زووم:
دیمەنى ئەم بانگبێژە و بانگدانى لەو شوێنەدا وێنای گەورەیی زیانى بومەلەرزەکەى مەغریب نیشان دەدات
بومەلەرزەکە، مەراکیش و دەورەوبەرەکەى هەژاند، کە کەم شوێن هەیە زیانى بەرنەکەوتبێت.
تاوەکو ئێستا گیانلەدەستدانى دوو هەزار و 12 کەس پشتڕاستکراوەتەوە، دوو هەزار و 59 کەسیش بریندارن، کە بەشێکى بریندارەکان شەڕ لەگەڵ ماوەنەوە لە ژیان دەکەن.
تیمەکانى فریاگوزاری بەدەوامن لە هەڵدانەوەى داروپەردووى باڵەخانە رووخاوەکان بۆ رزگارکردنى ئەوانەى لەژێر داروپەردووەکاندان.
گوندەکان و ناوچە شاخاوییەکانى مەراکیش بوو، زۆرترین زیانیان بەرکەوتووە، هەندێک لەو گوندانە دارى بەسەر بەردییەوە نەماوە.
بەشێکیان هێشتا دەستى تیمەکانى فریاگوزارى پێنەگەیشتووە، ئەوانەى رزگاربوون بە گوێدرێژ تەرمى کەسوکار و هاوڕێکانیان دەگوازنەوە.
تیمەکانى فریاگوزارى مەغریب شەکەت و ماندوون، سوپا هاوکاریان دەکات لە پاککردنەوەى رێگەکانى گوندەکان و بەهاناوەچوونى لێقەوماوان.
زۆرێک لە وڵاتان ئامادەیی هاوکارییان بۆ مەغریب دەربڕیوە و دەستیان بە ناردنى کۆمەک بۆ خەڵکە زیانبەرکەوتووەکە کردووە. باڵیۆزخانەى فەرەنسا و ئەوورپا لە مەغریب ناوەندى کۆکردنەوەى هاوکارییان کردووەتەوە، بۆ ئەوانەى دەیانەوێت لە وڵاتەکانیانەوە هاوکارى خەڵکە لێقەوماوەکان بکەن.
