رۆژنامە عەرەبییەکان

سەباح

• لیژنەی دارایی میوانداری وەزارەتی دارایی هەرێم و فیدڕاڵ دەکات
• یاسای لێبوردنی گشتی تووشی چەند بەربەستێکی سیاسی بووەتەوە
• پایتەخت سەوزاییەکەی لەدەستداوە و بووەتە سندوقێکی بنیادنان

شەرقئەوسەت

• ئێران گاڵتە بە هەڕەشەکانی ناتانیاهۆ دەکات: موشەکی “لێدەری ئیسرائیل”ـمان هەیە
• سوەیدا بۆ 35مین رۆژی خۆپیشاندانەکانی بێکارەبایە
• هۆشداری نێودەوڵەتی لە کارەساتی بەردەوامی ناکۆکییەکان لە یەمەن

قودسی عەرەبی

• هۆشداری دەدرێت لە بەسەربازکردنی منداڵانی عێراق لەرێگەی یارییە ئەلیکترۆنییەکانەوە
• توێژینەوەیەک: ئەڵمانیا بەرەو دەمارگیریی زیاتر دەڕوات و حکومەتیشی هۆشداری دەدات لە مەترسی توندڕەوە راستڕەوەکان
• سنورەکانی غەزە تاو دەسێنێت: گەنجان بەردەوامن لە خۆپیشاندان

ئەلعەرەب

• مەسیحییەکان بە هاوارکردن هۆشداری لە کۆتاییهاتنیان لە عێراق دەدەن
• بورهان خۆی وەک هاوپەیمانی رۆژئاوا و رکابەری روسیا نیشاندا
• وازهێنانی فەڕەنسییەکان بۆ چارەسەرکردنی کێشەی سەرۆکایەتی لوبنان پەیوەستە بە کاتەوە

رۆژنامە ئینگلیزییەکان

فاینەنشیەڵ تایمز

• دوای ئەوەی ئازەربایجان هێرشی کردەسەر خوداخوازەکانی قەرەباخ، شەپۆلی کۆچی ئەرمەنییەکان خەریکە پەرەدەسەنێت
• دوای ئەوەی روسیا خۆی لە سزای وڵاتانی G7 بۆ دانانی سنورێک بۆ نرخی نەوتەکەی پاراست، قازانجی زۆری لە فرۆشی نەوت کردووە
• دیموکرات و کۆمارییەکانی ئەمریکا هۆشداری دەدەن لەوەی حکومەتی ئەمریکا بەهۆی دواکەوتنی بودجەوە پەکی بکەوێت

ژاپۆن تایمز

• دوای تێپەڕبوونی مانگێک بەسەر بڕیاری قەدەغەی هاوردەی خواردنی دەریایی ژاپۆن لەلایەن چینەوە، ئاستی هەناردەکردن بۆ ئەو وڵاتە بەرێژەی 41% دابەزیوە
• ئەمریکا بەنیازە پرۆگرامێکی سیخوڕیی ژێردەریایی سەردەمی جەنگی سارد بۆ روبەڕووبوونەوەی چین زیندووبکاتەوە
• ژاپۆن سیستمێکی نوێ بۆ ئاڵوگۆڕیی زانیاریی لەبارەی کارەساتەکان دەرستدەکات و کاری فریاگوزاری و بەهاناوەچوون خێراتر دەکات

واشنتن پۆست

• خەرجیی کاندیدەکانی پۆستی سەرۆکایەتی ئەمریکا بۆ پرسی خۆپاراستنیان لەروی ئەمنییەوە بەراورد بە سالی 2020، بەرێژەی لەسەدا 500 زیادیکردووە
• خەریکە کات لەبردەمی کۆنگرێسی ئەمریکادا نامێنێت بۆ ئەوەی وڵاتەکە لە دۆخی پەککەوتن بەهۆی نەبوونی بودجەوە، بپارێزن
• بەشێک لە سیاسەتمەدارانی رۆژئاوا هانی ئۆکراین دەدەن سەرەڕای ئەوەی لەدۆخی جەنگدایە، هەڵبژاردن ئەنجامبدات

عەرەب نیوز

• بەهۆی ترسیان لە پاکتاوی نەتەوەیی لە ناگۆرنۆ قەرەباخ، ئاوارەبوونی دانیشتووانی ناوچەکە روو لە زیادبوونە
• بەرپرسانی ئێران دەڵێن، لە ساڵیادی 28 ئەندامی داعشیان دەستگیرکردووە کە بەنیازبوون کاری تیرۆریستی لە ساڵیادی مەرگی ژینا ئەمینیدا لە تاران ئەنجامبدەن
• سعودیە ئیدانەی کارە ئیستیفزازییەکانی ئیسرائیلییە توندڕەوەکان دەکات کە لە مزگەوتی ئەقسادا کردوویانە

رۆژنامە فارسییەکان

کەیهان

• وەزارەتی ئیتڵاعاتی ئێران رایگەیاند، 30 هەوڵی تێرۆریستی لە پێتەختی وڵات پووچەڵکراونەتەوە و 28 کەسیش دەستبەسەرکراون
• 53 مامۆستای زانکۆ پشتیوانیان لەو کچە خوێندکارە کوردە دەربڕی کە بێ ‌باڵاپۆش لە زانکۆی تاران دەرکەوتبوو
• هەوڵێکی میدیایی بۆ تێکدانی مامەڵەی بازرگانیی نێوان ئێران و وێنۆزیولا بەبڕی چوار میلیار دۆلار لەئارادایە

ئەبرار

• روسیا بۆ قسەکردن لەسەر شەڕەکەیان لەگەڵ ئۆکراین ئامادەیە، بەڵام دژی راوەستانی شەڕەکەیە!
• یەکێتی ئەوروپا سەبارەت بە بەرنامەی ناوکیی ئێران خوازیاری رێککەوتن لەگەڵ ئەم وڵاتەیە
• سەرۆککۆماری ئێران بە بۆنەی رۆژی نەتەوەیی سعودییەوە، پیرۆزبایی لە محەمەد بن سەلمان کرد

شەهروەند

• وەزیری دەرەوەی ئێران لەوڵامی تەشەرەکانیی بەرپرسانی ئیسراییل، گوتی هەڕەشەکانی ئەم حکومەتە دەستکردە هیچ بایەخێکی نییە
• 120 هەزار ئەرمەنی، بەهۆی شەڕی ئەرمینیا و ئازەربایجانەوە قەرەباغیان بەجێهێشت
• دوو وڵاتی ئێران و ئازەربایجان خوازیاری پەرەپێدان بە پێوەندییەکانیانن

قودس

• تێرۆریستە قۆڵبەسکراوەکان هەر هەموویان سەربە داعشن و ویستوویان لە 30 شوێنی شاری تاران تەقینەوە ئەنجام بدەن
• هەوڵە تێرۆریسییەکانی سەر ئێران، ئەمریکا و رۆژاوایان لە پشتە و دەیانەوێت سیناریۆی لیبیا لە ئێران دووپات بکەنەوە
• وەزیری دەرەوەی سعودیە دەڵێت، رێککەوتنی ئێمە لەگەڵ تاران لەسەر بنەمای رێزی دوو لایەنە و خۆبواردن لە دەستێوەردان لە کاروباری یەکترە