رۆژنامە عەرەبییەکان

شەرقولئەوسەت

• لایەنگرانی سەدر لەنزیک سنوری ئوردن مانگرتنیان دەستپێکرد
• پنتاگۆن هێرشی سەر دوو بنکەی ئەمریکی لە عێراق پشتڕاستدەکاتەوە
• لە رۆژئاڤای کوردستان هێرشکرایە سەر دوو بنکەی ئەمریکیەکان

عەرەب

• بەهۆی کەمئاوی، عێراق لەبەردەم کارەساتدایە
• فشارە ئەمریکیەکان رەنگە وا لە قەتەر بکەن دەستبەرداری سەرکردەکانی حەماس ببێت
• “بی بی سی” لێکۆڵینەوە لەو بابەتە دەکات کە دەگوترێت وەشانە عەرەبیەکەی لایەنگری لە جەنگی غەزە دەکات

قودسی عەرەبی

• بە هەوڵی قەتەر، قەسام دوو دیلی ئەمریکی ئازاد دەکات
• عێراقییەکان لەسەر سنوور مانیانگرتووە بۆ ئیدانەکردنی هێرشەکانی ئیسرائیل
• هێرشەکان بۆ سەر بنکە ئەمریکیەکان لە عێراق بەردەوامە

زەمان

• عێراقیەکان لە سنوری ئوردن خێمەیان هەڵدا
• لە پەراوێزی جەنگی غەزەدا، بنکە ئەمریکیەکان لە عێراق و سوریا بەئامانج دەگیرێن
• وەزارەتی کار و باری کۆمەڵایەتی زەوی نیشتەجێبوون دەدات بە رزگاربووانی ئێزیدی

رۆژنامە ئینگلیزییەکان

گاردیان

• دوای رێککەوتنێک بەناوبژیوانی قەتەر دایک و کچێکی ئەمریکی کە لەلایەن حەماسەوە بەدیلگیرابوون، ئازادکران
• کەیر ستامەری سەرۆکی پارتی کرێکارانی بەریتانیا دەڵێت، نەخشەی سیاسی پارتەکەیان دەگۆڕن
• بەهۆی لافاو و زریانەوە لە رۆژهەڵاتی سکۆتلەندا سێ کەس گیانیان لەدەستدا و پێشبینی شەپۆلی توندتریش دەکرێت

ساوس چاینە مۆرنینگ پۆست

• وەک هاندانێک بۆ بەرزکردنەوەی رێژەی لەدایکبوون لە هەرێمی هۆنگ کۆنگی چین، ئەو هاوسەرانەی منداڵیان دەبێت لە پێدانی خانوودا ئەولەویەتیان پێدەدرێت
• لەبارەی کۆتاییهیێنان بە گرژییەکانی ئیسرائیل  و فەلەستین، چین ئامادەیە هاوشانی مۆسکۆ رۆڵی نێوەندگیر بگێڕێت
• وەزارەتی بەرگریی چین رایگەیاند تا ساڵی 2030 ‌هێزە ئەتۆمییەکانی مۆدێرنیزە، هەمەچەشن و فراوان دەکات

واشنتن پۆست

• دوای ئازادکردنی دایک و کچە ئەمریکییەکە لەلایەن حەماسەوە، جۆ بایدن بەڵێندەدان هەوڵ بۆ ئازادکردنی هەموو دیلەکانی دیکەش بدات
• بەهۆی دواکەوتنی گەیاندنی هاوکارییە مرۆییەکان بۆ غەزە، لە چەندین وڵاتی رۆژهەڵاتی ناوەڕاست خۆپیشاندان بەڕێوەچوون
• دوای چەند جارێک لە شکستهێنان بۆ بەدەستهێنانی دەنگی پێویست، کۆمارییەکانی ئەمریکا جیم جۆردانیان لە کاندیدی سەرۆکایەتی ئەنجومەنی نوێنەران کشاندەوە

عەرەب نیوز

• سەرکردەکانی ئەنجومەنی هەماهەنگی کەنداو و وڵاتانی باشوری رۆژهەڵاتی ئاسیا ئیدانەی هێرشەکانی سەر هاوڵاتیانی مەدەنی دەکەن و داوای راگرتنی شەڕ دەکەن
• دوای شەڕەکەی ئیسرائیل و غەزە بە درۆن و موشەک هێرش دەکرێتە سەر بنکەکانی سەربازانی ئەمریکا لە عێراق
• مەحمود عەباسی سەرۆکی فەلەسەتین یەکێک دەبێت لەو سەرکردانەی بەشداریی لە لوتکەی ئاشتی قاهیرە دەکات

رۆژنامە تورکییەکان

حوڕییه‌ت

• بیانووی بایدن بۆ هاوكارییكردنی ئۆكراین و ئیسرائیل “وه‌به‌رهێنانێكی ژیرانه‌یه‌ كه‌ سوودی بۆ نه‌وه‌كان ده‌بێت”، وه‌به‌رهێنانی ژیرانه‌ نییه‌ وه‌به‌رهێنانی خوێنڕێژانه‌یه‌
• دوای هه‌ڵوه‌شانه‌وه‌ی به‌هۆی بۆردوومانكردنی نه‌خۆشخانه‌كه‌ی غه‌زه‌وه‌، گرنگی و بایه‌خی لوتكه‌ی قاهیره‌ كه‌ سه‌ركرده‌ی هه‌ریه‌ک له‌ میسر، ئوردن، فه‌ڵه‌ستین و ئه‌مریكا كۆده‌كاته‌وه‌، زیاتر بووه‌. ئه‌مڕۆ لوتكه‌ی قاهیره‌ به‌رێوه‌ده‌چێت
• ئیسرائیل ئه‌مجاره‌ په‌لاماری كه‌ناری داگیركراوی خۆرئاوای دا و 30 كاتژمێر تیرۆر و تۆقاندنی له‌ دژیان په‌یڕه‌و كرد

