رۆژنامە عەرەبییەکان

سەباح

• سودانی ئامادەکاری دەکات بۆ سەردانی رووسیا
• بازاڕی خانووبەرە لە هەولێر لە پاشەکشەدایە
• ئێران ستایشی هەوڵەکانی حکومەتی عێراقی دەکات بۆ پاراستنی سنوور

شەرقولئەوسەت

• ئێران چەند رۆژێکی زیادە مۆڵەت دەدا بە عێراق بۆ دەرکردنی حیزبە ئۆپۆزسیۆنەکانی ئێران
• پەرلەمانتارانی چوارچێوەی شیعی سوورن لەسەر هەڵوەشاندنەوەی رێککەوتنی “خور عەبدوڵڵا”
• سودانی ئامادەکاری دەکات بۆ دیدارەکەی لەگەڵ بایدن

قودسی عەرەبی

• تاران گەشبینە بە چەکداماڵینی حیزبە ئۆپۆزسیۆنەکانی لە عێراق
• لە یادی راپەڕینی تشرینییەکان دەستدرێژی و پێشێلکارییەکان لە عێراق بەردەوامە
• تۆمەتی کەمتەرخەمی دەدرێتە پاڵ بەرپرسانی لیبیا لە لافاوەکەی دێرنا

عەرەب

• عێراق بێکاری بە پشووەکان دادەپۆشێت، 110 رۆژ لە ساڵێکدا پشووە بێجگە لە هەینی و شەممە
• حکومەتی سودانی گرەو دەکات لەسەر جێگیربوونی نرخی بەرمیلێک نەوت لە دەوروبەری 100 دۆلاردا
• ئازەربایجان کێشەی قەرەباغ بە رێگای خۆی چارەسەر دەکات لە کاتێکدا جیهان سەرقاڵە

رۆژنامە ئینگلیزییەکان

سەندەی تایمز

• بەهۆی سکانداڵی دەستدرێژیی سێکسی پێشکەشکارێکی رادیۆی بی بی سی، دوو بەڕێوەبەری پێشووی کەناڵەکە رووبەڕووی لێپرسینەوە دەبنەوە
• پاش کوشتنی ژنێکی رەشپێست لەلایەن پۆلیسێکی لەندەن، ئەو پۆلیسانەی چەکیان پێیە، چەکەکانیان رادەستدەکەن
• کامپەکانی دوورگەی لێسبۆسی یۆنان کە وەک قەڵغانێک بوون بۆ قەیرانی کۆچبەرانی ئەوروپا، لە ئێستادا پڕبوون

سەندەی مۆرنینگ پۆست

• قەیرانی دیمۆگرافی لە چین سەرهەڵدەدات و ژنان ئامادەییان نییە منداڵ بخەنەوە بەهۆی سەختی ژیانی دایکایەتییەوە
• نوێنەری یەکێتیی ئەوروپا رایگەیاند، ئەوروپا نیازی نییە پەیوەندییەکانی لەگەڵ چین بچڕێنێت و بەڵێنی نزیکبوونەوەی زیاتر بە پەکین دەدات
• شی جینپینگی سەرۆکی چین ئۆڵۆمپیادی یارییەکانی ئاسیای ساڵی 2022ی کردەوە کە پێشتر دواکەوتبوو

واشنتن پۆست

• دامەزراندنی کرێکارانی چینی لە کۆمپانیا ئەمریکییەکان نیگەرانی لەبارەی کاری زۆرەملێ و مافی مرۆڤ لەو وڵاتەدا دروستکردووە
• رەخنەگرانی وڵاتی سەلڤادۆر دەڵێن روبەڕوبوونەوەی توندی باندە مافیاییەکانی وڵاتەکە لەلایەن سەرۆکی وڵات، مەترسیی خستووەتە سەر پرۆسەی دیموکراسی
• لە پاش راپرسییەکی کەناڵی ئەی بی سی لەبارەی هەڵبژاردنەکانى سەرۆکایەتیی ئەمریکا، جۆ بایدن لەبارەی پرسی ئابووری، کۆچبەران و تەمەنییەوە، رووبەڕووی رەخنە بووەتەوە

عەرەب نیوز

• ئاوارەکانى سووریا لە ئەستەنبوڵ پێیانوتراوە کە شارەکە جێبهێڵن ئەگینا رووبەڕووی سزای سەخت دەبنەوە
• یارییەکانی ئۆڵۆمپیادی ئاسیا لە چین دەستیپێکرد و بۆماوەی دوو هەفتە بەردەوام دەبێت
• بەرپرسانی رۆژهەڵاتی لیبیا کۆنفرانسێک بۆ کۆکردنەوەی هاوکاریی بۆ قوربانییانی لافاوەکە لە شاری دێرنا رێکدەخەن

رۆژنامە فارسییەکان

ئێعتماد

• سێ هەزار و 506 پارچە شوێنەواری کۆنی سەردەمی هەخامنشیان، لە ئەمریکاوە گەڕێندرایەوە ئێران
• سعودییە و ئیسراییل لەچەند رۆژی رابردوودا بە نهێنی دیدار و چاوپێکەوتنیان هەبووە
• ئەمریکا و رۆژئاوا هەوڵی بێبەشکردنی رووسیا لە مافی ڤێۆکردن دەدەن

دنیای ئێقتساد

• لە پەراوێزی کۆبوونەوەی نیویۆرکدا ئێران و ئەمریکا بابەتەکانی “بەرنامەی ناوکیی ئێران” و ” درۆنی شەڕکەر”یان تاوتوێکردووە
• سوپای پاسداران بەرانبەر بە هەر گۆڕانکارییەکی جیۆپۆلەتیکی رادەوەستێت
• ئیسرائیل و سعودییە زیاتر لێکنزیک دەبنەوە و ئێران تەوەری یەکێک لە باسەکانیانە

شەرق

• سەرۆککۆماری ئێران پێداگری لەسەر پاراستنی مافی ئەرمەنییەکان و ئاسایشی سنوورەکان دەکات
• محەمەد بن سەلمان رایگەیاند، ئەگەر ئێران دەستی بە چەکی ناوکی بگات، مانای وایە سعودیەش دەیبێت
• گەیاندنی یارمەتیی سەربازیی ئەمریکا بە ئۆکراین، دۆخی شەڕەکە ئاڵۆزتر دەکات

قودس

• سەردانی بەشار ئەسەد بۆ چین، وەک دوو وڵاتی دۆست بە قازانجی ئێرانە
• سەرۆکی پەرلەمانی ئێران دەڵێت، بابەتی زیارەت بۆ وڵاتەکەی گرنگە و لەو بارەوەیەوە کەمکاریی زۆر کراوە
• سەرۆککۆماری ئێران ئامادەیی سەربازیی وڵاتەکەی بۆ پێشگیریی لە هەر مەترسییەک بەپێویست دەزانێت