رۆژنامە ئینگلیزییەکان

فاینەنشیەڵ تایمز

• بەهۆی بارانبارین و لافاوەوە، لانیکەم 9 کەس لە ئیتاڵیا گیانیان لەدەستدا و هەزارانیش ماڵەکانیان چۆڵکردووە
• کۆمپانیا ئەڵمانییەکانی دروستکردنی ئۆتۆمبێل چاوەڕوانی دواخستنی یاساکانی دوای برێکزیت دەکەن بۆ ئەوەی گومرگ نەدەن بۆ هەناردەکردنی بەرهەمەکانیان بۆ بەریتانیا
• بەهۆی هێرشە ئاسمانییەکانی روسیاوە، چەند تەقینەوەیەکی بەهێز کیێڤی پایتەختی ئۆکراینیان هەژاند

عەرەب نیوز

• وەزیرانی دەرەوەی وڵاتە عەرەبییەکان پێشوازیی لە هاتنەوەی سوریا بۆ ئەندامێتی کۆمکاری عەرەبی دەکەن
• بەهۆی داڵدەدانی 40 خۆپیشاندەر کە هێرشیان کردبووە سەر هێزە ئەمنییەکان، ماڵەکەی ئیمران خانی سەرۆکوەزیرانی پێشووی پاکستان جارێکی دیکە ئاڵۆزی بەخۆیەوە بینی
• پێشبینی دەکرێت ئەمڕۆ بەهۆی رێپێوانی 200 هەزار جولەکە بەنێو ئۆرشەلیمی ئیسرائیلدا باری نائاسایی ئەمنی رابگەیەندرێت

ساوس چاینە مۆرنینگ پۆست

• رەنگە حکومەتی چین موچەی فەرمانبەرانی وڵاتەکەی، بەهۆی باشتربوونی گەشەی ئابوریی، بە رێژەی 4.65% بەرز بکاتەوە
• ژنانی هۆنگ کۆنگ دەڵێن منداڵمان ناوێت، “پشیلەمان هەیە،” شارەزایانیش لەوبارەیەوە هۆشداریی دەدەن
• بەهۆی گرژییەکانیان لەگەڵ تایوان، چین ئیدانەی سەردانی لیز ترەس، سەرۆکوەزیرانی پێشوی بەریتانیا بۆ ئەو وڵاتە دەکات

واشنتن پۆست

• لە ئۆکراین، پەیکەری کەسایەتییە بەناوبانگەکانی روسیا، بۆ سڕینەوەیان لەو وڵاتەدا، دەشێوێندرێن
• بیرۆکەی کردنەوەی سەنتەرێک لە ئەمریکا بۆ بەکارهێنانی ماددەی هۆشبەر بەشێوەیەکی “سنوردار و لەژێر چاودێریدا” نارەزایەتی بەدوای خۆیدا دەهێنێت
• دوای چوونە نێو خولی دووەمی هەڵبژاردنەکان، کەمال کیلچدارئۆغلو، سەرۆکی ئۆپۆزسیۆنی تورکیا دەڵێت لەوە دەترسێت بە هەڵە لە دەنگدەرانیان تێگەیشتبێتن

رۆژنامە عەرەبییەکان

سەباح

• زۆرینەى بڕگە و مادەکانى پرۆژەیاساى بودجە یەکلاکراونەتەوە بەرلەوەى بخرێتە دانیشتنى دەنگدانەوە
• راوێژکارى ئاسایشى نیشتمانى عێراق لە هەولێر گفتوگۆ لەبارەى جێبەجێکردنى رێککەوتننامەى ئەمنى نێوان عێراق و ئێران دەکات
• سەبەتەى خۆراک دەدرێت بەو فەرمانبەرانەى کە موچەیان لە دوو ملیۆن دینار کەمترە وەکو قەرەبوویەک بۆ بڕینى بەشەخۆراکى مانگانەیان
• 

شەرقولئەوسەت

• ئارامی و سەقامگیریی عێراق، کۆمپانیا عەرەبى و جیهانییەکان بۆ بەشداریکردن لە بنیادنانەوە و بەهێزکردنى ژێرخانى وڵاتەکە پەلکێشدەکات
• سبەى هەینى لوتکەى عەرەبى لە جەددەى سعودییە بە بەشدارى بەشار ئەسەدى سەرۆکى سوریا دەستپێدەکات
• سەرۆکى کۆمسیۆنى مافى مرۆڤ لە سودان: کوژراوانى جەنگ لە 2500 کەس کەمتر نییە

