فیدراسیۆنی تۆپی پێی نێودەوڵەتی ‘فیفا’ لۆگۆی مۆندیالی 2026ی ئاشکرا کرد، کە بڕیارە لە ویلایەتە یەکگرتووەکانی ئەمریکا، مەکسیک و کەنەدا بەڕێوەبچێت
ئەمە یەکەمجارە لە دوای 1994، تۆپی پێی جیهانی دەگەڕێتەوە ئەمریکای باکوور و دروشمی مۆندیالی 2026 بریتییە لە ”ئێمە 26ین”. هەروەها لۆگۆکە بە شێوازێکی سادە دیزاین کراوە. 26 لە پشتەوەی نازناوی جامی جیهانی دەردەکەوێت.
#WeAre26 pic.twitter.com/H1SyqypUYY
— FIFA World Cup (@FIFAWorldCup) May 18, 2023
ئەمە یەکەمجارە نازناوی مۆندیال لە لۆگۆدا بەکاردەهێندرێت و بڕیارەکەش ئەوەبوو، کە هیچ رەنگی وڵاتانی میوانداری تێدا نەبێت.
جیانی ئینفانتینۆ، سەرۆکی فیفا لە بارەی ئاشکراکردنی لۆگۆ و وردەکاری مۆندیالی 2026 روونیکردەوە
ئەمە ئەو ساتەیە کە سێ وڵاتی یەک کیشوەر بە یەکەوە دەڵێن؛ ئێمە یەکگرتووین بۆ پێشوازیکردن لە جیهان و پێشکەشکردنی گەورەترین، باشترین و جیاوازترین مۆندیال لە مێژوودا.
یارییەکانی مۆندیالی 2026 لە 16 شار بەڕێوەدەچن کە 11 لە ئەمریکا و دوو لە کەنەدا و سێ شاریش لە مەکسیک دەبن. هەر 16 شارەکە رەنگ و ستایڵەکەی جیاواز دەبێت.
ئینفانتینۆ لەبارەی یاری کۆتایی گوتیی، بە دڵنیاییەوە، لۆس ئانجلێس شارێکی گرنگە و ناوەندی شارەکانی میوانداری مۆندیالە. لۆس ئانجلێس دەرگەی هاتنە بۆ ئەمریکا، ئەو شارەیە کە یاری کۆتایی دوا وەشانی مۆندیال لە ئەمریکای لێ بەڕێوەچوو. تاوەکو ئێستا نازانین یاری کۆتایی مۆندیالی داهاتوو لە کام شار بەڕێوەدەچێت.
رۆناڵدۆ نازاریۆ، یەکێک بوو لە میوانانی ئیڤێنتی ئاشکراکردنی لۆگۆی مۆندیالی 2026، شان بە شان یوری جۆرکایێف، کارلی لۆید، کریستێن پرێس، تۆبین هیس و ئالێکس لالاس.
#WeAre26 🤝 @Ronaldo pic.twitter.com/msVowRC1xf
— FIFA World Cup (@FIFAWorldCup) May 18, 2023
یارییەکانی مۆندیالی 2026 لە 11ی حوزەیران دەستپێدەکات و لە 19ی تەمموز کۆتایی دێت.