ئۆبزێرڤەر

• ریشی سوناک بەشداری کۆبوونەوەی لوتکەی لوتکەی کەشوهەوای COP27 نەکات و لە بەشداریکردنی بۆریس جۆنسۆنی سەرۆکوەزیرانی پێشووش توڕەیە.
• لە ساڵی رابردوودا هێندەى قەتەر پارەی لە بەخشینی خەڵات بە بەرپرسە باڵاکانی بەریتانیا بەخشیوە، بەهیچ وڵاتێکی دیکەی نەبەخشیوە.
• لە ئاهەنگێکی هاڵۆویندا لە سیئۆلی پایتەختی کۆریای باشور 151 کەس بەهۆی قەرەباڵغی و پاڵەپەستۆوە گیانیانلەدەستدا.

سەندەی تەلەگراف

• دوای بڕیارەکەی پوتین بۆ هەڵپەساردنی هەناردەکردنی دانەوێلە لە رێگەی ئۆکرایناوە، نرخی خۆراک بەشێوەیەکی بەرچاو بەرزبووەوە.
• شا چارڵز میوانییەک بۆ پاڵپشتی لە ژینگە و کەشوهەوا بۆ سەرکردەکانی جیهان لە کۆشکی بەکینگهام رێکدەخات.
• جۆ بایدن و کامالا هاریسی جێگری بۆ سەرخستنی کەمپەینەکەیان لە هەڵبژاردنی ناوەڕاستی خولی سەرۆکایەتیدا سەردانی پەنسلڤانیا دەکەن بۆ بردنەوە لە کۆمارییەکان.

میرەر

• دوای وەرگرتنی بەخشش لە لایەنە سودمەندەکانی بەرهەمهێنەری نەوت و وزەی ژێرزەوی، سوناک روبەڕوی گومان دەبێتەوە لە بەشدارینەکردنی لە لوتکەی کەشوهەوا.
• دوای ئەوەی روسیا هەڕەشەی لە بەکارهێنانی چەکی ئەتۆمی کرد لەسەر دەریای رەش، لیز ترس دوا رۆژەکانی سەرۆکوەزیرانی بەریتانیای بۆ گرنگیدان بە پرسی کەشوهەوا بەسەربرد.
• سەرۆکی هەواڵگری ئۆکراینا بانگەشەی ئەوەدەکات دەنگۆی گۆڕینی پوتین هەیە و ئەمەش وادەکات روسیا لە شەڕەکە سەرکەوتوو نەبێت.

سەندەی تایمز

• سوێلا براڤەرمان، وەزیری ناوخۆی بەریتانیا تۆمەتباردەکرێت بە پشتگوێخستنی ئەو هەواڵەی کە حکومەتی بەریتانیا بە نایاسایی هەزاران کۆچبەری دەستبەسەرکردووە.
• بڕیارەکەی ریشی سوناک بۆ پشتگوێخستنی لوتکەی کەشوهەوا، پارتی پارێزگاران دەخاتە ژێر پرسیاری ژینگەدۆستانەوە.
• لەدوای تەواوبوونی کۆنگرەی پارتی کۆمۆنیستی چینی، رەخنە لەوە دەگیرێت کە ژنانی چین بەرێژەیەکی زۆر کەم بەشدارییان لە کۆنگرەکەدا کردووە.