رۆژنامە ئینگلیزییەکان

تایمز

• قوتابخانەکانی بەریتانیا هۆشداریی دەدەن کە زیرەکی دەستکرد مەترسییەکی روون و هەنووکەییە بۆسەر کەرتی پەروەردە و فێرکردن
• پۆلیسی فەرەنسا لێکۆڵینەوە لەو خۆپیشاندەرانە دەکات کە وێنەی ماکرۆنی سەرۆکیان وەک هیتلەر شوبهاندبوو
• لافاوە وێرانکەرەکانی ئیتاڵیا تاوەکو ئێستا بووەتە هۆی گیانلەدەستدانی 14 کەس لەو وڵاتەدا

ژاپۆن تایم

• سەرکردەکانی گروپی 7 سزاکانیان لەسەر روسیا توندتر دەکەن
• سەرۆکی ئۆکراین بەنیازە لە پەراوێزی لوتکەی G7دا لەگەڵ سەرۆکوەزیرانی ژاپۆن کۆببێتەوە
• بەر لە دەستپێکردنی هێرشی پێچەوانەی ئۆکراین، روسیا خەریکی ئامادەکردنی چەک و دانانی تاکتیکی جەنگە

واشنتن پۆست

• دوای پاشگەزبوونەوەی ئەمریکا لە سیاسەتی پێنەدانی فڕۆکەی F16 بە ئۆکراین، کیێڤ دەبێتە خاوەنی فڕۆکەکە
• بەخێرهاتنەوەی سوریا بۆ نێو کۆمکاری عەرەبی دەرخەری نەمانی پەیوەندییە لەنێوان ئەمریکا و هاوپەیمانەکانی لە ناوچەکەدا
• سەربازانی ئۆکراین خەریکی راهێنانن بۆ دەستپێکردنی هێرش لە روباری دنیپەر لە باشوری وڵاتەکەیان

عەرەب نیوز

• بەشار ئەسەد، سەرۆکی سوریا بە ئەندامانی کۆمکاری عەرەبی راگەیاندووە، رابردوو، ئێستا و داهاتووی وڵاتەکەی پەیوستن بە عەرەبەوە
• سەردانەکەی سەرۆکی ئۆکراین بۆ لوتکەی کۆمکاری عەرەبی لە سعودیە، سەردانێکی لەناکاو بوو
• سەرۆکی سودان، سەرۆکی هێزەکانی پشتیوانی خێرای وڵاتەکەی، کە شەڕیان لە دژی هەڵگیرساندووە، لە پۆستەکەی دورخستەوە

رۆژنامە تورکییەکان

سوزجو

• کلچدارئۆغلۆ و ئەردۆغان لەگەڵ بەرپرسانی هاوپەیمانی ئاتا بە جیا کۆبوونەوە
• لە کوتاحیا هێرش کرایە سەر رێکخستنی ژنانی جەهەپە و دوو ژن بریندار بوون
• ئەندامانی ئاکەپە هەڕەشە لە ئەکرەم ئیمامئۆغلۆ سەرۆکی گەورەشارەوانی ئەستەنبوڵ دەکەن

تورکیە

• ئەردۆغان: لە خولی دووەمی هەڵبژاردندا هاوڵاتیان پشتگیری لە من دەکەن
• وەزیری ناوخۆی تورکیا: بەهۆی پەیوەندیەکانیەوە لەگەڵ هەدەپە، جەهەپە کۆتایی بەخۆی دەهێنێت
• نرخی پیاز بۆ هەشت لیرە دابەزیوە

یەنی شەفەق

• سینان ئۆغان و ئەردۆغان لە کۆشکی دۆڵمەباخچە دوور لەچاوی میدیاکان کۆبوونەوە
• پرۆژەی دروستکردنی 173 هەزار یەکەی نیشتەجێبوون بۆ زیانلێکەوتووانی بومەلەرزەکەی شەشی شوبات دەستیپێکرد
• وەزیری داد: مەنسور یاڤاش و ئەکرەم ئیمامئۆغلۆ لە شەوی هەڵبژاردندا دەستیان بە شانۆ کردبوو

دۆغرۆ هابەر

• ئەردۆغان: بە شێوەیەک سەردەکەوین کە کەس نادۆڕێت!
• هوداپار کتێبێکی وانەی ئەخلاقی سیاسی بە دیاری بۆ کلچدارئۆغلۆ نارد
• فوئاد ئۆکتای یاریدەدەری سەرۆککۆمار: دەکرێت سیستمی سەرۆکایەتی تورکیا فراوان بکرێت

رۆژنامە فارسییەکان

ئیتلاعات

• رێکخراوی جیهانی کەشوهەوا: پێنج ساڵی ئاییندە گەرمترین ساڵەکانی مێژوو دەبێت
• ئەفغانستان بەنداوی بچووکی لەسەر رووباری هیرمەند دروستکردووە و ئاوێکی کەم دەڕژێتە سنوری ئێران
• سێ بەرهەمی مەولەوی لەلایەن یۆنسکۆوە وەک میراسی جیهانی تۆمارکران

ئێعتێماد

• پرۆژەیاسای باڵاپۆشی گەیشتە پەرلەمان کە دەسەڵاتی دادوەری ئامادەی کردووە
• ئێران و روسیا 10 رێککەوتنیان لە بواری نەوت و گازدا واژۆ کرد
• ساڵانە لانیکەم 20 منداڵی بەلوچ لە رووباڕەکاندا دەخنکێن

ئافتاب

• 19 ملیۆن و 700 هەزار کەس لە ئێران لە پێداویستیە سەرەتاییەکان بێبەشن
• ئێران لە هەموو کاتێک زیاتر روبەڕوی کێشەی ئاو بووەتەوە
• منداڵێکی نۆ ساڵ و پیاوێکی 111 ساڵ بچووکترین و گەورەترین حاجی ئەمساڵی ئێرانن

جمهوری

• بەهۆی گرتنەوەی ئاوی رووباری هیرمەندەوە رەئیسی هۆشداری دایە تالیبان
• نرخی بلیتی گەشتی فڕۆکە لە ئێران 29% زیادکراوە
• ئێران و روسیا دەیانەویت پێکەوە 20 کەشتی گەورە دروست بکەن