سیاسییەکانی عێراق نیگەرانن لە پشتگیری “سەدر” بۆ خۆپیشاندانەکان

رۆژنامە عەرەبییەکان

شەرقولئەوسەت

• سیاسییەکانی عێراق نیگەرانن لە پشتگیری “سەدر” بۆ خۆپیشاندانەکانی ئێستا
• پەرلەمانی عێراق یەکەم یاسای دەستەبەری کۆمەڵایەتی دەردەکات
• لوتکەی پردەکان لە جەددە.. بەشار ئەسەد دوای 12 ساڵ دورخستنەوە بەشدارە

قودسی عەرەبی

• فەرمانی دەستگیرکردن بۆ 6 بەرپرسی عێراقی دەرچووە بەتۆمەتی دزینی 92 ملیار دینار
• نێچیرڤان بارزانی بۆ ئەردۆغان: متمانەمان بە بردنەوەت هەیە
• هیومان رایتس وۆچ: عێراق پشتدەکاتە قوربانییەکانی دەستی داعش لە شنگال

عەرەبی جەدید

• حەشدی شەعبی بەرژەوەندی هەیە لە نەکشانەوە لە شارە عێراقییە ئازادکراوەکان
• عێراقییەکان لە پلەی چوارەمی لیستی کڕیارانی خانوو و شوقەن لە تورکیا
• ئاسایکردنەوەی پەیوەندییەکانی سوریا و عەرەب کاریگەری لەسەر بەهای لیرەی سوری نەبووە

عەرەب

• سیاسەتی ئەسەد وادەکات ئەردۆغان بەباشتر دابنێت وەک لە کلچدارئۆغلۆ
• جیهان بووەتە قەرزاری چین
• ترس هەیە “ژیری دەستکرد” بەکاربهێنرێت بۆ کاریگەری کردنە سەر هەڵبژاردن لە جیهاندا

رۆژنامە ئینگلیزییەکان

گاردیان

• سزاى نوێ بەسەر روسیادا دەسەپێنرێت دواى ئەوەى سەرۆکوەزیرانى بەریتانیا داواى کۆکردنەوەى پاڵپشتى کردووە بۆ کیێڤ
• کۆمپانیاى “بى تى” کە گەورە کۆمپانیایەکى بوارى پەیوەندییەکانە لە بەریتانیا بەهۆى هاتنى زیرەکى دەستکردەوە ژمارەى کارمەندەکانى بە رێژەیەکى بەرچاو کەمدەکاتەوە
• ناکۆکى لەنێوان ئەمریکا و هاوپەیمانەکانى هەیە لەبارەى دابینکردنى فڕۆکەى ئێف16 بۆ ئۆکراین

چاینا دەیلى

• شى جینپینگ و دەسەڵاتدارە باڵاکانى چین بەگەرمى پێشوازى لە سەرکردەکانى ئاسیاى ناوەڕاست دەکەن کە ئەمڕۆ لە کۆبوونەوەى لوتکەیان هەیە لە چین
• ئەو نوێنەرەى چین کە چوارشەممەى رابردوو سەردانى ئۆکراینى کردبوو دەڵێت، گفتوگۆ و دروستکردنى متمانە کلیلى کۆتاییهێنانى قەیرانەکانى ئۆکراینن
• پێویستە رۆڵى گەورە بدرێت بە زیرەکى دەستکرد بۆ بەشداریکردن لە گەشەسەندنى ئابوورى جیهاندا

واشنتن پۆست

• بەهۆى هێرشە موشەکییەکانى روسیا ترس لە ئاسمانى ئۆکراین دەبارێت
• ئەمریکا هێشتا دڵنیا نییە ئەو کەسەى کە سەرەتاى ئەم مانگە لە سوریا کوشتى سەرکردەى داعشە یاخود نا
• ئەمڕۆ گروپى جى حەوت لە یابان کۆدەبێتەوە و ڤۆلۆدیمێر زێلینسکى سەرۆکى ئۆکرانیش بەشدارى لە کۆبوونەوەکەدا دەکات

عەرەب نیوز

• پاش 12 ساڵ دابڕان ئەمڕۆ بەشار ئەسەدى سەرۆکى سوریا بەشدارى لە کۆبوونەوەى لوتکەى عەرەبى لە سعودیە دەکات
• لە سعودیە تیمێکى پزیشکى 85 کەسى توانییان دووانەیەکى بەیەکەوە لکاو کە تەمەنیان 16 مانگە لەیەکدى جیابکەنەوە
• داوادەکرێت سەرۆکى بانکى ناوەندیى لوبنان دەستلەکاربکێشێتەوە