رۆژنامە عەرەبییەکان

سەباح

• چاودێران گومان دەکەن هەڵبژاردنەکانی هەرێم لە وادەى دیاریکراوی خۆیدا بەڕێوەبچێت
• لەم هەفتەیەدا رێنماییەکانى جێبەجێکردنی بودجە بڵاودەکرێتەوە
• عێراق ئینتەرنێتی بێبەرامبەر بۆ “مەزارگە پیرۆزەکان” دابین دەکات

شەرقولئەوسەت

• لایەنە عێراقییەکان لە دەرگای جیاوازەوە دەچنە نێو هەڵبژاردنەکانی ئەنجومەنی پارێزگاکان
• عێراق بەدوای ئەو کەسانەوەیە کە هێرشیان کردبووە سەر بورجەکانی کارەبا
• ئاگری دارستانەکانی ئێران گەیشتووەتە دەوروبەری زیندانی “ئەوین”

عەرەب

• هەڵبژاردنەکانی کوردستان.. کۆتایی ململانێیەک و دەستپێکردنى یەکێکى دیکەیە
• کریستییانەکانى موسڵ هاتنە دەنگ بەرامبەر هەڵمەتی بە شیعەکردنی پارێزگاکە
• ژیریی دەستکرد خاوەن پیشە بەهرەییەکان دەنێرێت بۆ نۆرینگە دەروونییەکان

زەمان

• جەنگی بورجی کارەبا لە عێراق توند دەبێتەوە
• دیدارێکی سیاسی، پارتی و ئیدارەی دەوڵەت لە بەغداد کۆدەکاتەوە
• نەبوونی یاسای پاراستنی منداڵ، عێراق دووچاری سزای نێودەوڵەتی دەکاتەوە

رۆژنامە ئینگلیزییەکان

سەندەی تەلەگراف

• وەزیرانی بەریتانیا هۆشداری دەدەن چین ئۆتۆمبێلی کارەبایی بەکاربهێنێت بۆ جاسوسیکردن و کۆکردنەوەی زانیاریی لە وڵاتەکەیاندا
• جێگری سەرۆکوەزیرانی بەریتانیا دەڵێت، دەبێت رەخنەکانی سەر سیاسەتی وڵاتەکەی بۆ نیشتەجێکردنی کۆچبەران لەسەر کەشتی لەکارکەوتوو بوەستێنرێت
• سوپا کودەتاچییەکەی نەیجەر بەرلەوەی کۆتا مۆڵەتی خۆبەدەستەوەدانیان تەواوبێت، داوای یارمەتی لە گروپی ڤاگنەری روسیی دەکەن

چاینە دەیلی

• چین چەندین رێکاری تازە بۆ بوژاندنەوە و بەهێزکردنی ئابوری وڵاتەکەی لە چارەکی سێیەمی ئەمساڵدا دەگرێتەبەر
• باخچەیەکی ئاژەڵانی هەرێمی شیجیانگی چین ئەو دەنگۆیانە رەتدەکاتەوە کە بەشێک لە ورچەکانی مرۆڤ بن و بەرگی ورچیان پۆشیبێت
• دوای ئەوەی دەگوترێت ئیتاڵیا لە پرۆژەی رێگای ئاوریشمی چین دەکشێتەوە، پەکین هۆشداریی دەدات لەوەی پرۆژەکە بۆ وروژاندن بەکاربهێنرێت و بە سیاسیی بکرێت

واشنتن پۆست

• بەهۆی تۆمەتەکانی سەر دۆناڵد ترەمپی سەرۆکی پێشووی ئەمریکا، وڵاتەکە زیاتر بەرەو دابەشبوون رۆیشتووە
• لەگەڵ ئەوەی کۆمپانیا وەبەرهێنەرەکانی جیهان پەنادەبەنە بەر زیرەکی دەستکرد، مەترسیی پاشەکشەی ئابووری لەو کەرتەدا سەرهەڵدەدات
• سەرەڕای چاکسازییەکانی ژیانی کرێکاران، کارکردن لە کانەکانی کۆنگۆ بۆ دەرهێنانی کانزاکانی ئۆتۆمبێلی کارەبایی، ژیانی کرێکارەکانی خستووەتە مەترسییەوە

عەرەب نیوز

• دوای ئەوەی سەرۆکوەزیرانی پێشووی پاکستان بە سێ ساڵ زیندانی سزادرا، دوێنێ دەستگیرکرا و بەرەو بەندیخانەی شاری لاهور گوازرایەوە
• بەرپرسانی نەتەوەیەکگرتووەکان دەڵێن، شەڕ سودانی خستووەتە نێو کارەساتێکی مرۆییەوە
• ئیسرائیلییەکان دژی چاکسازییەکانی کەرتی دادوەریی وڵاتەکەیان دەڕژێنەوە سەر شەقامەکان