حکومەتی ناوەند و حکومەتی کوردستان هەماهەنگی بۆ پڕکردنەوەی بۆشایی ئەمنی لە سنورەکان دەکەن

رۆژنامە عەرەبییەکان

سەباح

• ژمارەی دارخورماکان لە عێراق دەگەنە 25 ملیۆن
• حکومەتی ناوەند و حکومەتی کوردستان هەماهەنگی دەکەن بۆ پڕکردنەوەی بۆشایی ئەمنی لە سنورەکان
• پەرلەمانی عێراق: پرۆژەیاسای خوێندنی تایبەت بە کاری زانکۆ ئەهلیەکان رێکدەخات

شەرقولئەوسەت

• کورد پشتگیری لە خۆپیشاندانەکانی باشوری سوریا دەکات
• ناکۆکی لەسەر ناوەڕۆکی پرۆژەیاسای نەوت و گاز، دانوستانەکان دوا دەخات
• ترەمپ لە رێگای زیندانەوە چووە نێو مێژوو

عەرەب

• سەرەڕای فشاری رۆژئاوا، رێرەوی یەکخستنی پێشمەرگە ناڕوونە
• رژێمی سوریا ترسی هەیە خۆپیشاندانەکانی سوەیدا پەلبکێشێت بۆ ناوچەکانی دیکەى ژێر دەسەڵاتی
• رۆیشتنی پریگۆژین دۆخی ڤاگنەر ئاڵۆز دەکات، بەڵام کۆتایی پێناهێنێت

قودسی عەرەبی

• کورد داوا دەکات کەسوکارى قوربانیانی ئەنفال قەرەبوو بکرێنەوە
• رێکخراوەکانی کۆمەڵگەی مەدەنی دەستیانکردووە بە کۆکردنەوەی داتای ونبووەکان لە عێراق
• ئەفسەرێکی عێراقی هەڵهاتوو بە 15 ساڵ زیندانی سزادراوە بە تۆمەتی گەندەڵی

رۆژنامە ئینگلیزییەکان

دەیلی تەلەگراف

• سەرەڕای ئەوەی حوکمی زیندانی هەتاهەتایی بۆ پەرستارە بکوژەکەی بەریتانیا دەرچووە، دوو خێزانی دیکەش سکاڵای مردنی کۆرپەکانیان لەسەر پەرستارەکە تۆماردەکەن
• دوای ئەوەی نەیتوانی بکەری دزینی 1500 پارچەی مۆزەخانەکەی ئاشکرا بکات، بەڕێوەبەری مۆزەخانەی بەریتانیا شەوی رابردوو دەستیلەکارکێشایەوە
• بەگوێرەى لێکۆڵینەوەیەک ئەو دەرمانانەی خەڵک بۆ دابەزاندنی کێشیان لە بەریتانیا هەفتانە بەکاریدەهێنن، کاریگەریی لەسەر چارەسەرکردنی نەخۆشیی وەستانی دڵ هەیە

چاینە دەیلی

• سەرۆکی چین داوا دەکات وڵاتانی ئەفریقا و وڵاتەکەی خۆی دەست لەنێو دەستبن بۆ ئەوەی خەونی گەشەسەندن و مۆدێرنیزەکردنی وڵاتەکانیان بهێننەدی
• سەردانەکەی وەزیری بازرگانیی ئەمریکا بۆ چین دەبێتە هۆی سەقامگیری پەیوەندییە ئابوریی و بازرگانییەکانی نێوان ئەو دوو وڵاتە
• ئەمریکا لە مانگی ئەیلولدا میوانداریی فڕۆکەوانانی ئۆکراین دەکات بۆ مەشقپێکردنیان لەسەر فڕۆکەی ئێف 16

واشنتن پۆست

• دوای تێکشکانی فڕۆکەکەی یەڤگێنی پریگۆژین، گروپی ڤاگنەر روبەڕووی شەڕی دەسەڵات و هێز بووەتەوە
• گۆڕاوێکی تازەى ڤایرۆسی کۆرۆنا لە ئەمریکا بەرپرسان نیگەران دەکات، چونکە ئەگەری هەیە بەشێوەیەکی بەرفراوان بڵاوببێتەوە
• دوای کەمکردنەوەی پێدانی هاوکارییەکانی حکومەت و بەرزبوونەوەی نرخی سوتەمەنی، هاوڵاتییانی باشوری سوریا دووبارە رژانەوە سەرشەقامەکان

عەرەب نیوز

• بەهۆی دووبارە سەرهەڵدانەوەی خۆپیشاندانەکان لە شاری دروزی سوریا، مەترسی لەسەر دەسەڵاتی ئەسەد دروستدەبێتەوە
• بۆیەکەمجار لەدوای سەرهەڵدانی شەڕ لە مانگی نیسانەوە، سەرۆکی سوپای وڵاتەکە لە پایتەخت هاتەدەرەوە و سەدانی سەربازەکانی کرد
• دانیمارک پلانی دەرکردنی یاسایەکی هەیە کە لەمەودوا رێگریی لە سوتاندنی قورئان بکات

رۆژنامە فارسییەکان

قودس

• ئێران دەچێتە ریزی بەرەی هاوپێوەندی دژبە دۆلار
• ئەمریکا قەت رۆژهەڵاتی ناوەڕاست بەجێناهێڵێت و لێیناچێتەدەر
• دۆناڵد تڕەمپ وەک یەکەم سەرۆکی دەستبەسەرکراوی ئەمریکا، نێوی تۆماری کرا

کەیهان

• پەیوەستبوونی ئێران بە بریکس بە واتای دەرچوونی لە گەمارۆکانی ئەمریکایە
• تێکهەڵچوونەکان لە زاهیدان کوژراو و برینداربوونی هێزەکانی حکومەتی لێکەوتەوە
• دۆناڵد ترەمپ دەڵێت، پێش لە هەڵبژاردنەکانی 2024 جۆ بایدن دەمرێت و منیش کۆڵ نادەم

جمهوری ئیسلامی

• وتووێژ بۆ لابردنی گەمارۆکان درێژەی هەیە و پارە راگیراوەکانی ئێران لە عیراق ئازاد کران
• رۆژانە لە ئێران شەش هەزار ملیار تومەن پارە چاپ دەکرێت کە 70%ـی دەچێتە گیرفانی کەمتر لە ١%ـی خەڵکی ئەو کۆمەڵگەیە
• گروپی بریکس پێداگری لەسەر پاراستنی رێککەوتنی ئەتۆمی ئێران و ئاسایشی ناوچەکە کرد

هەمشەهری

• بەهۆی بریکسەوە چیدیکە ئێران بۆ پێوەندیی دیپلۆماسی ناپارێتەوە
• 90%ـى وڵاتان بانگهێشنامەی ئیسراییلیان بۆ بەشداری لە ساڵڕۆژی دامەزراندنی ئەم وڵاتە رەتکردووەتەوە
• سەرۆکی رووسیا لە کۆبوونەوەی بریکس لە دەستەواژەی “کەنداوی فارس” بەجێی کەنداوی عەرەبی کەڵکی وەرگرت