رۆژنامە عەرەبییەکان

سەباح

• پشکى هەرێمى کوردستان و گۆڕانکارییەکان پەسەندکردنى بودجەیان دواخستووە
• لە عێراق مردنى دایکان لەکاتى منداڵبووندا کەمى کردووە، پێشتر لە هەر 100 هەزارێک 49 دایک دەمردن، بەڵام ئێستا بووە بە 28
• هەڵبژاردنەکانى کەرکوک پێکهاتەکانى شارەکە دەباتەوە بۆ دادگاى فیدراڵى

زەمان

• پەرەسەندنى ناکۆکییەکان لەبارەى هەڵبژاردن، سەردەکێشێت بۆ شەڕ و پێکدان لە پەرلەمانى کوردستان
• ئەندازیارێکى موسڵى پێڵاوێک بۆ نابیناکان دروست دەکات
• ئەمانەى بەغداد بەردەوامە لە هەڵمەتى ئاوەدانکردنەوە و گەشەپێدانى گەڕەکەکانى پایتەخت

شەرقولئەوسەت

• بەهۆى کاراکردنەوەى کۆمسیۆنى هەڵبژاردن، شەڕ و پێکادان لەنێوان پەرلەمانتارانى هەردوو حزبى بارزانى و تاڵەبانى روویدا
• ترس لە بەهێزبوون و فراوانبوونى پێگەى جەماوەریی سودانى، واى لە فراکسیۆنەکانى پەرلەمانى عێراق کردووە یارى بە یاساى بودجەوە بکەن
• ئايا لەسێدارەدانى “سیخوڕە” بەریتانییەکە، دوورخستنەوەى عەلى شەمخانى ئەمیندارى ئەنجومەنى باڵاى ئاسایشى نەتەوەیی ئێرانى لە پۆستەکەى خێراتر کرد؟

قودسى عەرەبى

• کاراکردنەوەى کۆمسیۆنى هەڵبژاردنەکان بووەتە هەڕەشە بۆسەر پەیوەندییەکانى دوو پارتە سەرەکییەکەى هەرێم و مەترسى هەرسهێنانى لێدەکرێت
• هەولێر و بەغداد گفتوگۆ لەبارەى دروستکردنى چەند بەنداوێکى تازە دەکەن بۆ بەرەنگاربوونەوەى قەیرانى کەمئاوى
• ئۆغان پاڵپشتى لە ئەردۆغان دەکات لە گەڕى دووەمدا و ئەگەرى بردنەوەى ویلایەتى سێیەمى سەرۆکایەتییەکەى بەهێز دەکات

رۆژنامە ئینگلیزییەکان

گاردیان

• بەگوێرەی راپۆرتێک هەزاران ستافی نەخۆشخانە بانگەشەی ئەوە دەکەن کە لەلایەن نەخۆشانەوە مامەڵەی خراپی سێکسییان لەگەڵداکراوە
• بەرپرسێکی باڵای وەزارەتی ناوخۆ لە کەیسی سزای تیژڕەویی ئۆتۆمبێلی سوێلا براڤەرمانی وەزیر تێوەگلاوە
• زیرەکی دەستکرد کۆتایی بە هەندێک کار دەهێنیت و دیاردەی بێکاری شتێکی چاوەڕوانکراو دەبێت

واشنتن پۆست

• بەهۆی گواستنەوەی داتای بەکارهێنەرانەوە لە ئەوروپاوە بۆ ئەمریکا، یەکێتی ئەوروپا کۆمپانیای مێتای خاوەنی فەیسبووکی بە بڕی 1 ملیار و 300 ملیۆن سزادا
• بەهۆی نەمانی پارە لە ئەمریکا، جۆ بایدن و کێڤین مەکارتی سەرۆکی گۆنگرێس کۆدەبنەوە بۆ ئەوەی سەقفی قەرزکرنی پارە بۆ وڵاتەکەیان بەرزبکەنەوە
• بەگوێرەی توێژینەوەیەک، بەهۆی بەرزبوونەوەی پلەکانی گەرماوە، خەڵکی لە ئێستادا ساڵانە 44 کاتژمێر کەمتر دەخەون

عەرەب نیوز

• ئاگربەستی مرۆیی لەنێوان لایەنە شەڕکەرەکانی سودان کە بەنێوەندگیریی سعودیا رێکخرا دەستیپێکرد
• تیمی کەشتیوانی سعودی لە بەرزایی 400 کیلۆمەتر لە زەوییەوە دەڵێن “ئێمە لە خەودا دەژین”
• بەهۆی هێرشەکانی حزبوڵای لوبنانەوە بۆسەر سوپای ئیسرائیل پێکدادان لەسەر سنوری ئەو دوو وڵاتەدا رویدا

