رۆژنامە تورکییەکان

حوریەت

• ئەردۆغان و مەسرور بارزانی باسی پرسی تیرۆر و وزەیان کرد
• کەمترین موچە لە تورکیا کرایە 11 هەزار و 402 لیرە
• کلچدارئۆغلۆ: پێویست بێت مێزێکی 16 لایەنی پێکدەهێنم

سەباح

• حکومەت پلانی هەیە موچەی بێکاری زیاد بکات
• رێژەی ئەو کەسانەی ڤیزای ئەڵمانیا وەردەگرن و ناگەڕێنەوە زیادی کردووە
• هۆشداری لە بڵاوبوونەوەی بڕێک پارەی زۆری ساختە لە بازارەکانی تورکیا دەدرێت

سوزجو

• ئەندامێکی پەکەکە لە هەرێمی کوردستان کوژرا، کە بە رەگەز ئەڵمانیە
• سەرۆکی مەهەپە بەهۆی رەتکردنەوەی بڕینی هاوکاری خەزێنە بۆ هەدەپە دادگای دەستوری ئیدانە کرد
• پێدەچێت پارتی باش لە هاوپەیمانی جەهەپە و پارتەکانی دیکە بکشێتەوە

یەنی ئوزگور پۆلیتیکا

• یوسرا دەروێش هاوسەرۆکی کانتۆنی قامشلۆ بە درۆنی تورکیا کوژرا
• تاوەکو ئێستا دوو هەزار و 600 ژن و منداڵی ئێزدی رزگار نەکراون
• لە باکور ئەنجومەنی خۆجێی گەل جارێکی دیکە دروست دەکرێتەوە

رۆژنامە ئینگلیزییەکان

دەیلی تەلەگراف

• پزیشکێکى پێشووی وەزارەتی تەندروستی بەریتانیا دەڵێت، کەرەنتینەی سەردەمی کۆرۆنا زیانی زۆری بە منداڵانی جیلی ئەوکات گەیاندووە ناتوانن تێکەڵی کۆمەڵگا بن
• گەڕان بەدوای ژێردەریاییەکەی زەریای ئەتڵەسی بەردەوامە و کەمتر لە 40 کاتژمێر ئۆکسجینی تێدا ماوە بۆ تیمە پێنج کەسییەکە
• بەهۆی ئەشکەنجەدان و فرۆشتنی ڤیدیۆی توندوتیژی چەند بێچووە مەیمونێک، باندێکی 20 کەسی لە ئیندۆنیزیا، لە نێویشیاندا سێ ژنی بەریتانی، دەستگیرکران

چاینە دەیلی

• شرۆڤەکارانی سیاسی دەڵێن سەردانەکەی وەزیری دەرەوەی ئەمریکا کاتێکی باشە بۆ ئەوەی نیەتێکی باش بۆ بەرقەرارکردنی ئاسایش و سەقامگیریی دروستبکرێت
• شی جینپینگ، سەرۆکی چین داوادەکات پەیوەندییەکانی ئەوروپا و وڵاتەکەی بەرەوپێش ببات
• بەگوێرەی توێژینەوەیەکی ئەمریکا، دیاردەی رەگەزپەرستی لەو وڵاتەدا بەرەوە ئاستێکی خراپتر هەنگاو دەنێت

واشنتن پۆست

• ئەمریکا و ئێران بەشێوەیەکی ناڕاستەوخۆ لە پەیوەندیدان لەبارەی پرسی سنوردارکردنی بەرهەمێنانی وزەی ئەتۆمی و زیندانییەکانیان لەلای یەکتری
• بەهۆی یاساکانی شاری نیویۆرک لەبارەی پەنادانی کۆچبەرانەوە، زۆرینەی کۆچبەرانی خەڵکی ڤەنزوێلا لەوشارەدا نیشتەجێ دەبن و بەدوای کاردا دەگەڕێن
• روسیا چەندین هێرشی درۆنی لە شارەکانی ئۆکراین ئەنجامدا لە سەروبەندی ‌هێرشەکانی ئۆکراین بۆ کۆنترۆڵکردنەوەی ناوچە داگیرکراوەکانی

