رۆژنامە عەرەبییەکان

سەباح

• لیژنەی دەسپاکی پەرلەمانی عێراق: تابلۆی نایابی ئۆتۆمبێل پەنجەرەیەکی دیکەی سپیکردنەوەی پارەیە
• وەزارەتی ناوخۆی عێراق: ئامارەکانی تاوانی توندوتیژی بە رێژەیەکی بەرچاو کەمیان کردووە
• لیژنەی پەیوەندییەکانی پەرلەمان بەڵێنی سزادانی ئەو کۆمپانیای مۆبایل و ئینتەرنێتانە دەکات کە پێچەوانەی یاساکان دەجوڵێنەوە

شەرقئەوسەت

• دواکەوتنی هێرشی زەمینی هۆشداری فراوانبوونی شەڕەکە دەکات
• نەخشەرێگایەکی چوار قۆناغی بۆ کۆتاییهێنان بە جەنگی سودان لە دانوستانەکانی جەددە
• پادشای ئوردن بۆ ماکرۆن: بەردەوامی جەنگ دەبێتەهۆی تەقینەوە

قودسی عەرەبی

• شایەتحاڵەکان لە غەزە: ئەوانەی شەهیدبوون بە شێوەیەکی سەیر لە ژیان رزگاریان بووە!
• رۆژنامەنوسان لە غەزە لەژێر ئاگردان و باجی گواستنەوەی راستییەکان دەدەن
• هەموو کیلۆمەتر چوارگۆشەیەک لە غەزە 22 بۆمبی ئیسرائیلی بەرکەوتووە

ئەلعەرەب

• بەهۆی هاوکاریکردنی تورکیا، پارتی دیموکراتی کوردستان بەشێک لە جەماوەری خۆی لە ناوچە کوردییەکان لەدەستداوە
• ئێران دەیەوێت عێراق و سوریا هێڵی بۆری نەوتی کەرکوک-بانیاس کارابکەنەوە بۆئەوەی بگات بە دەریا
• دوای بینینی سەرکردەکانی، بانگەوازی حەماس و جیهاد بە هیچ شێوەیەک حەسەن نەسروڵای نەجوڵاند

رۆژنامە ئینگلیزییەکان

دەیلی تەلەگراف

• سەرۆکوەزیرانی ئیسرائیل ئاشکرایکرد خۆیان بۆ داگیرکردنی غەزە ئامادە دەکەن و دەڵێت، حەماس “شکستی هێناوە”
• سەرۆکوەزیرانی بەریتانیا دەڵێت رەنگە زیرەکی دەستکرد هەڕەشەیی بوونگەرایی لە مرۆڤایەتی بکات
• لیستی چاوەڕوانییەکانی نەخۆشانی بەریتانیا بۆ بینینی دکتۆر دووهێندەی ریکۆردی پێشووە و گەیشتووەتە 20 ملیۆن کەس

واشنتن پۆست

• مایک جۆنسۆن کە شوێنکەوتەیەکی سەرسەختی دۆناڵد ترەمپە بە 56ـەمین سەرۆکی ئەنجومەنی نوێنەرانی ئەمریکا هەڵبژێردرا
• تا دێت داواکارییەکان بۆ کۆتاییهێنان بە توندوتیژییەکانی شەڕی ئیسرائیل و غەزە رووی لەزیادبوونە
• جۆ بایدنی سەرۆکی ئەمریکا تۆنەکەی گۆڕیی و جەختی لە پێویستی دەوڵەتی فەلەستین وەک چارەسەری دوای شەڕەکە کردەوە

ئۆرشەلیم پۆست

• بنیامین ناتانیاهۆ بۆ یەکەمجار دانینا بەوەی کە دەبێت ئەویش وەڵامی شکستی سوپای ئیسرائیل لە 7ی ئۆکتۆبەردا بداتەوە
• ئەردۆغانی سەرۆکی تورکیای ئەندامی ناتۆ دەڵێت حەماس جوڵانەوەیەکی ئازادیخوازە و تیرۆریست نییە
• بەگوێرەی ئامارەکانی رێکخراوێکی ئەمریکی، دژایەتیکردنی جولەکە لە ئەمریکا لەدوای هێرشەکەی حەماس بەرێژەی 400% زیادیکردووە