قودسى عەرەبى

• بەرپرسێکى ئەمنى عێراقى لە هەولێر گفتوگۆ لەبارەى کۆنتڕۆڵکردنى سنور لەگەڵ ئێران دەکات
• پاش زیاتر لە مانگێک لە سەرهەڵدانى شەڕ و پێکدادانەکانى سودان، عەبدولفەتاح بورهان بە ئاشکرا دەرکەوت
• تورکیا رەخنە لە گۆڤارى شارلى ئیبدۆ دەگرێت پاش بڵاوکردنەوەى کاریکاتێرێکى “سوکایەتیکردن” بە ئەردۆغان

عەرەب

• داهاتەکانى عێراق لە خەرجییەکانى کەمترە، پشکى وەبەرهێنان سفرە
• دەروازەى سێمالکا – پێشخابوور لەنێوان سوریا و عێراق، دەچێتە نێو ناکۆکى لایەنە کوردییەکان
• سینان ئۆغان کێ هەڵدەبژێرێت بۆ سەرۆکى تورکیا؟ یەکێک لە مەرجەکانى ئەوەیە ئەو کەسە سیاسەتى ئاشکراى بەرامبەر کورد هەبێت و هیچ سازشێک نەکات

رۆژنامە تورکییەکان

حوریەت

• کاندیدەکانى سەرۆکایەتى تورکیا بۆ خولی دووەمی هەڵبژاردن کۆبوونەوەی جەماوەری ئەنجام نادەن
• هەم ئەردۆغان و هەم کلچدارئۆغلۆ لەگەڵ سینان ئۆغان کاندیدی هاوپەیمانی ئاتا کۆدەبنەوە
• جەهەپە تانەی لە حەوت هەزار و 94 سندوقی دەنگدان داوە

یەنیچاغ

• لە 10 هاوڵاتی تورکیا هەشتیان کێشەی بژێوی ژیانیان هەیە
• کلچدارئۆغلۆ: ئەوەی وڵاتی خۆشدەوێت بچێتە سەر سندوقەکانی دەنگدان
• 15.6٪ی پیاوان و 27.6٪ی ژنانی تورکیا بێکارن

میلی گازەتە

• هاوپەیمانی گەل نەخشەی خولی دووەمی هەڵبژاردنی سەرۆکایەتی ئامادە کردووە
• لە ساڵێکدا نرخی خانوبەرە 132٪ زیادی کردووە
• ئەمریکا مەشق و راهێنانی تانک بە ئەندامانی یەپەگە دەکات

سەباح

• ئەردۆغان: رێڕەوی دانەوێڵەی روسیا بۆ ئەوروپا تاوەکو دوو مانگی دیکە کراوەیە
• گۆڤاری چارلی هیبدۆ: ئەگەر قەدەر ئێمە لە ئەردۆغان رزگار بکات!
• نوێنەری رۆژنامەی سەباح لەلایەن پۆلیسی ئەڵمانیاوە دەستگیرکرا

رۆژنامە فارسییەکان

جەوان

• خامنەئی: ئەگەر دوژمن نەناسین وەک زۆر شوێن کڵاو ئەکەنە سەر وڵاتەکەمان
• لە ڤیدیۆ کۆنفرانسێکدا پوتین و رەئیسی رێککەوتننامەی دروستکردنی رێگەیەکی ئاسنیان لەنێوان وڵاتەکانیان واژۆ کرد
• ئەمڕۆ پەرلەمانی ئێران لەبارەی پرۆژەیاسای باڵاپۆشی کۆدەبێتەوە

سیاسەتێ رۆز

• کۆبوونەوەی نێودەوڵەتی بەرەنگاربوونەوەی خوڵبارین مانگی داهاتوو لە تاران بەڕێوەدەچێت
• سعودیە لە پەیوەندییەکانیدا لەگەڵ ئێران دەستوەردانەکانی ئەمریکای رەتکردووەتەوە
• سەرکردە ئەوروپییەکان داوا لە زیلینسکی دەکەن کۆتایی بە شەڕی ئۆکراین بهێنێت

ئەبرار

• زانکۆ تایبەتەکانی ئێران کێشەی کەمی خوێندکاریان هەیە
• هێڵی ئاسمانی ئێران کێشەی کەمی فڕۆکەی هەیە
• شەش هاوڵاتى ئێران لەلایەن قەتەرەوە بەهۆی تێپەڕاندنی سنوری ئاوی ئەو وڵاتە دەستگیرکران

ئەفکار

• رووداوی رۆچوونی زەوی لە تاران زیادی کردووە
• ئێران خاوەنی زۆرترین یەدەگی نەوت و گازە
• ئاڵوگۆڕی بازرگانی نێوان ئێران و بەریتانیا دوای برێگزیت سێ هێندەى پێشوو زیادی کردووە