاڵای فەلەستینیان هەڵگرتووە و بەناو باڵەخانەی فرۆکەخانەکەدا دەڕۆن و “اللە اکبر” دەڵێنەوە. لەدوای دەسگیرکردنی بەشێکیان و کۆتایی هێنان بە خۆپیشاندانەکە فڕۆکەخانەکە کرایەوە و حکومەتی فیدراڵی روسیا رایگەیاند لێکۆڵینەوە لە رووداوەکە دەکات.
This is the size of the lynch mob trying to attack Jewish passengers at the airport in Dagestan, Russia.
Hundreds of men looking for Israelis who arrived on a flight from Tel Aviv.
They are checking everybody's passports to see if they are Israeli. pic.twitter.com/M2SRvK9IXh
— Visegrád 24 (@visegrad24) October 29, 2023
لە سەروبەندی رووداوەکەدا ئیسرائیل داوای لە بەپرسانی روسیا کرد کە هاوڵاتییان وڵاتەکەی و جولەکەکان بپارێزێت. هەرچەندە روسیا هەوڵیداوە لە شەڕی نێوان ئیسرائیل و حەماس لەگەڵ هەموو لایەنەکاندا پەیوەندیی ببەستێت. بەڵام بەهۆی بانگهێشتکردنی شاندێکی حەماس بۆ مۆسکۆ بەرپرسانی ئیسرائیل توڕەیی خۆیان راگەیاند و بەهۆیەوە رۆژی یەکشەممە وەزارەتی دەرەوەی ئیسرائیل باڵیۆزی روسیای وڵاتەکەی بانگهێشتکرد.
