رۆژنامە عەرەبییەکان

قودسی عەرەبی

• عومەر ئەحمەد، سەرۆکی کۆمسیۆنی باڵای هەڵبژاردنەکانی عێراق: قورسە هەردوو هەڵبژاردنی ئەنجومەنی پاریزگاکانی عێراق و پەرلەمانی کوردستان بە یەکەوە و لە یەک کاتدا ئەنجام بدرێن
• خالید عوبەیدی، پەرلەمانتاری پەرلەمانی عێراق: نزیکەی شەش ترلیۆن و 128 ملیار دینار بۆ ئاوەدانکردنەوەی پارێزگای نەینەوا خەرج کراوە، بەڵام هێشتا پارێزگاکە بەدەست کەمی و خراپی و نەبوونی خزمەتگوزارییە سەرەتاییەکانەوە دەناڵێنن
• نزیکەی یەک ملیۆن منداڵی سودانی بەهۆی شەڕ و ئاڵۆزییەکانەوە ئاوارەبوون

سەباح

• بەغدا 63 هەمین کۆنگرەی دامەزراندنی رێکخراوی ئۆپێیک لەخۆدەگرێت
• محەمەد شیاع سودانی، سەرۆکوەزیرانی عێراق نزیکە لە واژۆکردنی چەند گرێبەستێک بۆ وەبەرهێنان لە کێڵگە غازییەکاندا
• سودانی: جەختیکردەوە کە ئەو هەنگاوە کۆتایی بە بەهەدەردانی ساڵانەی چوار ملیار دۆلار دەهێنێت لەو بوارەدا.

عەرەبی جەدید

• عێراق گەورەترین براوەی دەستپێکردنەوەی پەیوەندییەکانی نێوان ئێران و سعودیەیە
• ناوەرۆکی دانوستانە نوێیەکانی ئەمریکا و ئێران هەمان ناوەرۆکی رێککەوتنە ئەتۆمییەکانی پێشووە بەبێ ئەوەی ناوی “رێککەوتنی” لێبنرێت
• دوای دوو هەفتە لە هێرشی پێچەوانەی ئۆکرانیا، دەرئەنجامەکان ئاماژەن بەوەی یەکلاییبوونەوەی دۆخەکە هێشتا دوورە

شەرقولئەوسەت

• ئەستەنبوڵ شەڕی پێشوەختەی نێوان ئەردۆغان و ئۆپۆزسیۆنی دەستپێکرد
• پوتین یەکەم قۆناغی گواستنەوەی چەکی ئەتۆمی تەکتیکی بۆ بیلاڕوسیا راگەیاند  و جەختیکردەوە تاوەکو کۆتایی وەرزی هاوین، پرۆسەکە کۆتایی دێت
• بزوتنەوەی تاڵیبان کە لەدوای کشانەوەی ئەمریکا دەسەڵاتی لە ئەفغانستان وەرگرتووە گیری بە دەست دوژمنێکی هاوشێوە خواردووە کە لقی خۆراسانی داعشە

رۆژنامە ئینگلیزییەکان

گاردیان

• بەهۆی زیادکردنی دانەوەی پێشینەی خانووبەرە بۆ ملیۆنان کەس لە بەریتانیا، پارتی پارێزگارانی دەسەڵاتدار لە دۆخێکی هەستیاردایە لە کاتێکدا وڵاتەکە بەرەو هەڵبژاردن دەڕوات
• بەهۆی زیادنەکردنی موچەکانیان، هۆشداریی دەدرێت لە مانگرتنی پزیشکە پلەباڵاکانی بەریتانیا
• جێگریی وەزیری بەرگریی ئۆکراین دەڵێت هێزەکانیان لە پێشرەویدان و قوربانییەکانیان بەراورد بە روسیا، کەمترە

واشنتن پۆست

• وەزارەتی دادی ئەمریکا بۆی دەرکەوتووە پۆلیسی شاری مینیاپۆلیسی ویلایەتی مینێسۆتای ئەمریکا، لە ساڵانی پێش کوشتنی جۆرج فلۆید لەلایەن پۆلیسەوە، مامەڵەی خراپ و توندی لەگەڵ رەشپێستەکاندا کردووە
• دوای 5 ساڵ لە کوشتنی 11 کەس و بریندارکردنی 7 کەسی دیکە دادگایەکی ئەمریکا تۆمەتی کوشتنەکانی بەسەر کەسێکدا ساغکردەوە و سزای مەرگیشی بەسەردا دەسەپێنرێت
• دوای زیاتر لە 116 ساڵ، پەرلەمانتارانی ژاپۆن یاسای مومارەسەکردنی سێکسیان لە تەمەنی 13 ساڵییەوە بۆ 16 ساڵی بەرزکردەوە

