لەسەر کێشەی زەوی و زار شەڕ دروستبووە و لە ئەنجامدا11 قوربانی لێکەوتەوە کە 9 کەسیان کوژراون و دوو کەسی دیکەشیان برینداربوون.
ئاژانسی ئەنادۆڵۆ وردەکاری رووداوەکەی بڵاوکردوەتەوەو دەڵێت، شەڕەکە لە نێوان دوو خێزانی گوندی سەرچەلەر دروست بووە و دواتر سەری کێشاوە بۆ شەڕ و بەکارهێنانی چەک.
دوای شەڕەکە هێزە ئەمنییەکان و تیمەکانی تەندروستی چونەتە شوێنی رووداوەکە بریندارەکانیان گواستەوەتەوە بۆ نەخۆشخانە.
لەبارەی رووداوەکەوە عەلی ئیحسان پارێزگاری ئامەد راگەیاندوە: شەڕەکەدا کە لەسەر زەوییەک بووە کە رووبەرەکەی ٢٠٠ دۆنمە و هەردوو لایەنی شەڕکەر چەکیان بەکارهێانەوە.
جگە لە ئەنادۆڵۆ ئاژانسی میزۆپۆتامیاش باسی رووداوەکەی کردووە و دەڵێت، بەهۆی سەختی برینەکانیانەوە رەنگە ژمارەی کوژراوەکان زیاترببن.
بەگوێرەی زانیارییەکان هێزە ئەمنییەکان چواردەوری شوێنی رووداوەکەیان گرتووە و رێگەکانیشیان داخستووە.
بەگوێرەی ئامارە فەرمییەکان لەسەدا 35ی خەڵکی ئامەد سەرقاڵی کشتوکاڵن و لە نێویشیاندا گەنم و شوتی.
بەگوێرەی دواین سەرژمێری ژمارەی دانیشتوانی پاڕێزگای ئامەدی باکوری کوردستان یەک ملیۆن و هەشت سەدا هەزارە .
