رۆژنامە ئینگلیزییەکان

تایمز

• بەریتانیا لە ساڵى داهاتووەوە جۆرە پشکنینێکى خوێن دەکات کە دەتوانێت 50 جۆر نەخۆشى شێرپەنجە دەستنیشان بکات
• ژیانى سیاسی بۆریس جۆنسن بەرەو کۆتایی دەڕوات، دەرکەوتووە پێنج جار سوکایەتى بە پەرلەمان کردووە
• سکرتێرى ناتۆ دەڵێت، پێویستە پوتین خۆى لە گوتارى ئەتۆمى بەدووربگرێت، چونکە شەڕى ئەتۆمى هەرگیز سەرکەوتوو نابێت

نیویۆرک تایمز

• هێرشە پێچەوانەکانى ئۆکراین بۆسەر رووسیا سەختتر و مەترسیدارتر دەبێت
• کۆمپانیا چینییەکان خۆیان لە چین بەدووردەگرن تاوەکو بازرگانییەکانیان سەلامەت بن و نەکەونە ژێر یاساکانى ئەمریکاوە
• کۆریاى باکوور دەڵێت، موشەکە ئەتۆمییەکانى بچووکتر کردووەتەوە بۆئەوەى بە ئاسانى نەتوانرێت بەرپەرچ بدرێنەوە

چاینا دەیلى

• دوێنێ چین لە پێشکەوتنێکى گەورەدا بە یەکجار 41 مانگى دەستکردى رەوانەى بۆشایی ئاسمان کرد
• رۆژى یەکشەممە سەرۆکوەزیرانى چین سەردانى ئەوروپا دەکات و لەگەڵ بەرپرسانى فەرەنسا و ئەڵمانیا کۆدەبێتەوە
• پێشبینى هیچ دەستکەوتێک لە سەردانە چاوەڕوانکراوەکەى وەزیرى دەرەوەى ئەمریکا بۆ رۆژهەڵاتى ئاسیا ناکرێت

عەرەب نیوز

• سەرۆکى فەڵەستین دەڵێت، دەستدرێژییەکانى سوپاى ئیسرائیل توندوتیژیی بێ کۆتایی لە ناوچەکەدا دەهێنێتە کایەوە
• پاش شکستهێنانى پرۆسەى هەڵبژاردنى سەرۆک، خۆپیشاندەرانى لوبنان رژانەوە سەر شەقامەکان و دەڵێن ناتوانن پارەکانیان لە بانک رابکێشن
• بەهۆى چاکسازییەکانى حکومەتى سعودییەوە رۆڵى ژنان و پیاوان لە وڵاتەکەدا گۆڕاوە، ئێستا ژنان زیاتر دەچنە سەر کار و پیاوان لە ماڵەوە چاودێریی منداڵەکانیان دەکەن

رۆژنامە عەرەبییەکان

شەرقولئەوسەت

• لە چەند رۆژى داهاتوودا وەزیرى دەرەوەى سعودییە سەردانى تاران دەکات
• تارمایی جەنگى ناوخۆ لە سودان دەردەکەوێت پاش کوشتنى والى رۆژئاواى دارفۆر
• لەکاتى سەردانەکەى میرى قەتەر بۆ عێراق، بەغداد و دەوحە چەندین رێککەوتن و لێکتێگەیشتنیان واژۆکرد

قودسى عەرەبى

• سبەینێ وەزیرى دەرەوەى سعودییە دەگاتە تاران و باڵیۆزخانەى وڵاتەکەى دەکاتەوە
• میرى قەتەر لە بەغداوە جەختیکردەوە: ئاسایشى عێراق بەشێکە لە سەقامگیریی ناوچەکە
• سوپاى سودان هێزەکانى پشتیوانى خێرا بە تیرۆرکردنى والى رۆژئاواى دارفۆر تۆمەتباردەکات

عەرەب

• ئایا قەتەر لە پشت بیرۆکەى “رێگەى پەرەپێدان”ـى عێراقە بۆ خزمەتکردنى تورکیاى هاوپەیمانى
• داواکارییەکان بۆ دوورخستنەوەى مەحمود عەباس سەرۆکى فەڵەستین فراوانتر دەبن، لەنێوخۆى بزوتنەوەى فەتح ناکۆکى هەیە لەبارەى شوێنگرتنەوەى
• هێزەکانى پشتیوانى خێراى سودان رەتیدەکاتەوە دەستى لە کوشتنى والى رۆژئاواى دارفۆر هەبێت

عەرەبى جەدید

• ئیتاڵیا بێبەریبوونی خۆى لە کارەساتى بەلەمەکەى کۆچبەران رادەگەیەنێت: یۆنان بەرپرسە
• درۆنەکانى تورکیا باکوور و رۆژهەڵاتى سوریا لە جوڵە و چالاکى دەخەن
• تاڵیبان بەشدارى دەکات لە “کۆڕبەندى ئاشتى” لە نەرویج