رۆژنامە عەرەبییەکان

سەباح

• کورتهێنانی بودجە وا لە حکومەت دەکات فایلی قەرزی کۆمپانیاکان بکاتەوە
• دەستەی دەستپاکی گڵۆپی سوری هەڵکرد بۆ هەموو تێوەگلاوانی دزی سەدە
• مۆلیدە ئەهلییەکان بوونەتە تاکە پەناگەی هاوڵاتیان لەم هاوینەدا

شەرقولئەوسەت

• بەغداد داوا لە واشنتن و لەندەن دەکات سێ تۆمەتباری دزی سەدەی رادەست بکەنەوە
• هۆکاری سیاسی هەیە لە پشت داخستنی تێلیگرامەوە لە عێراق
• وەزارەتی ناوخۆی بەریتانیا “سوپای پاسدارانی ئێران” بە گەورەترین هەڕەشە دەبینێت بۆ سەر وڵاتەکەی

قودسی عەرەبی

• ژمارەیەک پەرلەمانتار واشنتن بەوە تۆمەتبار دەکەن کە لە پشت هێرشکردنە سەر بورجەکانی کارەبایە
• یونسێف هۆشداریدەدات لە کەمبوونەوە و پیسبوونی ئاوی عێراق
• سودانی رەتیدەکاتەوە تەنازول بکات لە هیچ خاکێکی عێراق بۆ کوەیت

عەرەب

• هێزە لایەنگرەکانی ئێران لە عێراق پرسی سنوری وشکانی لەگەڵ کوەیت دەوروژێنن
• کێبڕکێ بۆ گفتوگۆی ئاشتی لە سودان بووەتە هۆی ئەوەی گفتوگۆکان بێئەنجام بن
• منداڵان و تازە لەدایکبووان زیاتر مەترسی وشکبوونەوە و کاریگەرییەکانی گەرمایان لەسەرە

رۆژنامە ئینگلیزییەکان

دەیلی تەلەگراف

• بەریتانیا سزای ئەو خاوەنکارانەی کە کۆچبەری نایاسایی بۆ کارەکانیان بەکرێدەگرن بەرزکردەوە بۆ 60 هەزار پاوەن بۆ هەر کارمەندێک، ئەمەش سێ هێندەی سزای پێشووە
• کیم جۆنگ ئونی سەرۆکی کۆریای باکور لە وێنەیەکدا کە دەرکەوتووە چەک دەتەقێنێت، دەڵێت ئامادەم بۆ شەڕکردن
• ئۆکراین بە موشەکی ستۆرم شادۆو هێرش دەکاتە سەر پردە گرنگەکانی کریمیای ژێر دەسەڵاتی روسیا

ژاپۆن تایمز

• شاری ‌هێرۆشیما یادی 78 ساڵەی رووداوی بۆمبە ئەتۆمییەکەی کردەوە کە لەلایەن ئەمریکاوە هێرشی کرابووەسەر
• بەشداریی چین لە گفتوگۆی سعودیە بۆ ئاشتەوایی لە ئۆکراین ئاماژەیەکە بۆ گۆڕانی هەڵوێستی وڵاتەکە، بەڵام لە پێدانی چەک بە روسیا پاشگەز نەبووەتەوە
• سەرەڕای نیگەرانی ماسیگر و وڵاتانی دراوسێ، ژاپۆن بەنیازە لە کۆتایی مانگی ئابدا دەست بکات بە بەردانەوەی ئاوی پاشماوەی وێستگە ئەتۆمییەکانی بۆ نێو دەریای ژاپۆن

واشنتن پۆست

• بەهۆی گرژییەکانی نێوانیان، ئەمساڵ هەناردەی کاڵا چینییەکان لەلایەن ئەمریکاوە 24% دابەزیوە بە بەراورد بە ساڵی پار
• ئەوروپا لە هەنگاوەکانی بۆ چارەسەری پرسی بەرزبوونەوە پلەکانی گەرمای گۆی زەوی پاشەکشە دەکات
• بەهۆی زۆری مینەوە لە بەرەکانی جەنگ، بەشێک لە سوپای ئۆکراین لە رێگەی درۆنی ئاسمانییەوە هێرشەکانی بۆسەر سوپای روسیا ئەنجامدەدات

عەرەب نیوز

• واشنتن هێرشی ئیسرائیلییەکی هاوردە بۆ سەر هاوڵاتییەکی فەلەستینی و کوشتنی بە کارێکی تیرۆریستی وەسفدەکات و ئیدانەی دەکات
• بەپێچەوانەی دانیمارک، سعودیە لە لوتکەی جەددە لایەنگیری هیچ لایەنێکی نەکرد و سەرەڕای گوێگرتن لە مۆسکۆ، توانی چینیش بهێنێتە سەر مێزی گفتوگۆ
• شارەزایانی پاکستان لە تۆمەتبارکردن و دەستگیرکردنی ئیمران خانی سەرۆکوەزیرانی پێشووی وڵاتەکەیان نیگەرانن