رۆژنامە عەرەبییەکان

سەباح

• دوای 50 رۆژ لە پەسەندکردنی، هێشتا بودجە هیچ رێنماییەکی بۆ دەرنەکراوە، رەخنەکان بەرەو وەزارەتی دارایی دەچن
• سبەینێ سێشەممە شەپۆلێکی گەرمای تازە دەستپێدەکات و پلەکانی گەرما 50 تێدەپەڕێنن
• 440 خێزانی دیکەی ئاوارە هەرێمی کوردستانیان بەجێهێشت

شەرقئەوسەت

• عێراق و کوەیت لیژنەیەکیان بۆ کێشانەوەی نەخشەی ئاوی نێوانیان پێکهێنا
• شەڕی تیرۆرکردن لەنێوان ئیسلامییەکان و عیلمانییەکانی ئاوارەی فەلەستین لە لوبنان روویدا
• بەرپرسانی ئێران کۆمپانیایەکی بیمەکردنیان داخست بەهۆی پابەندنەبوونی کارمەندەکانی بە پۆشینی حیجاب

قودسی عەرەبی

• فەرمانبەرانی سلێمانی داوا دەکەن مووچەکانیان بخرێتەسەر بەغداد
• نزیکەی 80%ی نەخۆشخانەکانی سودان لەکارکەوتوون و نیوەی کارگەکانی دەرمانیش تاڵانکراون
• پاپای ڤاتیکان داوا لە روسیا دەکات بگەڕێتەوە بۆ رێککەوتنی هەناردەی گەنمی ئۆکراین

عەرەبی ئەلجەدید

• کابوسی کارەبا واز لە وڵاتانی عەرەبی ناهێنێت و حکومەتەکانیش دەستەوەستاون
• رووداوی سوتاندنی قورئان هەوڵەکانی بەئەندامبوونی سوید لە ناتۆ ئاڵۆز دەکات
• لە پاکستان گەورەترین کۆمەڵکوژی دژی ئیسلامییەکانی بەرهەڵستکاری تاڵیبان ئەنجامدرا

رۆژنامە ئینگلیزییەکان

تایمز

• وەزیرانى بەریتانیا روبەڕوى پاشەکشە دەبنەوە لە پلانى نیشتەجێکردنى کۆچبەران لەنێو کەشتییەکانى کەناراوییەکانى وڵاتەکە، بەهۆى مەترسی ئاگرکەوتنەوە لەنێو کەشتییەکان
• بەگوێرەى راپرسییەک، ئەو کەسانەى دایک و باوکیان بڕوانامەیان نییە داهاتیان لەو کەسانە زیاترە کە دایک و باوکیان بڕوانامەیان هەیە
• ریشی سوناک، سەرۆکوەزیرانى بەریتانیا گڵۆپى سەوزى بۆ دەرهێنانى نەوتى زیاتر لە دەریاى وڵاتەکە هەڵکردووە

ژاپۆن تایمز

• بەتەمەنەکانى ژاپۆن روبەڕوى سەختى پلەکانى گەرما دەبنەوە و کاریگەری زیاتریان لەسەر دادەنێت
• بەگوێرەى توێژینەوەیەک، تێکڕایی تەمەنى ژاپۆنییەکان بۆ دووەم ساڵ روو لە دابەزینە؛ بۆ پیاوان 81 ساڵ و بۆ ژنان 87 ساڵە، کۆرۆنا هۆکارە سەرەکییەکەیە
• مانگى داهاتوو ئەمریکا، لەگەڵ ژاپۆن و کۆریای باشور لوتکەیەکى سێ قۆڵى دەبەستێت، پرسی سەرەکییان هەڕەشە و مەترسییەکانى کۆریای باشورە

واشنتن پۆست

• بەهۆى زۆربوونى وەبەرهێنان لە پرۆژەکانى ئەمریکا، ئابورى وڵاتەکە بەرەوپێشەوە دەڕوات
• هەنگاوەکانى ئەمریکا لە دوو دەیەى رابردوودا بۆ چارەسەرى نەخۆشى ئایدز و ڤایرۆسى HIV پەکیان کەوتووە، بەهۆى ململانێی سیاسی لەسەر پرسی لەباربردنى منداڵ
• ئۆکراینییەکان پەیوەندییەکانیان لەگەڵ زمانى روسیدا لەسەر سنورى وڵاتەکەیان دەپچڕێنن و روو لە زمانى ئۆکراینى دەکەن، ئەمەش پێچەوانەى ئەو ئاراستەیە پوتین بیانوى بۆ دەهێنایەوە بۆ داگیرکردنى ئۆکراین

عەرەب نیوز

• لە روبەڕوبوونەوەیەکى چەکداریدا لە قەرەباڵغترین کەمپی فەلەستینییەکان لە لوبنان پێنج کەس کوژران و حەوت کەسى دیکە برینداربوون
• ژمارەى گەشتە ئاسمانییەکانى هێڵى فڕۆکەوانى سعودیە بۆ 305 هەزار گەشت لە نیوەى یەکەمى ئەمساڵدا بەرزبووەتەوە، کە 27% بەراورد بە ساڵى رابردوو زیاترە
• بەرزبوونەوەى پلەکانى گەرما لەمساڵدا لە ئەمریکا ئازارەکانى خەڵکە هەژارەکەى وڵاتەکەى دەرخستووە، کە دەستیان ناگات بە فێنککەرەوە