چاینە دەیلی

• سەرۆکی چین ستایشی خۆبەخشانی بواری ژینگە دەکات و داوا دەکات خەڵکی هاوکار بن لە جیاکردنەوە و رێکخستنی  خاشاکەکانیان
• پەکینی پایتەختی چین سیستەمی پەنجەمۆری لەپی دەست بۆ پارەدان لە وێستگەکانی شەمەندەفەری ژێرزەویی دەخاتە کار
• بەگوێرەی راپۆرتێک، چین یەکێکە لە سەلامەتترین وڵاتەکانی جیهان بەهۆی کەمی رێژەی تاوان تێیدا

رۆژنامە تورکییەکان

حوریەت

• سینان ئۆغان پشتگیری لە ئەردۆغان دەکات
• دەنگی دەرەوەی وڵات لە سێ رۆژدا گەیشتە ملیۆنێک و 466 دەنگ
• ئەردۆغان: لە 28 مانگدا بە جیاوازیەکی زۆر سەردەکەوین

سوزجو

• دوو پارتی نێو هاوپەیمانێتیەکەی سینان ئۆغان رایانگەیاند پشتگیری لە کلچدارئۆغلۆ دەکەن
• لە بازاڕی رەشی تورکیا نرخی 100 دۆلار گەیشتە دوو هەزار و 181 لیرە و ریکۆردی شکاند
• سەرکردەیەکی هوداپار لە لیستی سوری داواکراوەکاندا بوو، بەڵام ئێستا لەنێو هوداپار بە ئازادی کار دەکات

تورکیە

• پسپوڕانی تەندروستی: هەڵبژاردنى تورکیا کێشەی خەو و خواردنی بۆ هاوڵاتیان دروست کردووە
• قەرەیلان جارێکی دیکە داوای دەنگ بۆ جەهەپە دەکات
• سەرۆکی ئەرمینیا: ئەگەر مافی ئەرمەنیەکان مسۆگەر بگرێت، دەتوانین قەرەباخ وەک خاکی ئازەربایجان قبوڵ بکەین

ئاکشام

• سینان ئۆغان: هەدەپە ناتوانێت کەسێک بۆ سەرۆککۆماری تورکیا دیاری بکات
• لە گارە ئەمرە شاهین بەرپرسی پەیوەندیەکانی پەکەکە لەلایەن میتەوە کوژرا
• پارتی باش (ئی پارتی) مانگی ئەیلول کۆنگرەی خۆی ئەنجام دەدات

رۆژنامە فارسییەکان

قودس

• وەزارەتی کارى ئێران دەڵێت ئامانجی وەزارەت راگەیاندنی ملیۆنێک و 50 هەزار هەلی کارە
• یەکێتی ئەوروپا پێنج کەسایەتی و دوو رێکخراوی ئێرانی خستە لیستی گەمارۆکانی
• وەزارەتی دەرەوەی ئێران: هیچ فڕۆکەیەکمان لە شەڕی ئوکراینادا بەکار نەهێنراوە

شەهروەند

• بازرگانی نێوان ئێران و ئەندۆنێزیا گەیشتە 257 ملیۆن و 200 هەزار دۆلار
• وەزیری دەرەوەی تالیبان: نابێت پرسی ئاو لەنێوان ئێران و ئەفغانستان سیاسی بکرێت
• لە ئێران نەشتەرگەری جوانکاری زیادی کردووە و بەشێک لە پزیشکان ئەم پرسە دەقۆزنەوە

ئیتلاعات

• ئێران دەیەوێت لە بازرگانیکردن لەگەڵ ڤیەتنامدا پارەی وڵاتەکەی بەکار بهێنێت
• شوێنەوارێک لە تاران کە ئێسک و پروسکی ژنێکی حەوت هەزار ساڵ لەمەوبەری تێدایە کراوە بە گەراجی ماتۆڕسکیل
• سوپای پاسداران دەڵێت تۆڵەی پاسەوانانى سنور دەکەینەوە

ئاسیا

• ملیۆنێک دەرچووی زانکۆی بێکار لە ئێران هەن
• رەئیسی سەرۆکی ئەنجومەنی باڵای ئاسایشی نەتەوەی ئێرانی گۆڕی
• بانکی پێشکەوتنی ئێران سێ هەزار و 300 ملیار ریاڵی بۆ بواری وەبەرهێنان لە ورمێ تەرخان کرد