چاینە دەیلی

• دوای کۆبوونەوەی لەگەڵ بیڵ گەیتس، گەورەبازرگان و داهێنەری ئەمریکی، شی جینپینگی سەرۆکی چین باس لە گرنگی پەیوەندییەکانی نێوان ئەمریکا و وڵاتەکەی دەکات
• ئەمریکا و چین خۆیان بۆ سەردانە گرنگەکەی ئەنتۆنی بلینکن، وەزیری دەرەوەی ئەمریکا ئامادە دەکەن
• لە چین سەنتەرێک بۆ پرۆسەی چارەسەری منداڵانی خاوەن پێداویستی تایبەت لە راهێنانەکاندا ئاژەڵ بەکاردەهێنێت

عەرەب نیوز

• لەسەردانێکیدا بۆ فەرەنسا شازادەی جێنشینی سعودیە پەیوەندییەکانی لەگەڵ ئەو وڵاتەدا بەهێزتر دەکات
• دوای ئاسایی بوونەوەی پەیوەندییەکانیان، وەزیری دەرەوەی سعودیە ئەمڕۆ شەممە سەردانی ئێران دەکات
• سەرۆکی ئیمارات دەڵێت وڵاتەکەی دەیەوێت پەیوەندییەکانی لەگەڵ روسیادا بەهێز بکات

رۆژنامە تورکییەکان

قەرار

• پێشبینی دەکرێت تاوەکو کۆتایی ئەمساڵ دۆلارێک بگاتە 26 لیرە
• پارتی دەڤا، سەعادەت و ئاییندە فراکسیۆنێکی هاوبەش لە پەرلەماندا پێکدەهێنن
• نەخۆشی سورێژە بەشێوەیەکی بەرچاو لەنێو منداڵاندا بڵاوبووەتەوە

یەنی شەفەق

• 19 ملیۆن قوتابی کارتەکانیان وەرگرتەوە و پشوو دەستیپێکرد
• وڵاتە ئەوروپیەکان ئیدی ڤیزا بەو هاوڵاتیە تورکانەش نادەن کە پێشتر چەندینجار ڤیزایان وەرگرتووە
• پێدەچێت 500 کەس لە یەختەکەی پەنابەران لە نزیک یۆنان گیانیان لەدەستدابێت

ئاکشام

• چاوەڕێ دەکرێت ڤلادیمیر پۆتین سەردانی تورکیا بکات
• شارەوانی ئەستەنبوڵ کرێی گەراجەکانی 63٪ زیاد کرد
• ئەردۆغان: لە هەڵبژاردنی شارەوانیەکاندا کۆتایی بە شارەوانی جەهەپە لە ئەستەنبوڵ دەهێنین

سوزجو

• لە مێژووی تورکیادا خاوەن کارەکان لە خراپترین دۆخدان
• ئیمامئۆغلۆ بۆ کلچدارئۆغلۆ: دەمەوێت ببمە سەرۆکی جەهەپە
• کلچدارئۆغلۆ بەهۆی ئەوەی متمانەی بە هەندێک کەسایەتی سیاسی کرد و دواتر پشتیان تێکرد رەخنەباران دەکرێت

رۆژنامە فارسییەکان

ئیتلاعات

• سەرۆکی چین پرۆژەیەکی سێ خاڵی بۆ چارەسەری کێشەی فەڵەستین راگەیاند
• لە کەرەج 95 کەس بەهۆی خواردنەوەى کحوڵی ساختەوە ژەهراوی بوون و 14 کەسیان گیانیان لەدەستدا
• عەمان: ئێران و ئەمریکا نیازی رێککەوتنی ئەتۆمیان هەیە

کەیهان

• یونیسێف: 42 ملیۆن منداڵی پەنابەر لە جیهاندا دەژین
• رەئیسی 35 رێککەوتننامەی لەگەڵ وڵاتانی ئەمریکای لاتین واژۆ کردووە
• ئەمڕۆ وەزیری دەرەوەی سعودیە سەردانی تاران دەکات

جمهوری ئیسلامی

• نەتەوە یەکگرتووەکان: تۆڕە کۆمەڵایەتیەکان بڵندگۆی رق و توڕەیین
• لە سیستان و بەلوچستان دوو چەکداری دژی دەوڵەت کوژران و ژمارەیەکیش دەستگیرکران
• کچانی نەوجەوانی ئەفغانستان بەهۆی فشارەکانەوە بیر لە خۆکوشتن دەکەنەوە

ئەفکار

• رەئیسی: ئێمە بە یەک چاو سەیری وڵاتانی رۆژئاوا و رۆژهەڵاتی دەکەین
• بازرگانی بواری نەوت و وزە لەنێوان ئێران فەنزوێلا لە 20 مانگی رابردوودا گەیشتە چوار ملیار دۆلار
• تەمەنی خانەنشینی لە ئێران زیاد دەکرێت