سۆزجو

• له‌ ته‌كیرداغ به‌ڕێوه‌به‌رایه‌تی ئاماده‌ییه‌ک ده‌ستی به‌سه‌ر ئه‌و پاره‌یه‌دا گرتووه‌ كه‌ له‌ میانی پرۆگرامی ئێراسموسدا یه‌كێتیی ئه‌وروپا ناردوویه‌تی
• ئیسرائیل بێ گوێدانه‌ پیرۆزییه‌كان هه‌رچی هه‌بێت بۆردومانی ده‌كات هه‌ر له‌ مزگه‌وت، كڵێسا، خوێندنگه‌ و نه‌خۆشخانه‌. تائێستا 11 مزگه‌وت و كڵێسایه‌ک به‌ ئامانج گیراون
• بەگوێرەى راپرسییه‌كانی بانكی ناوه‌ندیی تا كۆتایی ساڵ هه‌ڵاوسان ده‌بێته‌ 68%. دۆلارێک به‌رامبه‌ر ده‌بێت به‌ 30 لیره‌ و سوودی بانكی ده‌بێته‌ 34,73%.
• نرخی به‌نزین 1,48 لیره‌ی دیكه‌ی چووه‌ سه‌ر

ئه‌ڤره‌نسه‌ل

• كارمه‌ندانی ته‌ندروستی له‌به‌رده‌م وه‌زاره‌تی ته‌ندروستی توركیا گردبوونه‌وه‌: “یان توندوتیژییه‌كان رابگرن یان ده‌ست له‌كاربكێشنه‌وه‌”
• به‌ره‌نگاربوونه‌وه‌ی ئالووده‌بوون له‌ رۆژه‌ڤدا نییه‌، سه‌دان هه‌زار گه‌نج چاوه‌ڕوانی وه‌رگرتنی چاره‌سه‌ری ئالووده‌بوون به‌ كحول و مادده‌ی هۆشبه‌رن به‌ڵام له‌ بوودجه‌دا ته‌نها 1,4% خه‌رجییه‌كانی زیادكراوه‌
• ئاگری هه‌ڵاوسان به‌رده‌وامه‌ له‌ سووتاندن؛ خه‌رجی كشتوكاڵی له‌ماوه‌ی مانگێكدا 7% زیادیكردووه‌

جمهورییه‌ت

• عه‌شقی تاڵانی؛ له‌ماوه‌ی دوو مانگدا ده‌سه‌ڵات ره‌زامه‌ندی له‌سه‌ر كانزاگه‌ری داوه‌
• جه‌نگ دژی ژیان؛ ئیسرائیل كڵێسایه‌كی 1500 ساڵه‌ی له‌ غه‌ززه‌ به‌ ئامانج گرت
• دوای له‌نده‌ن و پاریس، وه‌زیری گه‌نجینه‌ و دارایی توركیا له‌پێناو ده‌ستخستنی وه‌به‌رهێنان جارێكی دیكه‌ روو ده‌كاته‌وه‌ كه‌نداو

رۆژنامە فارسییەکان

شەرق

• دوو شەڕی بێ‌ کۆتایی؛ ئەمریکا ئامادەیی خۆی بۆ پشتیوانی ماڵی و سەربازی بە ئۆکراین و ئیسرائیل راگەیاند
• سەرۆککۆماری پێشووی ئێران، حەسەن رووحانی بۆ هەڵبژاردنەکانی “شارەزایانی رێبەری” خۆی کاندید دەکات
• کۆتایی گەمارۆکانی شوورای ئاسایشی نەتەوەیەکگرتووەکان دژبە ئێران راگەیاندرا

رەسالەت

• بانگەشەى هێرشی زەمینی ئیسرائیل بۆ غەزە چەندە دەتوانێ راست بێ؟! ئیسرائیل لە وڵامدانەوەی مقاومەت دەترسێت
• زۆربەی قوربانیانی شەڕەکە ژن و منداڵن، ئیسرائیل رۆژانە شەرمەزار دەکرێت
• هەر هەنگاوێکی ئیسرائیل لە ژێر چاودێری ئێراندایە، زایونیستەکان نیگەرانی دووهەم شۆکن

ئەبرار

• غەزە، دەمامکی لەسەر روخساری ئەمریکا لادا، ئەمریکا بڕیارنامەی کۆتاییهێینانی شەڕی ڤێتۆ کرد
• پشیوانیی ئەمریکا لە ئیسرائیل بەمانای بەشداربوون لە جینایەتکردن لە غەزە لێکدەدرێتەوە
• کۆشکی سپی رایگەیاند، دژ بە بەرنامەی مووشەکی و درۆنیی ئێران گەمارۆی تازە بەکاردێنین

جەوان

• یەکەم دەستڕێژی سەرکەوتوانەی حزبوڵلا بۆ سەر چەند بنکەیەکی سەربازیی ئیسرائیل
• ئیسرائیل لە سەراولێژیی فەوتان‌ دایە و بەرەی مقاومەت زەربە لە ئابووری ئەم وڵاتە دەدا
• شوورەییتر لە جیناتەکانی ئیسرائیل، هەڵوێست و کردەوەکانی ئەمریکایە