رۆژنامە ئینگلیزییەکان

تایمز

• بەهۆى تێکشکاندنێکى “کارەساتبار” هەر پێنج سەرنشینەکەى ژێردەریایی “تیتان” گیانیان لەدەستدا
• بانکى ئینگلتەرا رێژەى سوود لە 5% بەرزدەکاتەوە ئەمەش ملیۆنان کەس تووشى گرفت دەکاتەوە کە بۆ کڕینى خانوو پارەیان لە بانک وەرگرتووە
• مارک زوکەربێرگ چاڵێنجەکەى ئیلۆن مەسکى قبوڵکرد و لە لاسڤێگاس شەڕى نێو قەفەس دەکەن

واشنتن پۆست

• پاش گیانلەدەستدانى منداڵێکى کۆچبەرى هەشت ساڵ لە تەکساس، وەزارەتى ئاسایشى ناوخۆى ئەمریکا لێکۆڵینەوە لە شوێنى مانەوەى پەنابەران دەکات
• بەهۆى خراپى بارودۆخى ژێرئاو لە زەریاى ئەتڵەسیدا، رەنگە دۆزینەوەى تەرمى پێنج کەسەکەى لەژێردەریاییەکەدا گیانیان لەدەستدا کارێکى مەحاڵ بێت
• رەنگە ئەمریکا لە ئاڵۆزییەکانى کەرتى رۆژئاواى فەڵەستین تێوەبگلێت بەهۆى ئەوەى ئیسرائیل هێلیکۆپتەرى ئەمریکى لە هێرشەکانیدا بەکاردەهێنێت

عەرەب نیوز

• بە بەشدارى شازدەى جێنشینى سعودییە، سەرکردەکانى جیهان لە لوتکەیەدا لە فەرەنسا گفتوگۆ لەبارەى هەژاریی و گۆڕانکارییەکانى کەشوهەوا دەکەن
• سعودییە ئیدانەى هێرشەکانى ئیسرائیل دەکات بۆسەر کەرتى رۆژئاواى “داگیرکراوى” فەڵەستین
• مالیزیا بەنیازە رێکاریی یاسایى دژى فەیسبووک بگرێتەبەر بەهۆى ئەوەى “ناوەڕۆکى زیانبەخشى” نەسڕیوەتەوە سەربارى ئەوەى چەندینجار داواى لێکراوە

چاینادەیلى

• چین و فەرەنسا بۆ بەهێزکردنى پەیوەندییەکانى نێوانیان، چەندین رێککەوتننامە لە بوارەکانى دەریایی، ئاسمانی و ئەتۆمیدا واژۆ دەکەن
• هاوڵاتیانى پەکینى پایتەخت بەهۆى بەزربوونەوەى پلەى گەرما بۆ 40 پلەى سیلیزى روو لە ناوچە ئاوییەکانى شارەکە دەکەن بۆ خۆفێنککردنەوە
• بەرپرسێکى پارتى کۆمۆنیستى چین دەڵێت، سەربارى جیاوازییەکانی نێوانیان، بەڵام چین و بەریتانیا خاڵى هاوبەشیان زۆرە کە کارى لەسەر بکەن

رۆژنامە عەرەبییەکان

شەرقولئەوسەت

• کۆنگرێس فشار لە بایدن دەکات تاوەکو رێگریی بکات لە ئەنجامدانى “رێککەوتنێکى خراپ” لەگەڵ ئێراندا
• سەرکێشى “ژێردەریاییەکە” بە کارەسات کۆتاییهات.. گیانلەدەستدانى هەر پێنج سەرنشینەکەى راگەیەنرا
• “لوتکەرى پاریس”.. بانگەواز بۆ سیستمێکى تازەى دارایی لە جیهاندا

قودسى عەرەبى

• هەفتەى داهاتوو حکومەتى عێراق دەست بە جێبەجێکردنى یاساى بودجە دەکات و هەولێریش داوادەکات پێداچوونەوە بە مادەکانیدا بکرێت
• پێکدادان لەنێوان دوو پارتى ئۆپۆزسیۆنى ئێران لە سلێمانى روودەدات و کوژراو و بریندارى لێدەکەوێتەوە
• ئیکۆنۆمیست: دیمەشق خراپترین شارە بۆ ژیان لە جیهاندا و ڤییەننا باشترینە

عەرەب

• واشنتن بوونى سەربازیی خۆى لە سوریا بەهێز دەکات بۆ روبەڕبونەوەى مۆسکۆ
• هەڵبژاردنەکانى سەرۆکایەتى، ناکۆکى ناوخۆیی لەنێو حزبەکانى میسردا دەتەقێنێتەوە
• پێکدادانەکانى کەرتى رۆژئاوا لە لێوارى جەنگدایە

عەرەبى جەدید

• قەیرانى بودجە لە عێراق، لەرزۆکى رێککەوتنە سیاسییەکانى دەرخست
• بەهۆى ناجێگیریی نرخى دۆلار، بازاڕى بیناسازى لە عێراق وەستاوە
• کیێڤ پردەکانى کریمیا بە ئامانج دەگرێت.. مۆسکۆ خۆى بۆ لێدان لە زاپۆریژیاى ئەتۆمى ئاماد ەدەکات