رۆژنامە عەرەبییەکان

سەباح

• لە غازى بەفیڕۆچووى کێڵگە نەوتییەکانی عێراق دەتوانرێت 13 هەزار مێگاوات کارەبا بەرهەمبهێنرێت و 10 ملیۆن ماڵ رووناک بکرێتەوە
• لە رۆژى دەنگدانى هەڵبژاردنى ئەنجومەنى پارێزگاکانى عێراق پشووى فەرمى دەبێت و قەدەغەى هاتوچۆ رادەگەیەنرێت
• ئەو کەسانەى تواناى کارکردنیان هەیە لە تۆڕى چاودێریی کۆمەڵایەتى دووردەخرێنەوە

شەرقولئەوسەت

• هەڵبژاردنى سەرۆککۆمارى لوبنان بۆ ئەیلولى داهاتوو دواخرا
• ئایا چین رۆڵى هەیە لە دەستپێکردنەوەى پەیوەندییەکانى نێوان میسر و ئێران؟
• برسێتى ملیۆنان سودانى دەربەدەر دەکات

قودسى عەرەبى

• نەتەوەیەکگرتووەکان: دانیشتووانى عێراق بەراورد بە وڵاتانى دراوسێ خێراتر زیاد دەکات
• کارەبا و نان.. ئەو دوو قەیرانەى کە لە کۆتایی ماوەى دووەمى سیسیدا میسرییەکانى گیرۆدە کردووە
• لە کاتى راهێناندا فڕۆکەیەکى سعودى کەوتەخوارەوە و دوو فڕۆکەوانەکەى گیانیان لەدەستدا

عەرەبى جەدید

• مەخمور.. پەلکێشانێکى نوێى پەکەکە لە باکوورى عێراق
• پسپۆڕانى تەندروستى هۆشداریی دەدەن “تاى خوێنبەربوون” ببێتە پەتایەک هاوشێوەی کۆرۆنا لەکاتێکدا چارەسەرێکى تایبەت بەخۆى نییە
• ئێران ئامادەیە بۆ هەماهەنگى لەگەڵ ئاژانسى جیهانى وزەى ئەتۆم

رۆژنامە ئینگلیزییەکان

گاردیان

• بەهۆی پشکنینی دی ئێن ئەیەوە پیاوێک لە بەریتانیا دوای 17 ساڵ زیندانی بێتاوان دەرچوو لەوەی دەستدرێژی کردبێتە سەر ژنێک
• سەربازانی وڵاتی نەیجەر لەسەر شاشەی تەلەفزیۆنی فەرمی وڵات کودەتا و لابردنی سەرۆکی وڵاتەکەیان راگەیاند
• ئۆکراین لە باشوری وڵات و دەوروبەری باخموت هەنگاوی تازە دەنێن بۆ کۆنترۆڵکردنەوەی ناوچەکانی ژێردەستی روسیا

ژاپۆن تایمز

• بۆیەکەمجار ژمارەی دانیشتووانی ژاپۆن لە هەر 47 پارێزگای وڵاتەکەدا کەمیکردووە و ژمارەی بیانییەکانیش زیادیکردووە
• کۆمپانیای نیسان بە بەهای 663 ملیۆن دۆلار وەبەرهێنان لە ئۆتۆمبێلی کارەبایی کۆمپانیای رینۆوڵت (رینۆ)دا دەکات
• کۆریای باکور شاندێکی چین و روسیا بۆ یادی 70 ساڵەی کۆتاییهاتنی شەڕی کۆریا بانگهێشت دەکات

واشنتن پۆست

• ئۆکراین بانگەشەی ئەوە دەکات هێزەکانیان لە ناوچەی زاپۆریژیا ‌لە ئۆپەراسیۆنی هێرشی پێچەوانەدا پێشڕەوییان کردووە
• بانکی ناوەندیی ئەمریکا رێژەی سوود بۆ بەرزترین ئاست بەرز دەکاتەوە لەماوەی 22 ساڵی رابردوودا
• بڕیارە ئەنتۆنی بلینکن وەزیری دەرەوەی ئەمریکا، وەک کێبڕکێیەک لەگەڵ چیندا، ئەم هەفتەیە لگەڵ وڵاتانی دورگەی زەریای هێمن کۆببێتەوە

عەرەب نیوز

• لە دوو راپرسی نوێدا دەرکەوتووە، ئەگەر ئێستا هەڵبژاردن لە ئیسرائیل ئەنجامبدرێت، ناتانیاهۆی سەرۆکوەزیرانی وڵاتەکە ژمارەی کورسییەکانی لە پەرلەمان بەشێوەیەکی بەرچاو کەمدەکات
• کەسایەتییە ئەکادیمییەکانی یەمەن لە دژی بڕیاری جیاکردنەوەی کچ و کوڕ لە زانکۆیەکی ژێردەسەڵاتی حوسیەکان، ناڕەزایەتیی دەردەبڕن
• پیاوێکی 66 ساڵی توشبووی زەهایمەر لە لوبنان بێ ئەوەی ئاگاداربێت لە خەودا ژنەکەی خۆی دەکوژێت