عەرەب نیوز

• تا دێت فشارەکانی نەتەوەیەکگرتووەکان لەسەر ئیسرائیل بۆ کۆتاییهێنانی بۆردومانە کوشندەکانی لە غەزە زیاتردەبێت
• ئەمڕۆ لایەنە شەڕکەرەکانی سودان لە شاری جەددەی سعودیە لەسەر مێزی گفتوگۆ بۆ پرسی ئاشتی لە وڵاتەکەیان کۆدەبنەوە
• وەزیری دارایی سعودیە دەڵێت وڵاتەکەی دەتوانێت پەیوەندییەکانی نێوان ئەمریکا و چین چاکبکاتەوە

رۆژنامە تورکییەکان

بیرگون

• بەگوێرەى پلانی 12هه‌مین پلانی گه‌شه‌پێدان له‌ كۆتایی ساڵی ئاینده‌دا 2,628,000 گه‌نج نه‌ له‌ خوێندندا ده‌بن نه‌ كاریان ده‌بێت
• دوای كاردانه‌وه‌كان، به‌رزكردنه‌وه‌ی كرێی رێگا سه‌ره‌كییه‌كان و تونێله‌كان له‌لایه‌ن حکومەتى تورکیاوە كه‌ له‌ هه‌ندێک شوێن گه‌یشتبووه‌ 75%، هه‌ڵوه‌شێنرایه‌وه‌
• ته‌ل ئه‌بیب و وڵاتانی رۆژئاوا كاردانه‌وه‌یان به‌رامبه‌ر گوته‌كانی ئه‌ردۆغان نیشاندا، كه‌ رایگه‌یاندبوو “حه‌ماس رێكخراوێكی تیرۆریستی نییه‌”

ئه‌ڤره‌نسه‌ل

• ئه‌ردۆغان پشتیوانی له‌ حه‌ماس كرد، به‌ڵام هیچ باسێكی ئیسرائیل و كۆمه‌ڵكوژییه‌كانی نه‌كرد
• زیانبه‌ركه‌وتووانی بوومه‌له‌رزه‌ له‌ ئادیامان، به‌هۆی ئه‌وه‌ی خانووه‌كانیان بۆ ته‌واونه‌كراوه‌، له‌ خێوه‌ت و كۆنتێنه‌ره‌كاندا زستان به‌ڕێده‌كه‌ن
• كرێی هاتوچۆ بووه‌ته‌ هۆكاری ئه‌وه‌ی ژماره‌یه‌كی زۆر خوێندكاری زانكۆ ده‌ستبه‌رداری خوێندن ببن و ده‌ڵێن ئه‌و ده‌رماڵه‌یه‌ی ده‌یاندرێتێ به‌شی ته‌نها هاتوچۆكه‌یان ناكات

سۆزجو

• مشتومڕی پێناسه‌كردنی حه‌ماس له‌نێوان ده‌سه‌ڵات و ئۆپۆزسیۆندا، ئه‌ردۆغان: حه‌ماس رێكخراوێكی تیرۆریستیی نییه‌ و موجاهیدن، ئاكشه‌نه‌ر: ئه‌وه‌ی نه‌تانیاهو و ئه‌وه‌شی حه‌ماس ده‌یكات تیرۆره‌ و ده‌بێت مامه‌ڵه‌ی تیرۆریستیان له‌گه‌ڵ بكرێت
• به‌ر له‌ هه‌ڵبژاردن ده‌سه‌ڵات رایگه‌یاندبوو كرێی رێگا سه‌ره‌كییه‌كان و تونێله‌كان زیاد ناكات، به‌ڵام دوای ئه‌وه‌ی تا رێژه‌ی 70% كرێكانی به‌رزكردنه‌وه‌، كاردانه‌وه‌كان ناچاریان كرد پاشگه‌زببێته‌وه‌
• هێرشه‌كانی ئیسرائیل له‌ماوه‌ی 20 رۆژدا، كوژرانی 2704 مناڵی لێكه‌وتووه‌ته‌وه‌ و وێنه‌ی نه‌علی خوێناوی مناڵێك ناخی هه‌مووانی هه‌ژاند

