رۆژنامە عەرەبییەکان

سەباح

• پێشنیاری قەدەغەکردنی هاوڕەگەزخوازی دەگەرێتەوە نێو پەرلەمانی عێراق
• سلێمانی رێکارەکانی دژ بە پەتای خوێنبەربوون توند دەکاتەوە
• بە پێی توێژینەوەیەک، لە سەرەتای دروستبوونی گەردوون کات پێنج هێندە لە ئێستا خاوتر تێپەڕیوە

شەرقولئەوسەت

• حیزبی دیموکراتی کوردستانی ئێران، تاران تۆمەتبار دەکات بە کوشتنی دوو ئەندامی لە هەرێمی کوردستان
• حکومەتی عێراقی لێکۆڵینەوە دەکات لە دۆسیەی فراندنی ئیسرائیلیەک لە عێراق
• پێکهاتە و مەزهەب بوونەتە بەربەست لەبەردەم رێکارەکانی چاکسازی لە عێراق

قودسی عەرەبی

• لە عێراق بە بڕی 400 هەزار دۆلار گەندەڵی کراوە لە رێگەی گرێبەستی وەهمی بۆ کڕینی سەگی پۆلیسی
• ئەیاد عەلاوی خۆی ئامادە دەکات بۆ ئەوەی لە رێگەی هاوپەیمانێتی نوێوە بچێتە نێو هەڵبژاردنە ناوخۆییەکانی عێراق
• پلانێکی نهێنی بۆ بەستنەوەی رێگای وشکانی ئیمارات و سعودیە و ئوردن بە بەندەرەکانی ئیسرائیلەوە

عەرەب

• سودانی بەدوای پشتیوانانی حەلبوسیەوەیە بە دورخستنەوە و دەستگیرکردن بۆ رازیکردنی مالکی
• ئێران یاریە ئەلکترۆنیەکان پەرەپێدەدات بۆ بەرەنگاربوونەوەی نەیارەکانی
• حیزبوڵای عێراق بە ناراستەوخۆ ئەو تۆمەتانە رەتدەکاتەوە کە ئەوان توێژەرە ئیسرائیلیەکەیان فڕاندبێت لە عێراق

رۆژنامە ئینگلیزییەکان

دەیلی تەلەگراف

• حکومەتی بەریتانیا دەڵێت، پێویستە خێزانە دەوڵەمەندەکان باجی زیاتر بدەن بۆ ئەوەی بتوانن سەیری کەناڵی بی بی سی بکەن
• ئەمریکا بیر لەوەدەکاتەوە پشتیوانی پلانەکانی بەریتانیا بکات بۆ بەئەندامکردنی ئۆکراین لە هاوپەیمانێتی ناتۆ
• بەریتانیا یەکەم کەمپی وڵاتەکەی بۆ کۆچبەران دەکاتەوە کە هۆڵی وەرزشی تێدایە و هەر کۆچبەرێکی تازە مۆبایلێکی پێ دەدرێت

واشنتن پۆست

• کیێڤ فشارەکانی بۆ بوون بە ئەندام لە هاوپەیمانێتی نێودەوڵەتی ناتۆ زیاددەکات
• ئابوری ئەمریکا لە مانگی رابردوودا 209 هەزار هەلی کاری رەخساندووە، بەڵام ئەو ژمارەیە لەساڵی 2020ەوە کەمترین هەلی کار بووە لە وڵاتەکەدا
• بۆیەکەمجار لەدوای راگەیاندن و خستنەکاری چاتی زیرەکی دەستکردی GPT ژمارەی بەکارهێنەرانی رووی لە دابەزین کرد

چاینە دەیلی

• چین لەبارەی پیسبوونی ئاوی زەریاکان بە پاشماوەی وێستگە ئەتۆمییەکانی ژاپۆن جەخت لە سەلامەتی ئاسایشی خۆراک لەو ناوچەیەدا دەکاتەوە
• لە سەردانی جانێت یاڵنی وەزیری خەزێنەی ئەمریکا بۆ چین، سەرۆکوەزیرانی وڵاتەکە داوادەکات پەیوەندییەکانی نێوان ئەمریکا و چین ئاسایی بکرێنەوە
• گەمبوونی کەشوهەوای جیهان بە هۆکاری سەرەکی بەرزبوونەوەی پلەکانی گەرمای چین بۆ سەروی 40 پلەی سلیزی دادەنرێت

