رۆژنامە عەرەبییەکان

سەباح

• سودانی: غەزە تاقیکردنەوەیەکی تازەیە بۆ سیستەمی جیهانی
• سەندیکای مامۆستایانی عێراق داواى قەدەغەکردنى بانگەشەی هەڵبژاردن دەکات لە خوێندنگاکاندا
• هەڵوێستی عێراق بۆ پشتگیری فەڵەستین لەسەر ئاستی وڵاتانى عەرەبی “بەهێزترینە”

شەرقولئەوسەت

• ترس هەیە هاوڵاتیانی غەزە لە تینوێتیدا گیانلەدەستبدەن
• ئیسرائیل پێنج میحوەری هەیە بۆ هێرشە چاوەڕوانکراوەکەی بۆ سەر غەزە
• ئەو کەسانەی لەگەڵ ترەمپ لە دۆسیەی یارکردنى هەڵبژاردنەکان تێوەگلاون، دان بەتاوانەکەیاندا دەنێن

قودسی عەرەبی

• ئیسرائیل ئەزموونی زیندانی “ئەبو غرێب” لەسەر بارمتە فەڵەستینییەکان تاقیدەکاتەوە
• حکومەتی بەریتانیا پشتیوانی ئیسرائیلە و شەقامەکانی وڵاتەکەش داوای ئازادی فەڵەستین دەکەن
• لە لوتکەی قاهیرەوە، سەرکردەکانی عەرەب ئیدانەی هێرشەکانی ئیسرائیلیان بۆ سەر غەزە کرد

ئەلعەرەب

• ئەردۆغان وازی لە فەڵەستین هێناوە و سەرنجی خستووەتە سەر ئۆکراین
• خوێندنگاکانی باشووری لوبنان بوون بە پەناگە بۆ ئاوارەبووانی هێرشەکانی ئیسرائیل
• حەماس: لەگەڵ بەردەوامی هێرشەکانی ئیسرائیل هیچ دانوستانێک ناکەین لەسەر بابەتی بارمتەکان

رۆژنامە ئینگلیزییەکان

ئۆبزێڤەر

• ئەمریکا لە ترسی فراوانبوونی شەڕەکە، دژى خواستى ئیسرائیل بۆ هێرشکردنە سەر حیزبوڵلای لوبنان دەوەستێتەوە
• نەتەوەیەکگرتووەکان لە هەوڵی خێرادایە بۆ رێگریی لە بڵاوبوونەوەی شەڕی ئیسرائیل بۆ دەرەوەى سنورەکانی غەزە
• یاریزانی تۆپی پێی بەریتانیا “بۆبی شارڵتۆن” لە تەمەنی 86 ساڵیدا لەخەودا گیانی لەدەستدا

واشنتن پۆست

• دوای ئازادکردنی دوو دەستبەسەرکراوی ئەمریکی لەلایەن حەماسەوە کەسوکاری ئەوانی دیکەش لە خەم و ئازاردا چاوەڕوانی خۆشەویستانیانن
• یەکەمین کاروانی هاوکاریی مرۆیی گەیشتە غەزە و ئەمریکاش لەگەڵ فراوانبوونی هێرشەکانی ئیسرائیل داوای هاوکاریی زیاتر دەکات
• سەرەڕای توندوتیژییەکان و رووداوەکانی تەقەکردن، نەخۆشییە درێژخایەنەکان زووتر دەمانکوژن

ئۆرشەلیم پۆست

• دوای گەیشتنی یەکەم کاروانی هاوکاریی بۆ غەزە، جۆ بایدن بەڵێنی دڵنیایی خۆراک و ئاوی زیاتر دەدات
• دوێنێ ئێوارە نزیکەی 100 هەزار خۆپیشاندەر لە لەندەن داوای ئازادکرنی فەڵەستینیان دەکرد
• وەزیری بەرگریی ئیسرائیل رایگەیاند، پلانیان نییە بە هەمیشەیی کەرتی غەزە داگیربکەن

عەرەب نیوز

• دوای گەیشتنی کاروانی هاوکارییەکان بۆ غەزە، بلینکنی وەزیری دەرەوەی ئەمریکا بەڵێندەدات دەروازەی رەفەح بەکراوەیی بهێڵێتەوە
• شازادەی جێنشینی سعودییە لەگەڵ سیناتۆری ئەمریکی لیندسی گراهام داوای کەمکردنەوەی ئاڵۆزییەکانی ئیسرائیل و حەماسی کرد
• وەک ئامادەکارییەک بۆ زریان و باوبۆرانى بەهێز، بەرپرسانی یەمەن خوێندنگاکانیان داخست

رۆژنامە تورکییەکان

حوڕییه‌ت

• خوێندنی سیكۆلار و زانستی له‌ناو ده‌برێت، ئەو‌ خوێندنگه‌ ناوه‌ندییانه‌ی به‌شه‌ ناوخۆییان هه‌یه‌ یه‌ك لەدواى یه‌ك داده‌خرێن، به‌گوێرەى ئاماره‌كانی وه‌زاره‌تی په‌روه‌رده‌ ژماره‌یان كه‌ له‌ 2010دا 574 بووه‌ له‌ ماوه‌ی 12 ساڵدا بووه‌ به‌ 274
• زیاتر له‌ هه‌زار بارهه‌ڵگر چاوه‌ڕێن هاوكاریی بگه‌یه‌ننه‌ غه‌زه‌، ئه‌و هاوكارییانه‌ی گه‌یه‌ندراون له‌ ئاستی پێویستدا نین
• هاوینی ئه‌مساڵ گه‌رمترینی 53 ساڵی رابردوو بووه‌، به‌هۆی بارانی كه‌مه‌وه‌، رێژه‌ی پڕیی ئه‌و به‌نداوانه‌ی ئاو بۆ ئه‌سته‌نبوڵ دابینده‌كه‌ن 21% ە

