رۆژنامە عەرەبییەکان

شەرقولئەوسەت

• تورکیا ئامادەنییە گفتوگۆ لەبارەی کشانەوەی لە سوریاوە بکات
• دادگای عێراقی بەرگری دەکات لە پاکی دادگایی بکوژی هیشام هاشمی
• ترس هەیە گۆڕانکاری دیمۆگرافی و مەزهەبی لە سامەرا ئەنجام بدرێت

قودسی عەرەبی

• دوای رووداوەکەی حەمدانییە، کریستیانەکانی عێراق توڕەن و داوا دەکەن سێ سەرۆکایەتییەکە دەستلەکاربکێشنەوە
• پێشنیازێک هەیە لە پەرلەمانی عێراق بۆ دیاریکردنی سنوری عێراق – کوەیت
• ململانێیەکی خێڵەکی لە زیقار دەبێتە هۆی ئاوارەبوونی 115 خێزان

عەرەب

• ئاگرەکەی حەمدانییە بووەتە هۆی ئاڵۆزی لەنێوان پارتی و رەیان کلدانی
• خۆپیشاندانەکانی سوەیدا بەردەوامە و ژنان پێشڕەوی خۆپیشاندانەکەن
• پابەندی ئەمریکا بە گرەنتیکردنی ئاسایشی سعودیە، مەرجی یەکەمی سعودییەکانە بۆ ئاساییکردنەوەی پەیوەندییەکانیان لەگەڵ ئیسرائیل

زەمان

• کچە بیانیەکی فرێندراو لە عێراق رزگارکرا
• بەشێک لە بریندارانی حەمدانییە رەوانەی تورکیا کران
• ئەمریکا رێکاری نوێ دەگرێتە بەر بۆ کەمکردنەوەی حاڵەتەکانی خۆکوشتن لە نێو سوپا

رۆژنامە ئینگلیزییەکان

دەیلی تەلەگراف

• وەزیری ناوخۆی بەریتانیا رەتیدەکاتەوە لەگەڵ قەشەی سەرەکی کانتەبێری لەبارەی گۆڕینی سیاسەتی وڵاتەکەی لە دژی کۆچبەران کۆببێتەوە
• وەک هەنگاوێک بۆ کەمکردنەوەی ئۆتۆمبێلی سەرشەقامەکان، حکومەتی بەریتانیا لەرێگەی بەرنامەیەکی مۆبایلەوە کرێی پارککردنی ئۆتۆمبێل وەردەگرێت
• سیستمی بەرگریی روسیا بەهەڵە یەکێک لە باشترین فڕۆکەی جەنگیی وڵاتەکەی خۆی خستەخوارەوە

ژاپۆن تایمز

• بەهۆی بەکارهێنانی وەک ماددەی هۆشبەر، وەزارەتی تەندروستی ژاپۆن دەرمانێکی نیمچە نایاسایی لە وڵاتەکەیدا قەدەغە دەکات
• بەرزبوونەوەی نرخی شتومەک و گۆڕانکاریی لە چەند رێنماییەکی پێدانی باج، گوزەرانی ژاپۆنییەکان لە مانگی داهاتوودا سەختتر دەکات
• ژاپۆن و کۆریای باکور ئەمساڵ لەبارەی پرسی رفاندنی هاوڵاتییانی ژاپۆنی لەلایەن کۆریای باکورەوە کۆدەبنەوە

واشنتن پۆست

• بژاردەکانی بەردەم کۆنگرێسی ئەمریکا بۆ دۆزینەوەی چارەسەرێک بۆ پەسەندکرنی یاسای بودجە و رێگریی لە پەککەوتنی حکوم کەمدەبنەوە
• بەهۆی بڕیاری دادگای نیویۆرک لەبارەی سەختەکارییەکانی، دۆناڵد ترەمپ ناچاردەبێت کۆمپانیای عەقاراتەکەی لەو شارە بفرۆشێت
• بەهۆی بارانی زۆر و دروستبونی لافاو لە نیویۆرک، باری نائاسایی راگەیەندرا

عەرەب نیوز

• بەهۆی داگیرکردنی خاکەکەیان، دوێنی هەینی پێدادان لەنێوان فەلەستینییەکان و سوپای ئیسرائیلدا لە کەرتی رۆژئاوا دروستبوو
• ژمارەی کوژراوانی تەقینەوەکەی پاکستان کە لە بۆنەیەکی مەولوددا رویدا، گەیشتە 57 کەس
• خراپی دۆخی ئابوریی، داخستنی قوتابخانە و مانگرتنی مامۆستایان، نەوەکانی لوبنان لەدەستدەدات

رۆژنامە فارسییەکان

ئەبرار

• پسپۆڕانی ئێرانی وڵاتەکەیان جێدەهێڵن و پێنج ملیۆن ئەفغانی روو لە وڵاتەکە دەکەن
• گوتەبێژی وەزارەتی دەرەوەی ئەمریکا نیگەرانی وڵاتەکەی لە ناردنی ماهوارەی “نووری 3″ی سپای پاسداران بۆ بۆشایی ئاسمان دەربڕی
• ئەمریکا گەمارۆ دەخاتەسەر ئێران و هەردوو وڵات خوازیاری دیالۆگ و رێکەوتنن!!

ئیبتکار

• تورکیا لە هەوڵی کەمکردنەوەی رۆڵی ئێران لە ئاڵوگۆڕى بازرگانی لەنێوان رۆژئاوا و رۆژهەڵاتی ناوچەکەدایە
• ژاپۆن گەڵاڵەیەکی پێشنیازی بۆ وەگەڕخستنەوەی پرسی رێکەوتنی ناوکی ئێران پێشکەشدەکات
• ژمارەی ئەو ئەفغانیانەی هاتوونە ئێران لەگەڵ ئەو ئێرانیانەی وڵاتەکەیان جێهێشتووە وەک یەک وایە؛ هەشت تاکو 10 ملیۆن کەس

کەیهان

• دۆخی بەربژێرە سەرەکییەکانی هەڵبژاردنەکانی ئەمریکا؛ بایدەن لەبەردەم لێپیچەنەوەدایە و ترەمپ دادگایی دەکرێت
• ئاڵای ئێران هەروا لە شەکانەوەدایە و سەرکەوتنەکان یەک‌ لەدوای یەک بەڕێوەن
• نرخی کارەبای ئەمساڵ لە بەریتانیا 13% زیادی کردوە و یەک لەسەر سێی خەڵکی وڵاتەکە توانای دانی پارەی کارەبایان نییە

ئێران

• دژایەتی لەگەڵ پەنابەرانی ئەفغانی لە ئێران پڕۆژەیەکی ئەمنیەتییە و دەستی دوژمنی لەپشتە
• وەزیری ئیتڵاعاتی ئێران رایگەیاند، لە سیستان و بلوچستان هەوڵی تێرۆرکردنی چەند کەس لە مامۆستایانی ئاینی پوچەڵ کراونەتەوە
• بۆ چارەسەری کەمئاوی لە پارێزگای ئەسفەهان لە زەریای عەممانەوە ئاو بۆ ئەم پارێزگایە رادەکێشرێت