رۆژنامە عەرەبییەکان

شەرقولئەوسەت

• تورکیا، کوردەکان تۆمەتبار دەکات بە زیادکردنی هەژمونیان بەسەر عەرەبەکانی رۆژهەڵاتی سوریا
• کەرکوک دەکوڵێت و بارزانی هۆشداریدەدات لە فیتنە
• هاکان فیدان لە ئێرانە بۆ گفتوگۆکردن لەسەر هەماهەنگی نێوانیان

عەرەب

• بانکی نێودەوڵەتی هۆشداری دەدات بە عێراق: ئابوریتان ناسکە
• پشتیوانانی بارزانی لە کەرکوک خۆپیشاندانیان کرد بۆ کردنەوەی رێگای هەولێر
• شکستی سیاسەتی فەرەنسا لیستی کودەتاکان لە ئەفریقا زیاد دەکات

قودسی عەرەبی

• پارتی بەرامبەر ناڕەزایەتیەکانی عەرەب و تورکمانەکان دەوەستێتەوە و دەیەوێت بگەڕێتەوە نێو کاری سیاسی لە کەرکوک
• لە سەرەتای جەنگی سودانەوە 500 کەس بێ سەروشوێنن، لە نێویاندا 36 ژن
• چەک ململانێ سیاسیەکان لە لیبیا یەکلا دەکاتەوە

عەرەبی جەدید

• ململانێی هەسەدە و هۆزە عەرەبەکان، جەنگێکی کراوەیە
• هێڵی ئاسنینی نێوان عێراق و ئێران مشتومڕی دروستکردووە
• تینوێتی هەڕەشە لە دانیشتووانی پارێزگای دیوانیە دەکات

رۆژنامە ئینگلیزییەکان

ئۆبزێرڤەر

• وەزیرانی پارتی پارێزگاران لەبری باشکردنی کوالێتی بینای قوتابخانەکانى بەریتانیا خەریکی کۆکردنەوەی پارەبوون کە ئێستا بەهۆی مەترسی رووخانیان دەیان هەزار خوێندکار نێردراونەتە ماڵەوە
• فەرماندەیەکی سەربازیی ئۆکراین دەڵێت، بۆیەکەمجار لە هێرشی پێچەوانەی وڵاتەکەیدا هێڵەکانى بەرگریی رووسیایان بڕیوە
• سەربارى دۆزینەوەی تەکنیکێکى تازە بۆ کوشتنی خانە شێرپەنجەییەکانی پێست لە بەریتانیا، بەڵام هێشتا چارەسەری شێرپەنجەی پێست بەردەست نییە

سەندەی مۆرنینگ پۆست

• هەرێمی هۆنگ کۆنگی چین یەکێک لە بەهێزترین زریانەکانی مێژووی خۆی تێپەڕاند، بەڵام هێشتا داروبەرد لەسەر شەقامەکان ماونەتەوە.
• شی جینپینگ سەرۆکی چین بەڵێندەدات کە کەرتی خزمەتگوزاریی کراوەتر بکات بۆ زیاتر بەرەوپێشبردنی بازرگانیی و وەبەرهێنانی بیانی لە وڵاتەکەیدا
• چین بەنیازە لەڕێگەی زیاتر هەناردەکردنی ئۆتۆمبێلی کارەبایی، ئابووری وڵاتەکەی ببوژێنێتەوە

واشنتن پۆست

• لە هەندێک شارۆچکەی ئەمریکا بەهۆی کەمی شۆفێری پاس خوێندکاران ناتوانن بڕۆن بۆ قوتابخانە
• ئاگری دارستانەکانی وڵاتانی سەردەریای ناوەڕاست مەترسی خستووەتە سەر شێوازی ژیان لەو وڵاتانەدا
• بەرهەمهێنانی مۆبایلێکی تازەى هواوی لەلایەن چینەوە، نیگەرانی لای ئەمریکا دروستکردووە کە چۆن پەکین توانیویەتی خۆی لە سزا تەکنەلۆژییەکانی واشنتن دەرباز بکات

عەرەب نیوز

• سەرباری راگەیاندنی قەدەغەی هاتوچۆ لە شاری سوەیدای باشووری سوریا، لایەنگران و دژبەرانی بەشار ئەسەد رووبەڕووی شەڕ و پێکدادان بوونەوە
• بەهۆی شەڕ و پێکدادانەکانی سودان هەرێمی دارفور خەریکە وێران دەبێت
• هەزاران کەس لە پایتەختی نایجەر گردبوونەوە و داوای رۆشتنە دەرەوەی حاکمی داگیرکاری فەرەنسایان کرد لە وڵاتەکەیاندا

رۆژنامە فارسییەکان

جمهووری ئیسلامی

• هەژدە ملیۆن کەس لە ئێران بەهۆی کەمئاویی ژیانیان دەکەوێتە مەترسییەوە و گەورەترین قەیرانی ساڵانی داهاتووی وڵاتەکە ئاوە
• بەنێوبژیوانیی پاشای عومان گفتوگۆکانی ئێران و ئەمریکا لەبارەى رێککەوتنی ئەتۆمى دەستپێدەکاتەوە
• چین دەڵێت، ئەمریکا هێڵی سووری تێپەڕاندووە و ئەمە لێکەوتەی مەرگهێنەری دەبێت

شەهروەند

• ئەڕبەعینی ئەمساڵ تەواو جیاواز بوو، سێ ملیۆن و 350 هەزار زیارەتکار لە سنوورەکانی ئێرانەوە بەرەو کەربەلا رۆیشتوون
• کۆشکی سپی ئامادەی لێپرسینەوە لە سەرۆکۆماری ئەم وڵاتە دەبێت
• ئەمریکا یۆرانیۆم دەداتە ئۆکراین و هەوڵی بەهێزکردنی توانا سەربازییەکانی وڵاتەکە دەدات

قودس

• هاکان فیدان وەزیرى دەرەوەى تورکیا دەگاتە تاران و تەوەری دانیشتنەکانی لەگەڵ بەرپرسانی ئێران ئاسایشی ناوچەکە دەبێت
• بە ئامادەبوونی سەرۆکوەزیرانی عێراق دروستکردنى رێگای ئاسنینی شەڵەمچە بۆ بەسرە کەوتە بواری جێبەجێکردنەوە
• زایونیزمەکان گەیشتوونە کۆتایی و لە کەڵک کەوتوون

شەرق

• کودەتاکانی ئەفریقیا سەنگى فەرانسایان لە هاوکێشە سیاسییەکاندا دابەزاندووە
• سودانی: رێگای ئاسنینی شەڵەمچە بۆ بەسڕە دەبێتە هۆی بەهێزبوونی عێراق و دۆخی ئەمن و ئاسایشی ناوچەکە سەقامگیر دەکات
• رووسیا روو لە شکانە و دەستی گفتوگۆ بەرەو ئۆکراین درێژ دەکات