سۆزجو

• بەگوێرەى راپرسییه‌ك كه‌ له‌ هه‌شت پارێزگاى تورکیا ئه‌نجامدراوه‌، 81%ی ئیسرائیل و 76%یان ئه‌مریكا به‌ دوژمن ده‌زانن، به‌دوایاندا فه‌ره‌نسا، سوید و رووسیا دێن
• خۆپیشاندانه‌كانی ناڕه‌زایه‌تی دژی ئیسرائیل زیادیانکردووە و له‌و رووه‌وه‌ ئه‌ورووپا هۆشیارتره‌ له‌ وڵاتانی عه‌ره‌بی
• ئیسرائیل بازاڕی نێو كه‌مپی په‌نابه‌رانی نوسێراتی به‌ ئامانج گرت و 13 كه‌سی كوشت

بیرگون

• له‌ماوه‌ی 14 رۆژدا نزیكه‌ی 2000 منداڵ كوژراون، كه‌سێك نییه‌ نه‌تانیاهو رابگرێت!
• لوتكه‌ی ئاشتی قاهیره‌ كه‌ له‌ 15هه‌مین رۆژی جه‌نگه‌كه‌دا ئه‌نجامدرا، بێ ئه‌نجام كۆتاییهات، هێرشه‌كان به‌رده‌وامن
• شاره‌وانی ئەستەنبوڵ ویستی ئه‌و باڵه‌خانانه‌ وه‌ربگرێته‌وه‌ كه‌ له‌ سه‌رده‌می ئاك پارتیدا دراونه‌ته‌ ده‌سته‌ و كۆمه‌ڵه‌ دواكه‌وتووه‌كان و بیكاته‌ به‌شه‌ ناوخۆیی خوێندكاران، به‌ڵام ئاك پارتی و مه‌هه‌په‌ رێگرییان لێكرد

ئه‌ڤره‌نسه‌ل

• به‌هۆی نه‌بوونی وه‌رگێڕەوە، له‌ نه‌خۆشخانه‌یه‌كی ئه‌سته‌نبوڵ بۆ چارەسەرکردنى ژنێكی كوردی ته‌مه‌ن 84 ساڵ داوای وه‌رگێڕی كوردی كرا، بەڵام به‌ڕێوه‌به‌رایه‌تی نه‌خۆشخانه‌كه‌ وه‌رگێڕی عه‌ره‌بی بۆ ناردن
• كرێكاران داوای دادپه‌روه‌ریی ده‌كه‌ن له‌ باجدا: ئه‌وه‌ی داهاتی كه‌مه‌ با باجی كه‌م و ئه‌وه‌ی داهاتی زۆره‌ با باجی زۆر بدات
• به‌گوێرەى ئاماره‌ فه‌رمییه‌كان رێژه‌ی تێوه‌گلانی منداڵان له‌ تاواندا لە تورکیا ته‌نها له‌ماوه‌ی ساڵێكدا 20,5% زیادیكردووه‌ و بووه‌ته‌ 601 هه‌زار و 754 تاوان

رۆژنامە فارسییەکان

شەهروەند

• بۆ پشتیوانی لە خەڵکی زوڵملێکراوی فەڵەستین، ئەنجومەنى ئاسایشی نەتەوەیەکگرتووەکان هیچی لە دەست نایەت
• وەزیری ئیتڵاعاتی ئێران بۆ ئیسرائیلییەکان: چاوەڕوانی تۆڵەکردنەوەیەکی سەخت، مەترسیدار و ماڵوێرانکەر بن
• ئەگەر ئیسرائیل هێرش بکاتە سەر غەزە، گۆڕستانێک بۆخۆی چێ دەکات و ئەوەش بەمانای دۆڕانی ئەمریکا دەبێت

قودس

• وەزیری نێوخۆی ئێران: لە هەڵبژاردنەکانی داهاتووی پەرلەماندا هەموو لایەنە سیاسییەکان کاندیدیان دەبێت و هەر حیزبێک بایکۆت بکات، خۆى دەباتە ژێر پرسیار
• سڕینەوەی مقاومەت لە غەزە ئەستەمە و با بەناوی هەوڵدان بۆ سەقامگیرکردنی ئاسایشەوە بیر لە دابڕینی غەزە لە بەرەی مقاومەت نەکرێتەوە
• جۆ بایدن سەرۆکی ئەمریکا هۆشداریی داوەتە ئیسرائیل کە نابێت هێرش بکاتە سەر غەزە

ئەبرار

• زایونیزمی نێودەوڵەتى کار لەسەر گۆڕینی نەخشەى رۆژهەڵاتی نێوەڕاست دەکات
• ئازادکردنی دوو بارمتەی ئەمریکی، ئاکامی وتوێژی نێوان قەتەر و حەماسە
• ئەمریکا و ئیسرائیل لەسەر پێکهێنانی حکومەتی کاتی لە غەزە لە ئاڵۆگۆڕی بیروڕا و وتوێژ دان

کەیهان

• بۆ هەڵاتن لە سیاسەتە هەڵەکانی، ناتانیاهۆ دژ بە سوپای وڵاتەکەی دەکەوێتە دۆسیەکردنەوە و سکاڵاکردن
• لە رۆژانی داهاتوودا بەرەی مقاومەت گورزی گەورە و گران لە ئیسرائیل دەوەشێنێت
• گەورەترین رژێمی ئاپارتایدی جیهانی (ئیسرائیل)، دوایین ساتەکانی ژیانی تێدەپەڕێنێت