رۆژنامە عەرەبییەکان

سەباح

• 150 پرۆژەیاسا لەبەردەم پەرلەمانی عێراقدایە
• گەرمای بەسرە زیانی ئابووری لێکەوتووەتەوە
• دۆلار دووبارە بەرزبووەوە و هەڵئاوسانی نرخەکان لە بازاڕدا سەریهەڵدایەوە

شەرقولئەوسەت

• رێککەوتنی نەوتی عێراقی بەرامبەر گازی ئێرانی چووە بواری جێبەجێکردنەوە
• دوای قورئان، پۆلیسی سوید مۆڵەت دەدات بە سوتاندنی ئینجیل و تەورات
• زەوی بە هاوینێکی سوتێنەر سزامان دەدات

قودسی عەرەبی

• گازی ئێرانی سەقامگیری بۆ کارەبای عێراق گەڕاندەوە
• بەتۆمەتی زیادبوونی زۆری سامانەکەی، لێکۆڵینەوە لە باڵیۆزی عێراق لە ئەنقەرە دەکرێت
• روخاندنی مزگەوتێکی مێژوویی لە بەسرە بەمەبەستی فراوانکردنی رێگایەک، توڕەیی بەدوای خۆیدا هێنا لە عێراق

عەرەب

• ناکۆکی نێوان دوو جەمسەرەکەی دەسەڵات لە کوردستان هێورنابێتەوە
• سامانی باڵیۆزی عێراق لە تورکیا دوو ملیار دیناری تێپەڕاندووە و لەلایەن دادگای عێراقەوە بۆ لێپرسینەوە بانگهێشتکراوە
• بەخێوکەرانی ماسی لە بەسرە دەناڵێنن بەهۆی وشکبوونی رووبارەکان

رۆژنامە ئینگلیزییەکان

دەیلی تەلەگراف

• هەفتەی داهاتوو حکومەتی بەریتانیا قوتابخانەکان ئاگاداردەکاتەوە رێنمایی بۆ دایک و باوکی منداڵان بنێرن، کە پارێزگاریی لەو منداڵانە بکەن دەیانەوێت رەگەزەکانیان بگۆڕن
• بۆ سەرنجراکێشانی گەشتیارە دەوڵەمەندەکان بۆ لەندەن و هاندانیان بۆ خەرجکردنی پارەی کاش، کۆمپانیاکان داوا دەکەن حکومەت رێگایەک بۆ چارەسەری ئەو دۆخە بدۆزنەوە کە بەهۆی باجی سەر گەشتییارانەوە دروستبووە
• رۆژنامەی دەیلی مەیل بەنیازە رێکاری یاسایی لە دژی گوگڵ بگرێتەبەر بەهۆی ئەوەی بەبێ پرسی ئەو لەچاتی زیرەکی دەستکردەکەی سەدان هەزار راپۆرتی هەواڵی بەکارهێناوە

چاینە دەیلی

• پەکین هۆشداریی دەداتە ناتۆ کە خۆی بەدوور بگرێت لە دەستوەردانە نێو کاروبارەکانی رۆژهەڵاتی ئاسیا
• لەگەڵ بەرزبوونەوەی پلەکانی گەرما، چین لە هەوڵدایە ئاسایشی کارەبای پێویست بۆ هاوڵاتییانی وڵاتەکەی بپارێزێت
• ئابووری دیجیتاڵی چین لەماوەی حەوت ساڵی رابردوودا بەرەوپێشچوونێکی گرنگی بەخۆیەوە بینیوە و لەساڵی 2022دا بەهاکەی گەیشتووەتە نزیکی حەوت ترلیۆن دۆلار

واشنتن پۆست

• حکومەتەکەی بایدن لە قەرزی زیاتر لە 800 هەزار خوێندکار خۆشدەبێت کە بڕەکەی دەکاتە 39 ملیار دۆلار
• بەهۆی جێبەجێکردنی رێکارەکانی بایدن بۆ چارەسەری پرسی کۆچبەران، لەماوەی دوو مانگی رابردوودا ژمارەی هاتنی کۆچبەران بۆ ئەمریکا 70% کەمیکردووە
• ڤیدیۆیەکی وەزارەتی بەرگریی بێلاڕوس ئاشکرای دەکات کە هێزەکانی ڤاگنەر لەو وڵاتەن و راهێنان بە سەربازانی وڵاتەکە دەکەن

عەرەب نیوز

• شەڕ و پێکدادانەکان لە خەرتومی پایتەختی سودان بەردەوامە و ‌هێرشی ئاسمانی و تۆپباران لە سەنتەری شارەکەدا هەیە
• بەهۆی بەردەوامیی قەیرانە ئابورییەکەی لوبنان، شەقامەکانی بەیروتی پایتەخت بە پۆستەریی بانگەشەی شاخەوانی و گەشتەوە داپۆشراون
• چوارساڵ دوای ئەوەی شکستی هێنا، هیندستان بۆیەکەمجار کەشتییەکی ئاسمانی بەسەرکەوتوویی رەوانەی ئاسمان کرد و بەنیازە لەسەر رووی مانگ بنیشێتەوە