ئەمڕۆ سێشەممە، دادگاى فیدراڵى عێراق بە سەرۆکایەتى دادوەر جاسم محەمەد عەبود سەرۆکى دادگا، دانیشتنى نۆیەمى لەبارەى کەیسى درێژکردنەوەى خولى پێنجەمى پەرلەمانى کوردستان ئەنجامدا، لە دانیشتنەکەدا دادگا کۆتایی بە دادبینى هێنا و دوا بڕیارى خۆى دا کە ئەویش بە نادەستوورى ناساندنى درێژکردنەوەى تەمەنى پەرلەمانى کوردستان بوو.
هەروەها دادگاى فیدراڵى بڕیارى دا بە پوچەڵبوونى هەموو ئەو بڕیار و یاسانەى کە لە دواى 6ى 11ى ساڵى رابردووەوە لە پەرلەمانى کوردستان دەرچوون.
بڕیارەکەی ئەمرۆی دادگا دواى زیاتر لە شەش مانگ و ئەنجامدانى نۆ دانیشتن بوو بەگوێرەی دانیشتنەکان و ماوەکە بێت. پێدەچێت دادگا باش دیراسەی دۆخەکەی کردبێت، بۆیە بڕیاری نادەستوری بوونی ماوەدرێژکراوەکەی پەرلەمانی کوردستانی دەرکردووە.
زووم بۆ گفتوگۆی زیاتری یاسایی، میوانداری د.ئیسماعیل نامیق پسپۆری یاسایی کردووە
