رۆژنامە عەرەبییەکان

شەرقولئەوسەت

• ئەمریکا نێوەندگیری دەکات لە رۆژهەڵاتی سوریا
• کوردەکان لەبارەی کەرکوک دابەشبوون
• سوپای پاسداران هۆشداریدەدات لە هێرشی ئەلکترۆنی لە ساڵیادی مەرگی ژینا  ئەمینى

قودسی عەرەبی

• کەرکوک لە جەنگێکی ناوخۆ دەرباز بوو
• روبەڕوبوونەوەی کورد و هۆزە عەرەبەکان پەلی کێشاوە بۆ گوندەکانى حەسەکە و رەققە و حەلەب
• داوای ئارامبوونەوەی دۆخی کەرکوک دەکرێت، ئەیاد عەلاوی پێشنیاز دەکات هەڵبژاردن لەو پارێزگایە دوابخرێت

عەرەب

• خواستی پارتی بۆ گەڕانەوە بۆ کەرکوک سەری نەگرت
• دەستی تورکیا وەک سوتەمەنی کاردەکات لەنێوان هۆزە عەرەبەکان و هەسەدە
• عێراقییەکان پرۆژەی هێڵی ئاسنین لەگەڵ ئێران وەک ئیستیفزاز دەبینن

عەرەبی جەدید

• کەرکوک گەڕاوەتەوە چوارگۆشەی پێکدادان
• هاوپەیمانی نێودەوڵەتی هاتۆتە سەر خەت و دەیەوێت جەنگی نێوان هەسەدە و هۆزە عەرەبەکان کۆتایی بێت
• ئەردۆغان و پوتین گفتوگۆ دەکەن لەسەر دەستپێکردنەوەی رێککەوتننامەی هەناردەی گەنم

رۆژنامە ئینگلیزییەکان

تایمز

• سەدان قوتابخانە لە بەریتانیا هێشتا بە داخراوی ماونەتەوە بەهۆی ئەوەی خراپی کوالیتی کۆنکرێتەکانیان مەترسی روخانی دروستکردووە
• پەڕینەوەی کۆچبەران بۆ بەریتانیا خەریکە دەگاتە 900 کەس لە رۆژێکدا و رۆژی شەممە زیاتر لە 800 کەس پەڕیونەتەوە، کە زۆرترین ژمارەیە لەمساڵدا
• بەشی تەندروستی دەروونی وەزارەتی تەندروستی بەریتانیا شکستیهێناوە و لە پێنج کەس تەنها یەکێکیان پێیان وایە کەرتەکە کارەکانی باش بەڕێوە دەبات

چاینە دەیلی

• هەنگاوەکانی چین بۆ کرانەوەی وڵاتەکەی بەڕوی کۆمپانیا بیانییەکان، متمانەی بازاڕەکانی وڵاتەکەی لای ئەو کۆمپانیایانە زیاترکردووە
• شارەزایانی سیاسەتی بیانی چین پێیانوایە هێشتا بۆشاییەک هەیە بۆ بەرەوپێشبردنی پەیوەندییە بازرگانییەکانی چین و ئەمریکا و بە ئاڵۆز، بەڵام گرنگ ناوی دەبەن
• کۆتایی ئەمسال هەرێمی شانگەهای چین کەشتی کارەبایی نمایشدەکات، ئەمەش هەنگاوێکە بۆ کەمکردنەوەی بەکارهێنانی سوتەمەنی نەوتیی

واشنتن پۆست

• کۆگایەکی فرۆشتنی پێداویستی رۆژانە لە واشنتن بەهۆیی ئەو زیانە زۆرانەی لە ئەنجامی دزییەوە بەری کەوتووە، رێکاریی نوێ دەگرێتەبەر بۆ ئەوەی دزیی لە رەفەکانی نەکرێت
• کورتهێنانی بودجەی فیدراڵیی ئەمریکا لەمساڵدا دەبێتە دوو‌هێندە و بەهاکەی بە دوو ترلیۆن دۆلار دەخەمڵیندرێت
• رێکخراوەکانی بەخێوکردنی منداڵان کارەکانیان لە ئۆکراین راگیراوە و منداڵانی بێ دایک و باوک لە دۆخێکی خراپدا جێهێڵراون

عەرەب نیوز

• بەهۆی بەردەوامی خۆپیشاندانی بەرە ناکۆکەکانی کۆچبەرانی ئەریتیریا لە ئیسرائیل، پۆلیسی ئەو وڵاتە روبەڕووی توندوتیژیی دەبنەوە
• حوسییەکانی یەمەن دەڵێن موڵکوماڵی سەرۆکی پێشو عەلی عەبدوڵلا ساڵح دەفرۆشن بۆ ئەوەی موچەی کارمەندانی حکومەت بدەن
• بەهۆی هێرشێکی موشەکیی لە خەرتومی پایتەختی سودان 20 هاوڵاتی کوژران کە دووانیان منداڵن

رۆژنامە فارسییەکان

جمهووری ئیسلامی

• ئاڵۆزییەکانی کەرکوک پەیوەندی بە گەڕانەوەی بارەگاکانی پارتی دیموکراتی کوردستان بۆ شارەکە هەیە
• خەڵکی نەیجەر داوای چوونەدەری هێزەکانی فەرەنسا لە وڵاتەکەیان دەکەن
• رێککەوتنی ئێران و ئەمریکا لە مەسقەت لەسەر “ئاراستەکردنی ئاڵۆزییەکان”ی ناوچەکە

شەهروەند

• وەزیری دەرەوەی ئێران: گۆڕانکاری جێئۆپلۆتیک لە ناوچەکە قبووڵ ناکەین
• هەزار و 824 کەس لە سوننە مەزهەبەکانی ئێران بۆ نوێنەرایەتی پەرلەمانی وڵاتەکە ناویان تۆمارکراوە
• بەرپرسی ناوەندی ئەربەعین لە ئێران دەڵێت، رێژەی زیارەتکەرانی وڵاتەکە بەراورد بە ساڵانی پێشوو 17٪ زیادی کردوە

ئەبرار

• جۆ بایدن باس لە گەڕانەوە بۆ رێککەوتنی ناوکی دەکات و ئێران دەڵێت بۆ ئەم بابەتە بەڵگەیەکی هاوبەشمان ئامادەیە
• پرسی دەرکردنی مامۆستایان لە زانکۆکانی ئێران دەگاتە پەرلەمان و لیژنەی لێپرسینەوەی بۆ دیاری دەکرێ
• دانوستانەکانی ئۆکراین و رووسیا بەبێ ئەمریکا جێبەجێ نابێ و ناگاتە ئاکام

شەرق

• ئێران و تورکیا لە پەیوەندییەکانیان رازین و لەسەر دانیشتنێکی سێ لایەنەی لەگەڵ سعوودییە رێککەوتوون
• چینی مامناوەندی لە ئێران هیوایەکی بە ژیان و داهاتوو نەماوە و پێشبینی دەکرێ بەشدارییان لە ناڕەزایەتییەکان کەم بێتەوە
• دیاردەی چەکدانان لەنێو هێزەکانی رووسیا لە زیادبوون دایە و درێژەی شەڕ لەگەڵ ئۆکراین بەداگیرکاری دەزانرێت