جمهورییه‌ت

• جه‌هه‌په‌ پرساندنێک سه‌باره‌ت به‌ ره‌وانه‌كردنی پرۆتۆكۆڵی ئه‌ندامێتی سوید له‌ ناتۆ، ئاڕاسته‌ی په‌رله‌مان ده‌كات و داوای روونكردنه‌وه‌ی هۆكاری ره‌وانه‌كردنی پرۆتۆكۆڵه‌كه‌ و واژووكردنی له‌لایه‌ن ئه‌ردۆغانه‌وه‌ ده‌كات
• گرژی كه‌وته‌ نێوان ئیسرائیل و نه‌ته‌وه‌یه‌كگرتووه‌كانه‌وه‌، دوای ئه‌وه‌ی رێكخراوه‌كه‌ هێرشی كرده‌ سه‌ر ته‌ل ئه‌بیب و رایگه‌یاند: “فه‌ڵه‌ستینییه‌كان به‌ره‌وڕووی داگیركارییه‌كی خنكێنه‌ر بوونه‌ته‌وه‌”، ئیسرائیل پێی وایه‌ كاتی ئه‌وه‌ هاتووه‌ “وانه‌ی نه‌ته‌وه‌یه‌كگرتووه‌كان دابدرێت”
• پێكدادانی نێوان حه‌ماس و ئیسرائیل نرخی دراوه‌ بیانییه‌كانی به‌رزكردووته‌وه‌ و كاریگه‌ریی كردووه‌ته‌ سه‌ر بۆرسه‌ له‌ توركیا، نرخی دۆلارێک بۆ 28,30 لیره‌ به‌رزبووه‌ته‌وه‌

رۆژنامە فارسییەکان

ئێران

• لە کۆتاییدا سەرکەوتن بۆ فەلەستینییەکان و بەرەی مقاومە دەبێت
• لە ماوەی 19 رۆژی شەڕی حەماس و ئیسرائیلدت 23 رۆژنامەنووس کوژراون
• حکومەتی لیبیا بەهۆی پشتیوانی لە حکومەتی ئیسرائیل، باڵیۆزانى بەریتانیا، ئەمریکا، فەرەنسا و ئیتالیای دەرکرد

جەوان

• دنیای داهاتوو بۆ فەلەستینییەکانە، تەنانەت شەڕەنگێزەکانی دنیاش دەزانن زایونیزم رووی لە نەمانە
• هێزێکی تایبەتی ئەمریکا کە لەگەڵ هێزێکی ئیسرائیلی بۆ رزگارکردنی بارمتەکانی ئیسرائیلی چووبوونە غەزە، لە لایەن حەماسەوە تەفروتونا کرا
• رێبەرانی دینی لە کۆبوونەوەی دژە زایونیزمدا رایاندگەیاند، لە کۆتاییدا خەڵکی فەلەستین زایونیزمەکان لە وڵاتەکەیان دەردەکەن

شەهروەند

• سەفەر و سەردانی بەرپرسانی باڵای وڵاتانی رۆژاوایی بۆ ئیسرائیل بۆ پێشگیری لە رووخانی رژێمی زایویونیزمە
• رێژەی مردنی ژنانی دووگیان لە ئێران گەیشتە 1% و ئێران لە پێشگرتن لە مردنی ژنانی دووگیان‌ پلەی سێهەمی جیهانی هەیە
• سەرۆککۆماری ئێران: رق و بێزاریی بیروڕای گشتیی جیهان لە جینایەتەکانی ئیسرائیل بێ ‌هاوتایە

کەیهان

• رێبەری حیزبوڵڵا لەگەڵ رێبەرانی رێکخراوی جیهادی ئیسلامی و حەماس کۆبووەوە
• خامنەیی رەخنەی لە هێندێک لە وڵاتانی ئیسلامی گرت کە حەماس بە تێرۆریست دەزانن و پێی گوتن، دوودڵ مەبن، دڵنیابن فەلەستین سەردەکەوێت
• سەرۆککۆماری ئێران دەڵێت، جینایەتی زایونیستەکان لە غەزە، سەلمێنەری روخساری ئاشکرای رەگەزپەرەستیی رۆژاواییەکانە