عەرەب نیوز

• لە گرژییەکانی نێوان ئیسرائیل و فەلەستیندا، رۆژی سێشەممە هەشت فەلەستینی و چوار ئیسرائیلی کوژران
• بەهۆی زۆری خواستەوە، سعودیە خەریکی دامەزراندنی کۆمپانیای فرۆکەوانی زیاترە لە وڵاتەکەیدا
• بەهۆی قەیرانی ئابورییەوە، هاوڵاتییانی تونس بۆ بەشداریی لە جەژنی قوربان ناتوانن ئاژەڵی قوربانیی بکڕن

رۆژنامە عەرەبییەکان

سەباح

• لیژنەى دارایی: پێدەچێت هەفتەى داهاتوو سەرۆککۆمار یاساى بودجە پەسەندبکات
• عێراق چوارەم گەورەترین هاوردەکارى کاڵا و کەلوپەلى ئوردنییە
• دانووستانەکانى عێراق و ئێران بۆ پێدانى شایستەى دارایی غاز دەستپێدەکەنەوە

شەرقولئەوسەت

• مەسرور بارزانى لە ئەنقەرە بوو بۆ تاوتوێکردنى “ئاڵوگۆڕى بازرگانى” و “ئاسایش”
• دیمەشق و ئەنقەرە نەخشەرێگەى ئاساییکردنەوەى پەیوەندییەکانیان تاوتوێ دەکەن
• بایدن پێیوایە هەڕەشەکانى پوتین بۆ بەکارهێنانى چەکى ئەتۆمى راستەقینەن

قودسى عەرەبى

• بەرپرسانى هەرێمى کوردستان: شایستەکانمان لە بوجەدا لە پارێزگاکانى ناوەڕاست و باشوور کەمترە
• راوێژکارى ئاسایشى نیشتمانى عێراق: کەمپى هۆل هەڕەشەکى راستەوخۆیە لەسەر ئاسایشمان
• 2.5 ملیۆن سودانى ئاوارە و دەربەدەربوون.. لاشەى کوژراوەکان شەقامەکانى دارفۆر دادەپۆشێت

عەرەبى جەدید

• قەتەر “بەردەوامە لە نزیککردنەوەى بیروبۆچوونەکان” لەبارەى دۆسیەى ئەتۆمى
• بەهۆى ئێرانەوە ئەمریکا سزاى کۆمپانیا ئیماراتییەکان دەدات
• جەنگى سودان: سعودییە لە هەوڵەکانى بەردەوامە بۆ درێژکردنەوەى ئاگربەست

رۆژنامە فارسییەکان

ئەبرار

• لە ئێران 18 حاڵەتی تای خوێن بەربوون تۆمارکراون
• ساڵی رابردوو 19 هەزار و 500 کەس بەهۆی رووداوی هاتوچۆ لە ئێران گیانیان لەدەستداوە
• ژمارەی ئەو کەسانەی بە خواردنەوەى مادەى کحوڵی ساختە لە کەرەج گیانیان لەدەستداوە گەیشتە 15 کەس

هەمشەهری

• رەئیسی: هەندێک کەس گوتیان ناتوانین نەوت بفرۆشین، ئێمە دەیفرۆشین و پارەکەشی وەردەگرین
• ساڵانە 800 هەزار نەشتەرگەری گلێنەی چاو لە ئێران ئەنجام دەدرێن
• 40%ی فڕۆکەکانی ئێران لەکارکەوتوون

جمهوری ئیسلامی

• 70%ی تەکسیەکانی کرمانشان بە کەڵک نەماون
• لەندەن سامانی مۆسکۆ لە وڵاتەکەی بلۆک دەکات
• رەئیسی: هەموو جۆرە هەوڵدانێک بۆ ئاساییکردنی پەیوەندی لەگەڵ ئیسرائیل خیانەتە

تجارەت

• قەبارەی بازرگانی هیندستان و ئێران گەیشتە پێنج ملیار دۆلار
• قەبارەی بازرگانی ئێران و سعودیە گەیشتە 15 ملیۆن دۆلار
• حکومەت دەیەوێت لە رێگەی زیرەکی دەستکردەوە بازاری خانووبەرە کۆنتڕۆڵ بکات