رۆژنامە عەرەبییەکان

سەباح

• تووشبوون بە تاى خوێنبەربوون گەیشتە 501 حاڵەت و 63 گیانلەدەستدان
• 100 ملیار دینار بەسەر کەسوکارى قوربانییانى تیرۆر دابەشدەکرێت
• عەتەبەى حسێنى ژیریی دەستکرد لە رێوڕەسمەکانى چلەى “ئیمام حسێن” بەرکاردەهێنێت

شەرقولئەوسەت

• بەرپرسێکى نووسینگەى راوێژکارى ئاسایشى نیشتمانیی عێراق: مانگى داهاتوو رێککەوتنى نێوان بەغداد و تاران دەکەوێتە بوارى جێبەجێکردنەوە و پرۆسەکە بە لەناوبردنى بنکە و بارەگاى حزبە کوردییەکان لە هەرێم کۆتایی دێت
• وەزارەتى حەج و عومرەى سعودییە: هاتنى عومرەکاران بە رێژەیەکى زۆر زیادیکردووە
• بورهان بۆ حمێدتى: نەخێر بۆ رێککەوتن لەگەڵ خیانەتکاران

عەرەب

• لەبارەى رێککەوتنەکەى بەغداد و تاران بۆ چەککردنى حزبە کوردییەکان رۆژهەڵات پارتى بێدەنگى هەڵبژاردووە و یەکێتی-ش رەتیدەکاتەوە ئاگاى لە رێککەوتنەکە بێت
• بورهان پێشنیازێکى حمێدتى بۆ دامەزراندنى وڵاتێکى تازەى سودان رەتدەکاتەوە
• پێکادان لەنێوان هۆزە عەرەبییەکانى سووریا و هێزەکانى سووریاى دیموکرات (هەسەدە) روویدا

قودسى عەرەبى

• ئێران جەختدەکاتەوە کە عێراق پابەندە بە دەرکردنى ئۆپۆزسیۆنەکانى لە کوردستان
• پارتى دیموکراتى کوردستان لایەنى حزبى تۆمەتباردەکات بە دروستکردنى ئاڵۆزیی لە کەرکوک
• هێزەکانى رژێمى سووریا دەستڕێژى گولـلە لە کۆمەڵێک دەکەن کە هەوڵیاندا وێنەى ئەسەد لە سوەیدا بهێننە خوارەوە

رۆژنامە ئینگلیزییەکان

تایمز

• بەگوێرەى راپرسییەک لە بەریتانیا پارتی کرێکاران لە پارتی پارێزگاران زیاتر جێگای متمانەیە لەبارەی چارەسەرکردنی کێشەکانی باج، کۆچبەران و یاسا
• دوای تێکچوونی سیستمی کۆنترۆڵی هاتوچۆی گەشتە ئاسمانییەکانی بەریتانیا هەزاران کەس لە فڕۆکەخانەکان گیریانخواردووە، بەشێوەیەک لە 10 ساڵی رابردوودا هاوشێوەی نەبووە
• ئەگەری جەڵتەی دڵ لەنێو پیاوانی بەریتانیا دوو هێندە لە ژنانی وڵاتە زیاترە، بەهۆیەوە داوادەکرێت شێوازى ژیانیان کۆنترۆڵ بکەن

چاینە دەیلی

• سەردانەکەی وەزیری بازرگانی ئەمریکا بۆ پەکین هۆکارێکە بۆ نیازپاکی و بەرەوپێشبردنی گفتوگۆکانی نێوان چین و ئەمریکا لەداهاتوودا
• وەزارەتی دەرەوەی چین پرۆژەیاسایەک ئامادە دەکات بۆ پاراستنی سەروەریی خاکی وڵاتەکەی
• لێکۆڵینەوە لەگەڵ پێنج بەرپرسى پارتی کۆمۆنیستی چینی دەکرێت، هۆکارەکەى دزەپێکردنى دیسیپلینەکانی پارتەکەیە

واشنتن پۆست

• ساڵی تازەى خوێندن لە قوتابخانەکانی ئەمریکا دەستیپێکرد
• رۆژى 4ـی ئازاری ساڵی داهاتوو، بۆ دادگاییکردنێکی دیکەی ترەمپ دیاریکرا
• سەرەڕای گۆمانەکان لەسەر گیانلەدەستدانى پریگۆژین، پوتین داوای لێدەکرێت رێوڕەسمی سەربازیی بۆ بەخاکسپاردنەکەی ئەنجامبدات

عەرەب نیوز

• خۆپیشاندانەکانی شاری سوەیدای باشوری سوریا لە بارەگای حزبەکەی بەشار ئەسەد نزیکدەبێتەوە
• دوو کارمەندی تیمە فریاگوزارییە بیانییەکان لە ناوەڕاستی یەمەندا رفێندران
• گروپەکانی مافی مرۆڤ و 46 پەرلەمانتاری لوبنان داوای رونکردنەوە لە چارەنوسی ئەوکەسانە دەکەن کە لە سوریا دەستبەسەرن

رۆژنامە فارسییەکان

جمهوری ئیسلامی

• وەزیری دەرەوەی لیبیا لەترسی خەڵکی وڵاتەکەی هەڵات، دوای ئەوەی لەگەڵ وەزیری دەرەوەی ئیسراییل‌ کۆبووەوە و وڵاتەکەى کارەکانى هەڵپەسارد
• فەرەنسا رەزامەندى دەربڕى گفتوگۆ لەبارەى پرسی رێککەوتنی ئەتۆمیی ئێران بکرێت و ماکرۆن دەڵێت، بەو رێگەیە باشتر دەتوانین چاودێریی بەرنامەی ئەتۆمى ئێران بکەین
• وەزیری دەرەوەی ئێران دەڵێت، پارەی بلۆکەکراومان لە هیچ وڵاتێک نەماوە

ئەبرار

• رۆژئاواییەکان خوازیاری پەیوەندى زیاترن لەگەڵ چیندا، ئێران ئەمە بە دەسکەوتێکی خۆی بۆ چین دەزانێت
• 27 کۆمپانیای چینی گەمارۆکانی ئەمریکایان لەسەر لابرا و وەزارەتی بازرگانی ئەمریکا رایگەیاند، کۆمپانیاکان بەتۆمەتی هاوکاریکردنی روسیا و ئێران گەمارۆیان خرابووە سەر
• کارمەندێکی پێشووی کونسوڵخانەی ئەمریکا لە روسیا بەتۆمەتی سیخۆڕی دەستبەسەرکرا

قودس

• دوو میلیون و 700 هەزار کەس لە ئێرانەوە بۆ بەشداری لە رێورەسمی تایبەتی شیعەکان (ئەربەعین) لە رێگای سنوورە فەرمییەکانەوە گەیشتوونەتە عێراق
• سعودییە ئەرکی پاراستنی کەشتییە بارهەڵگرەکانی ئەمریکای لە کەنداو گرتە ئەستۆ
• فەرەنسا باڵاپۆشی عەرەبی لە قوتابیانی موسڵمان قەدەغە کرد

کەیهان

• پەیامی زێلێنسکی بۆ خەڵکی ئۆکران: شەڕ درێژە دەکێشێت، وەک ئیسراییلییەکان خۆتان بۆ ژیان لە شەڕدا ئامادە بکەن
• ئەمریکا سەدان کەس لە بەندکراوانی داعشی لە حەسەکە “بەرەڵا” کرد
• موشەک و درۆنەکانی ئێران هاوسەنگیی هێزیان لە ناوچەکە گۆڕیوە