عەرەب نیوز

• بایدن بەنیازە بۆ بەردەوامبوونى شەڕی روسیا، ئۆکراین بە بۆمبی قەدەغەکراوی هێشوویی چەکدار بکات
• لە ‌هێرشێکی تازەى ئیسرائیل بۆسەر شاری نابلوس لە فەلەستین، دوو چەکداری فەلەستینی کوژران
• حکومەتی عێراق دۆسیەی لێکۆڵینەوەی لەبارەی رفاندنی ئەو کچە ئەکادیمییە ئیسرائیلی-روسییە کردەوە کە ماوەی سێ مانگە لەو وڵاتەدا بێسەروشوێنە

رۆژنامە تورکییەکان

ئاکشام

• موچەی خانەنشینان لە تورکیا 25% زیادکرا
• وەزیری پێشووی دەرەوەی سوید: پەکەکە لە سوید هاوکاری دارایی کۆدەکاتەوە
• ئەردۆغان: ئۆکراین مافی خۆیەتى ببێتە ئەندامی ناتۆ

سوزجو

• نرخی دەیان خواردەمەنی و کەلوپەل بەرزبوونەوە
• پارتی دیموکرات داوا دەکات سورییەکان بگەڕێندرێنەوە وڵاتەکەیان
• پارەدان لەبری خزمەتی سەربازی بووەتە 122 هەزار و 350 لیرە

سەباح

• حکومەت 500 هەزار لیرە قەرزی خانوبەرە دەداتە هاوڵاتیان
• ئەردۆغان: وڵاتێک لە تیرۆر دوور نەکەوێتەوە نابێتە ئەندامی ناتۆ
• باجی هێنانی یەک مۆبایل بۆ ناوەوەی تورکیا بووە 20 هەزار لیرە

حوریەت

• لە مانگی حوزەیراندا شەش هەزار و 883 پەنابەر دیپۆرتکراونەتەوە
• بڕیارە ئەردۆغان و پوتین لەم ماوەیەدا کۆببنەوە
• بەگوێرەی لێکۆڵینەوەیەک موسیقا لای چەپی مێشک ئارام دەکاتەوە

رۆژنامە فارسییەکان

ئەبرار

• سکرتێری گشتى نەتەوەیەکگرتووەکان داوا دەکات ئیسرائیل و فەڵەستین بکرێنە دوو دەوڵەت
• ئێران دەستی بەسەر کەشتیەکی بازرگانی ئەمریکا لە کەنداودا گرتووە
• بەریتانیا 13 کەسایەتی و ناوەندی ئێرانی خستە لیستی گەمارۆکانەوە

شەهروەند

• ساڵی رابردوو گەشتیاری ئێران 39% زیادی کردووە
• لە ماوەی دوو ساڵی رابردوودا لە ئێران چەندین نەخۆشخانە کە 15 هەزار تەختیان تێدا بووە کراونەتەوە
• ئێران و روسیا بە بواری بەرهەمهێنانی فیلمدا هاوکاری یەکدی دەکەن

کەیهان

• وڵاتانی ئەندامی رێکخراوی شەنگەهای دەستیان بە کڕینی کاڵای ئێرانی کرد
• بەمنزیکانە دوو تاوانباری هێرشەکەی سەر مەزارگەی شاچراغ لەسێدارە دەدرێن
• عەبدوڵلاهیان: بۆ کۆتاییهێنان بە ناکۆکیەکان دەستمان بە گفتگۆ لەگەڵ ئەڵمانیا، فەڕەنسا و بەریتانیا کردووە

جمهوری ئیسلامی

• نوێنەری ئێران لە نەتەوەیەکگرتووەکاندا: دیپلۆماسی باشترین رێگەیە بۆ چارەسەرکردنی پرسی ئەتۆمی ئێران
• عێراق بە فەرمی داوای لە ئینتەرپول کرد ئەو کەسەی قورئانی سووتاندبوو دەستگیر بکرێت
• وەزارەتی دەرەوەی ئێران باڵیۆزی بەریتانیای لە تاران بانگهێشت کرد